隨心過週六

沒有什麼想做的星期六，海豚兒和Mr. Dolphin去商場行下街，下午茶時段去了吃晚餐。^^"

海豚兒吃了好好好吃的燒排骨配好好好吃的焗豆和蘋果，而Mr. Dolphin則吃了外脆內軟滑的三文魚配焗豆 x 2，還有一般般的蟹餅，再去超市買點東西便打道回府咯!

回家後，我倆看了一套迪士尼卡通片 ~ Frozen。很out的海豚兒之前其實沒有打算看這套電影，只是好奇為何這套電影會如此火熱，連友人兩歳多的女兒也每天又聽又唱Let It Go。看罷，海豚兒只有兩個感想，就是這電影沒有The Lion King般感人----->當年海豚兒在電影院內一面看一面偷偷抹眼淚(汗!)，亦沒有Toy Story123般笑料百出和窩心感人，或許，只是海豚兒沒有共鳴吧，沒能被這套電影的題材觸動到。

夜半三點鐘的對話

一個月黑風高的晚上，海豚兒和Mr. Dolphin 有以下的“非”深情對話。。。

海豚兒： … …(依依哦哦, 唔知噏咩)

Mr. Dolphin:  係呀！

海豚兒："係"... 咁即係有定無呀？(語氣中帶點燥！)

Mr. Dolphin:  下，我其實聽唔清楚喎，不如妳講多次吖！(語氣中帶點無奈+緊張。)

海豚兒： 我係問，你"聽"日有無人車你呀？ (語氣更燥！XD )

Mr. Dolphin:  有呀！

海豚兒： 咁邊個車你呀？

Mr. Dolphin:  咪妳囉！

海豚兒： umm...  ...

Mr. Dolphin: 咁邊個車你呀？(明顯想玩返轉頭)

海豚兒：... ... (無應佢啦)

可以想像到這對話是在怎樣的情況下進行嗎?
.
.
.

平住、平食、平買 ~ 三日兩夜自駕"游"

襯復活節長週末假期，海豚兒和Mr. Dolphin 在星期五早上駕車落美國來一個"三平"的三日兩夜之旅。

這次的地點是位於密支根州(Michigan)一個叫Troy的城市，Troy距離底特律市(Detroit, Michigan)大概三十分鐘車程，而從多倫多開車前往Troy，以時速100公里計算，大約需要四小時，路程不算遠，對於懶惰的海豚兒和Mr. Dolphin 來説，實在是一個快靚正之選。

老實説，此行並非為觀光，重點只為吃和買，至於住方面，我倆也找到了一間價錢，質素和服務也不錯的小酒店，Hampton Inn - Detroit, Madison Heights, South Troy , 兩晚酒店包早餐連税才$121美金, 這是第一個“平”。

由於酒店已包早餐，我倆的午餐都是以輕食為主，然後就吃一個"超級早"的晚餐作結。到埗的第一天，我倆去了Ruth's Chris 的happy hours, 點了三份頭盤, 每碟$8美元(!)的食物來分享，包括超級好吃又足料的漢堡包加薯條，好吃的蟹肉三文治配超有驚喜的炸翠玉瓜薯條，和辣汁龍蝦肉。辣汁龍蝦肉就真的很一般啦，味道似辣味千島汁蝦球，敗筆是龍蝦肉有點霉，不過以價錢和地點來計，這餐又的確抵食，三碟食物加一杯汽水和一杯"作狀"用的雞尾酒，只$45美元，亦是第二個“平”之上集。

為南下做準備

三月最尾嘅星期六，去了唐人地區四圍走走，包括食返個港式早餐，修剪下頭頂嗰把大半年無修茸過嘅夏枯草，和舊同事食個聚舊午餐，同埋買定D零食準備長週末假期揸車落美國，作提神之用。

早餐都係平時食開嘅奄列、油多、麥皮加凍奶茶，同埋Mr. Dolphin嘅沙嗲一丁等等，所以都無特别影低lu。

至於剪髮，就係將前面嘅夏枯草由掂到耳仔嘅長度剪到啱啱遮住條眉嘅長度，換句話説就係將海豚兒本來已經夠低B嘅貓樣變成更低B嘅貓樣，不禁要講句I like it 呀！

之後就係同Mr. Dolphin約埋海豚兒嘅舊同事食個late lunch。 舊同事真係勁呀！喺老公要加班嘅週六，先車個大女(9歲)去課外活動，然後就帶埋二女(6歲)同細仔(4歲)一齊嚟食飯。當媽的真係唔簡單，星期一至五返工，週末就要安排節目比D仔女，管接管送，利害利害！