剛過去這個週末，就是海豚兒和Mr. Dolphin一年前，最後一次外出用膳的日子了。在多倫多，去年三月中開始封城，到後來夏天又再重開後，加起來，大概有約三至四個月的日子，是可以在室內堂食的，只是海豚兒和主子，一直沒有太大意慾外出吃飯，至於能在戶外堂食的日子，就更長一點，但我倆一向也不大喜歡在戶外用餐，所以更加不會考慮，只能說每個人習慣及體質都不一樣，如果要海豚兒在戶外用餐，鼻敏感會很不舒適，曬著太陽也會引起皮膚敏感而出風癩，至於主子，他的情況就比起海豚兒更壞就是了，哈哈！
來到今個星期二，海豚兒就正式在家工作一年了，其實早已習慣到不行，反而，最難明是新上任的同事們，在沒有近似的工作範疇背景下，如何解決每日大大少少難題⋯⋯疫下要訓練新人，真的一點也不容易，而海豚兒工作的部門，更是出名趕頭趕命，只好祝大家好運，包括自己！;P
在過去的週末，海豚兒買了新出標榜少糖、少脂Haagen-Dazs雪糕，結果嘛，就是味道也減半，淡淡的，不大吃得出味道來，哈哈！
至於雪藏綠茶撻，綠茶味道還算濃，只是撻皮淋淋的，很一般啊。
還有就是魚生丼，沒有上次的好，但也不差，最重要是近便，偶一為之，非常方便！
Hello 海豚兒, 你買了新出標榜少糖、少脂Haagen-Dazs雪糕 .. 明智選擇喎 👍
回覆刪除睇吓呢條片就唔敢再食太多啦 :
【雪糕勁肥】https://youtu.be/2G4y-czh1Xg
多謝分享YouTube片呀，都知Häagen-Dazs超肥仔，但見親佢出新口味，都會貪得意買黎試下，如果呢度有movenpick，首選一定係佢呢！
刪除通常啲fat free，都係“淡茂茂”的
回覆刪除係，真係淡然無味，但其實又唔係真係食得健康咗。^^”
刪除多謝你分享，我又可以慳返唔晒去買來試啦！
回覆刪除如果想食濃濃嘅古力味道，呢個新品種就真係可以skip。
刪除我都會出風癩。廿年前在西班牙惹到，之後就meet 唔甩。我好鍾意睇你的食物，真係好正，睇左當食左，哈哈！
回覆刪除原來妳都會，我以前以為自己特別敏感，但同人傾得多，發現好多人都有呢個問題，我第一次發作係廿x年前有次感冒之後，後來，就係去完旅行，就會翻發。小聲說，只要唔洗我煮，我都覺得好正。XD
刪除我都係呀，正式在家工作一年了，其實早已習慣到不行！
回覆刪除雪糕方面，重質不重量，寧願食少啲但好好味，好過無咁肥但淡淡的 :D
係囉，慣到一個地埗，我同班同事都唔想返office上班啦，哈哈！
刪除很同意呀，好食嘅食幾啖已經滿足，唔好食嘅，食極唔夠喉，到頭來仲浪費多咗配額。
唔知仲要攪到幾時, 呢度又話第三波
回覆刪除妳地又再封城，真係要好好保重呀！我地一放寬少少，確診數字又已經急升，真係沒完沒了呀!
刪除我都好憎戶外食嘢，因為我非常惹蚊，食都唔會食得安樂。
回覆刪除呢樣我反而估唔到，我以為妳會鍾意戶外用餐，同妳一樣，我都係好惹蚊，仲成日比主子笑，佢本來好惹蚊但同我一齊就再無蚊埋佢身，因為去哂我度。>_<
刪除呢款少糖、少脂既 Haagen-Dazs 雪糕, 香港可能無喎!
回覆刪除都可能係呀，正如好多日本、香港Häagen-Dazs期間限定款式，北美都無，可能都係地區性，同埋呢邊一般都無香港細細杯裝雪糕。
刪除雪藏綠茶撻用焗爐翻熱可行嗎？
回覆刪除我初時都好似妳咁諗，之後拜托主子揾Google大神翻譯盒上日文，又無話焗得，所以唔敢焗，因為驚個綠茶餡會溶哂出黎呀！:D
刪除全部都係我嘅最愛，但食雪糕我淨係會食芒果味或者綠茶味！🤪
回覆刪除我都超like芒果味雪糕，不過自疫情後，都無機會食過啦，因為以前通常係去雪糕專門店買筆出黎嗰啲，但依家唔敢週街除罩食雪糕呢!
刪除