上回提到海豚兒和Mr. Dolphin在這個晚上會去一個「特備節目」，而這節目就是在香港門票一公開發售便火速售罄的黃子華棟篤笑啦!
想起來，這已經是第n次看黃子華的棟篤笑了。
最興奮的一次是2010年回港，剛好遇上他第一次在紅館演出，難得在港，海豚兒和Mr. Dolphin當然"扑到"咁去睇啦! 對這次楝篤笑的印象特別深刻，因為這是海豚兒除了小時候去過紅館一次看冰上嘉年華外，第一次正式踏足紅館看港星表演，而且這次楝篤笑有很多「笑位」也好到肉，再加上紅館四面全開的即場反應，我倆實在睇得非常開懷。
當然黃子華的楝篤笑不是每一次也出色，海豚兒記得"雷曼事件"後的那一次演出悶到海豚兒狂放蚊，差點兒想戒櫈呢! >_<
每次在多倫多看黃子華棟篤笑，海豚兒也會想: 這晚、這場地會否是多倫多聚集了最多"港人"的場合呢? 不過這次卻給我倆遇上好些煲冬瓜的觀眾(!)。其實這麼地道的港式笑話，海豚兒也好奇他們能"明白"多少。
這次開場時，黃子華又一貫他的作風"引"觀眾大叫他「回水」和「除褲」，還請觀眾任選其一叫他做，最令人興奮就是全場大大聲回應說「除褲」，嘻嘻! 好一班齊心的多倫多港人，正! 遇到這情況，黃子華也呆了幾秒才"老屈"當中有人叫「回~~~褲!」來幫自己解困。
總括來說，這次楝篤笑也真的值回票價，唔駛回水，嘻嘻，下次有機會定會繼續支持!
海豚兒:
回覆刪除~原來去睇黃子華!!! 其實, 我一次都未睇過, 但感覺這位男子幾有智慧.
其實佢嘅轉數真係好快，現場睇佢嘅楝篤笑就最睇到佢嘅功力，值得一睇呢！
刪除hehe, 如果佢真係除褲, 妳地都幾驚呀~~~ :p
回覆刪除其實"回水"同埋"除褲"都預咗唔會發生，不過現場觀眾一齊胡鬧，又真係令到個氣氛更加好！
刪除哈哈！如果佢真係除褲，我驚佢即時比人拉，告佢當眾露體呀!:P
相信在加拿大買飛睇黃子華應該容易過喺香港~~ 我覺得佢拍劇定係做棟篤笑都好正~~~
回覆刪除以正價來說，香港嘅飛就一定平D，不過我估我就實買唔到飛，所以咁諗，我就覺得有得睇已經好高興啦！
刪除我都覺得佢拍劇同做棟篤笑都好掂，但做導演就... ...唔駛客氣啦！
吓，我仲以為每場啲人都應該揀除褲添！
回覆刪除睇佢反應，又唔似係扮出嚟，不過喺佢個場大叫"回水"都係睇佢做棟篤笑時嘅常有情況，所以我當時都有覺得驚訝咁一致嘅答案架！
刪除黃子華嘅楝篤笑好睇呀！
回覆刪除真係好好睇，尤其對於我呢D住喺咁沉悶嘅加拿大移民嚟講，佢嘅棟篤笑簡直係呢個月嘅highlight!
刪除嘻嘻，我都睇左呀，雖然感覺上都係無之前咁好，但見到佢又好親切，都值既
回覆刪除係呀，我見到妳個blog到寫佢個show時，我都好surprise原來我哋係同道中人，對於生活喺北美洲嘅我哋，有得睇其實都好興奮呢！
刪除我從未睇過子華 talk show呀
回覆刪除有機會嘅話睇下佢嘅舊show吖，或者睇完妳都會有興趣架！
刪除仲有，youtube有一段係香港個show到講到佔中，值得一睇架！
我未睇過黃子華live talk show嫁＠＠ 但上網、電視睇都覺得好好睇～～～ 佢成日去多倫多做show ga？唔知會唔會去San Fran呢？～
回覆刪除其實現場睇嘅氣氛真係好正，有機會豆丁都去睇吖！
刪除佢今次北美巡迴有去到SF、LA呀，應該係11月尾呀。^^"
買到飛呀？係香港好難買到，我有朋友要買黃牛tim
回覆刪除妳上次返香港睇，係自己買定一早托人同妳買㗎？
同以往比，今次多倫多都算難買咗，共五個價錢嘅飛，一開賣就已經剩下最貴兩隻，不過好在唔駛買黃牛jack ^^" 有得睇已經超開心!
刪除上次係返嚟前托老公家姐買飛，我仲記得我哋三人先去諾士佛臺開餐，然後再去睇show!
其實佢真係一個天才, 今次呢個騷都好正~
回覆刪除絕對係一個超有腦之人，可惜佢嘅巡迴剪咗我最期待嘅佔中嗰段，就連有現場觀眾打開黃傘都改變唔到佢嘅決定。
刪除