其實今次能夠前來威士拿到此一“游”，真的要感激Mr. Dolphin不辭勞苦開兩個鐘頭車，在上山公路上左兜右轉的車我們上來，純因為海豚兒很多年也未曾再來過，所以完了海豚兒這個心願。
一來到這條滑雪村，海豚兒就馬上精靈起來了！
原因嘛，實在是再簡單不過，就是單純地為了吃啊！這天的早午餐，海豚兒挑了一間專吃法式薄餅的餐廳，雖然餐廳細細，但味道真的很不錯哦。
如果來這兒玩，海豚兒也會推介大家一試啊！
吃飽飽後，我們便四處逛逛和拍拍照。
不好酒的我們亦沒有花費進入用冰做的酒吧(ice bar)幫襯，只在門外隨意照幾張相來交功課。
逛了約三小時便開車回温哥華。Mr. Dolphin跟海豚兒説，怎麽我們共開了四小時車來回，也不逗留長些時間呢？難道海豚兒上來只是為了吃嗎？。。。哎呀！被識穿了啦！^^" 為吃當然是首要啦，但同時也無謂要老人家陪我倆四圍騰貢辛苦嘛！
回到温哥華計埋塞車又到晩飯時間啦！這晚我們幫襯了一間吃南洋菜的餐廳，差不多每次回温哥華也會在這兒吃頓飯，這餐廳可算是Mr. Dolphin和海豚兒的心水啦。其實海豚兒對這餐廳還有一個情意結，就是許多年前温哥華的靚女好友們就是在這餐廳替海豚兒慶祝生日，那時候的海豚兒是個窮學生，很少有機會試一些有特色的餐廳，所以特别有印象她們和海豚兒在這餐廳慶生啦！
一輪廢話後都係講番正題，這兒水準就是一貫的好咯，唯一奇怪的地方就是這家愛蟹之人這晚沒有食咖哩蟹，哈哈！還有就是大頭蝦的海豚兒在開餐之初忘了影相，所以薄餅是吃了一半才補影。這晚除了一般般的雪糕配荔枝甜品，其他食物也好好味呀，特别是雞羊串燒，南乳雞翼，馬拉盞通菜和薄餅，好吃！:)
夏天冇雪滑, 玩3個鐘差不多啦, 旅行就係食食食嘛! :p
回覆刪除如果得我哋兩個，或者會留耐D同食多D，但同埋家人一齊，又唔想佢哋太辛苦囉！
刪除開四個鐘車去搵食在加拿大可能是平常事，因為你地的食物水準真係好勁，在英國的我就唔會喇。
回覆刪除其實温哥華地方細，正常情況都同妳一樣，我哋都唔會專登開長途車去食嘢。
刪除不過Whistler算係温哥華嘅名勝，所以都想再上去行下。;P
開車四個鐘去食我都會，一年一兩次去食比較似樣嘅廣東菜。
回覆刪除以住喺温哥華嚟講，開車去Whistler已經算係遠啦，而且公路建喺山上，一路彎彎曲曲，揸車都要加倍小心。
刪除要開4小時車去食較好嘅廣東菜，難怪妳去到NYC一有機會就去食啦，好在到11月返老家，妳又可以食個夠啦！
妳識唔識滑雪架?
回覆刪除Mr. Dolphin又講得岩喎，車揸車來回都四粒鐘，應該去過埋夜才抵玩ma :p
我滑雪技術仲差過單車，咁算唔算識呀。XD
刪除其實我知Mr. Dolphin父母都係為咗陪我哋去，如果再要喺嗰度住一晚，佢哋都會好悶呢。當然如果只係得我哋兩個，我都會四圍再行下同食下嘢至走嘅。
I usually get motion sickness from going up and down hills.
回覆刪除Just being nosy... Why are Mr. Dolphin's parents in Vancouver instead of HK or Toronto? Still working?
Mr. Dolphin一家都有呢個毛病，尤其以Mr. Dolphin最為嚴重，所以佢多數都會選擇揸車就唔會見暈。^^"
刪除佢父母都退哂休啦，温哥華係佢哋當年移民落腳地，如果依家要搬嚟多倫多近住我哋，冬天太冷唔識合佢哋之餘，年紀大咗要佢哋再適應多倫多生活，如下下要揸車上hwy都唔易，而亦都因為年紀大咗，留喺加拿大生活有醫療保障，所以就算Mr. Dolphin家姐本身喺香港生活，兩老都係約一年返香港一次到去探下個女。
又，Mr. Dolphin家姐回流香港嘅日子遠比在温哥華生活時間長，所以佢都唔會考慮搬返嚟加拿大生活，至於我哋,除非Mr. Dolphin轉行啦，如果唔係，搬返温哥華嘅機會都係好微。^^"
揸車咁來回4 hrs 真係幾辛苦wor, 我諗我寧願唔去，哈哈。 咁你冬天會唔會走轉去滑雪呢？
回覆刪除因為Whistler話哂都係2010年冬澳場地而且滑雪又咁出名，我又n年無去過，所以咪想再去下囉。
刪除其實我想架，不過應該唔會專登山長水遠去温哥華滑雪啦，或者睇下今年冬天會唔會喺呢邊去下啦。:)
又是很有食神的一日~ 為了美食, 揸車耐一點也在所難免, 始終外國地方大好多~~
回覆刪除呢日肚皮真係相當滿足，如果喺法式薄餅店可以有人陪我食埋古古力火鍋，就更加完美啦!
刪除同多倫多比，溫哥華市內地方已經算集中同方便，所以好多華人都特別鍾意喺呢邊生活架! ;)
食先係海豚兒主要目的嘛, 我都知呀, 哈哈!!
回覆刪除嘻嘻，為食係我標記，太易被人識穿啦！:D
刪除其實真係有D唔好意思要咁多人專登陪我去食個晏仔就走，不過間餐廳嘅crepes又真係幾好味就真嘅！