半夜兩點多,瞓到朦朦朧朧之際,感到 Mr. Dolphin 不停轉身,慿經驗,海豚兒想他應該是醒了,以下是我們的對話:
她: (扮温柔地)你係唔係醒咗呀?
他: 係呀!
她: 典解嘅?
他: (聲音帶點惶恐)我聽到D聲呀!
她: (霧汗中, 心諗, 咁都得!) 下! 咩嘢聲呀?形容嚟聽下!
他: 唔知呀!好怪好恐怖呀!音樂唔似音樂,歌聲唔似歌聲。。。
她: (繼續嘗試探討)試下哼兩句嚟聽下啦!
他: (無耐地)眞係唔識喎!好鬼異下喎!唉!都係快D瞓啦!(以九秒九速度大被㩒過頭~速瞓)
她: (更無耐,噪醒咗人就走去瞓,真係超缺德!)
結果,海豚兒碌嚟碌去攪到四點幾都未瞓著,終於有幸聽到傳說中好鬼異的音樂. 原來係 call to prayer 嘅音樂!
註: Call to prayer 即喚禮,是伊斯蘭教每天五次的音樂廣播,用意是提醒信徒禱告時間。
無陰公!海豚兒就係咁-->眼光光望天光! 終於碌到天光,襯 Mr. Dolphin 起床後,便和他討論晚上的奇異事件。
她: 託你嘅洪福,我有幸地聽到四點幾嗰次音樂,原來係 call to prayer 嘅音樂(下刪一大堆解釋...)
他: (權威地)我都估到呀!
她: (努力掩飾心中燃燒著嗰團火)咁你又驚。。。 =_=!
他: (理直氣壯地)唓!半夜有D咁怪嘅聲,係人都會驚啦!
她: (無言。。。 。。。)
明顯地,海豚兒 Day 6 的行程是在渾渾噩噩中渡過。
Haha, 又真係幾冇品, 不過搞到我都有d好奇想聽下係咩聲添~~
回覆刪除好似佛教念經D音樂,再加D印度feel...有機會去親身感受下啦,哈哈!
刪除哈哈...妳個晚係咪係土耳其呀?
回覆刪除真醒目!本來唸住間房向岸舶 overnight 都幾好,點知......唉!
刪除好多時自己好好訓,但你身邊個位吾好訓就有咁既後果....我都試過吾少次呀!
回覆刪除握握手!你真係我嘅知音呀!
刪除聲音是恐佈嗎? 好奇真的想聽聽~
回覆刪除晚晚都係咁嘈, 不過擾人清夢嗎?
我家的CEO好醒瞓, 攪到我成日想起身都要逼自己繼續, 真的好無奈呢
半夜聽到都會有小小恐怖嘅! 個音樂其實似佛教頌經嘅 background music, 但就多番D印度元素!
刪除我估 Muslim 非常順從 + 尊重這規條,但我都有懷疑非信徒在這些國家生活上都會有一些影響.
Oh no! 真係幾慘呀! 我覺得我哋呢班BLOG C9 應該開番條題目討論我哋如何配合我哋班"大帝"作息!哈哈!
多謝你給我的留言,也讓我能認識了你。多點交流吧
回覆刪除歡迎光臨! 我會好比心機睇你個 blog 呀! ^^
刪除哈哈哈~~~~~
回覆刪除但係你咁醒,知道係咩音樂ge?~~~
Hello 豆丁! 其實一D都唔醒! 只因為喺加國生活,會從身為信徒的朋友、同事口中而略知一二! ^^
刪除