二月最後的一個星期六，Mr. Dolphin就不辭勞苦地車海豚兒幫襯了一間有大半年沒光顧過的甜品店了。每次來到這間由日本人經營的法式甜品店也會有驚喜的！這次來到，除了全都好好吃的牛角酥三文治、票子撻、綠茶味泡芙和好喝的綠茶latte外，還有各位觀眾，燈燈燈櫈。。。 。。。
就是超好吃焙茶味布甸啦(右下角其貌不揚那杯)~~~實在太滾(感)動了，終於能夠在多倫多嚐到焙茶味甜品，實在開心到想學大台電視劇大結局時，全人類伸出勝利手勢跳起再加個“yeah~~~”嘅反應。。。對！明顯地，海豚兒是資深電視精一名！
吃完這個早餐，Mr. Dolphin就本着地球是圓的道理，在不順路也變成順路的情況下車海豚兒前往下一站，買了半個綠茶卷蛋加一件綠茶味白古力粒曲奇。曲奇的味道也不錯，能吃出帶甘的綠茶味，只是卷蛋味道就較為普通，索價$13半條或$26一條的價錢就實在太不值得啦！
來到上班的日子，跟之前的幾個星期一樣，海豚兒依舊是要四出遊蕩。這天海豚兒襯人在唐人地區，吃了义鴨瀨，味道不錯，份量也很慷慨，海豚兒吃完瀨粉後，把大部份的义鴨也打包回家吃。至於奶茶嘛，海豚兒老是犯同樣的錯，上班的日子在午後喝罷奶茶，晚上總是睡不好，這晚亦不例外。@_@!
然後另一天跟同事去了半天meeting就在那兒附近的food court一起吃午餐。。。至於為何會議開至中午卻不包午餐，海豚兒心中也有十萬個為甚麼! 有見到圖中食物嗎？基本上大家也是一人一兜樂趣多，當中更有同事是自備午餐呢，相信這可算是北美文化的特式之一吧！;P
焙茶味布甸好特別喎, 香港都暫未有得食呢
回覆刪除自備午餐, 可以帶去food court翻熱嗎???
呢間D布甸都真係整得幾夠香滑，可以等我止下癮。嘻嘻，唔緊要啦，香港有好多其他高水準嘅焙茶甜品嘛。
刪除如果要翻熱嘅，通常要喺公司嘅休息間叮熱咗先囉，不過我呢個同事係vegan,佢嗰兜都只係沙律，所以好方便。:)
你哋啲燒味份量，真係幾誇，去酒樓叫一份例牌都無咁多呀。
回覆刪除而且價錢都算抵，雙拼瀨都唔駛十蚊加紙，我食剩嘅拎到返屋企都仲夠我好豐富咁再食，同埋呢間唔係將D餸放入碗湯瀨到，打包都方便D！
刪除Mr. Dolphin肯車妳去買妳鍾意食o既嘢，真係抵錫
回覆刪除係呀，佢嗰日真係勞苦功高，雖然多倫多路程唔特别遠但D公路建設無美國咁完善，所以車程亦相對較長！不過我哋嗰日都好好彩，因為無遇上塞車呢！
刪除上班的日子在午後喝罷奶茶，晚上總是睡不好 <---點瞓唔好啊? 瞓唔著嗎?
回覆刪除义鴨瀨 D 义鴨份量真係好多啊，好犀利，怪唔之可以打包走 ^^
嗰晚就好醒瞓，瞓咗四個鐘到就已經醒咗瞓唔返。琴日lunch又偷雞飲咗奶茶，結果到夜晚兩點都眼光光。^^"
刪除係呀，好似上面Ceci咁講，分分鐘叫個例牌都無咁多，而我仲有成碗瀨粉食！
I usually don't doggie bag Chinese food back to the office.
回覆刪除They stinks up the whole office!
我自己都好多年無帶中式食物返公司食，之不過我公司嘅非亞洲人同事人倒返轉頭又好鬼鍾意買好似chili chicken on rice呢D外賣返嚟食架喎，lol!
刪除Mr. Dolphin好錫妳抵讚呀^0^
回覆刪除多謝車媽媽! 我猜Mr. Dolphin和車爸爸一樣，很明白happy wife, happy life箇中道理就是啦，哈哈!
刪除food court 食物都很有水準呢。很羨慕你地周圍搵到好野食。
回覆刪除除咗帶lunch同事，我哋全部都係幫襯food court內同一檔專賣越泰食物架，呢檔多人幫襯、流量快，所以寜捨新鮮好食!
刪除我見到妳返香港食到嘅地道美食，我咪又係羨慕到不得了，嘻嘻!
要開幾耐車才到個間法式甜品店呀?
回覆刪除卷蛋要$13半條??加紙呀?好Q貴呀
嗰日好好彩，交通暢通無阻，大概四十分鐘去到啦! :)
刪除係呀，係$13加紙半條卷蛋，真係好貴，而且呢間嘅份量仲比平時嘅細好多添!
成日見你食甜品都搞到我引起...哈哈!
回覆刪除嘻嘻！女生大多愛甜嘛！:)
刪除香港食嘢咁方便，妳隨時都可以食到有水準嘅甜食呢，唔似我好多時都要等到週末至有得食！