
我倆從多倫多前往Amsterdam的KLM航機雖然很滿坐,但幸運地我倆中間的位置竟然無人坐,而且這航班比原定時間亦早了一小時到達目的地,所以這六小時的旅程,我倆還是過得滿寫意的,吃點東西,看看電影,時間一轉眼便過。

都説過KLM的食物包裝精美,味道也不錯,海豚兒指的是舊芝士啦,哈哈,這可是海豚兒這程機的主食啊!;P


來到Amsterdam機場,我倆要等待差不多五小時才能再登機前往目的地Budapest呢,除了四處逛打發時間,海豚兒當然不會錯過兩年前在這兒吃過的荷蘭班戟仔和煙三文魚啦!繼續幸運的海豚兒還遇上因快要到期的清貨價,煙三文魚豪減40%,爽呀!




終於來到Budapest(布達佩斯)的遊輪碼頭啦,拿到匙卡便到房間影兩張相,把隨身行李放低,然後會合比我倆早到的Mr. Dolphin家姐在船上吃個以輕食唯主的late lunch,再四處拍拍照。






其實船的面積很少,只有三層住宿+頂層的sun deck,全船亦只能容納188名船客,所以拍照行動也很快便完成。
這是reception跟conceige area 。


然後是lounge和lounge對出的coffee station。


再跟住就是船上唯一的餐房和圖書館。


最後是頂層的活動空間跟船長室。


把例行公事都辨妥後,Mr. Dolphin家姐,Mr. Dolphin和海豚兒隨即到岸上四圍拍照咯!






其實拍完照後,為食的海豚兒很想找間咖啡店吃吃喝喝架,不過姊弟倆想早些返上船等候父母到來,海豚兒就乖乖跟着大隊行事啦。
到晚餐時份,我們三便跟剛到埗的Mr. Dolphin爸媽一起用膳啦!這頓飯吃了兩個半小時,對於坐了太半天飛機的海豚家來説實在受不了啦,更何況主菜選擇少之餘,質素也真的很一般,煎魚柳是乾巴巴的,還好湯夠熱,前菜、甜品和芝士也不錯。^^"







吃過晚餐後,大家也沒有剩低多少力氣,於是就各自回房休息,準備迎接第二天豐富的觀光行程。
多倫多去Amsterdam只是6小時,來英國呢,幾時來呀?
回覆刪除多倫多飛Amsterdam同London都係7個鐘頭去,8個鐘頭回,所以真係吸引過飛返去温哥華架。;P
刪除如無意外,我哋下年會去london,希望到時同妳夾到時間可以出來一聚吖!
横風横雪 <--- only in northern US and Canada! It was really warm here last week, and today it is pretty cool.
回覆刪除荷蘭班戟仔 <--- were they oily?
多倫多呢個冬天真係好奇怪,成個冬天都偏暖又無乜落過雪,但反而成個四月都反常地凍。^^"
刪除真係有D油味呀,可能上次食係晏晝唔覺,今次一早食,真係覺得油D。
晚上至開船嗎﹖
回覆刪除隻船喺Budapest停overnight,第二晚至開船,所以我哋第一日去到先可以咁hea,唔駛趕住去觀光。
刪除4月仲有雪, 真係好誇張呀! Matthew已經開始了2堂游泳班呢 ^_^"
回覆刪除好在去到遊輪碼頭天氣好好, 影d相都特別靚, 好期待之後的遊記呢
係呀,當時我心諗,好在自己去第二度玩,唔駛留喺度捱凍咋!
刪除Matthew有爸爸嘅優良基因,一定好快學識游水啫!
妳揸車去機場,咁泊係機場好多日囉,貴唔貴呀?
回覆刪除KLM冇得預早online攞位架,點解妳地中間有空位既?
我哋打的去機場咋,如果停架車喺機場咁耐,Mr. Dolphin會好唔安心架!^^"
刪除KLM有得預早online check in架,正因為咁,我哋專登揀分開坐架,嘻嘻!
我呢個鄉下人仲以為郵輪第一餐要同船長食
回覆刪除妳啱架,真係有captain's dinner架,但多數安排喺之後,因為第一日到埗,船客如我哋一家多數趕到裙甩褲甩嘛,邊有心機扮靚去食飯吖,嘻嘻!
刪除嘩,啲風景好靚呀,直頭好似睇post card咁:O
回覆刪除歡迎妳呀!:)
刪除我影得好求其架咋仲成日俾Mr. Dolphin串我影相嘅構圖唔精美,不過當日天氣真係好好,所以D相嘅效果特别靚!
期待靚相^0^
回覆刪除哈哈,只要唔出我個嘜頭,D相就有水準保證啦。XDXDXD
刪除嘩,又去玩,想羨慕C我咩,嘻嘻嘻
回覆刪除唔駛羨慕呢!Mrs. Wu一家都啱啱去完一轉香港返嚟!我都好心急睇妳嘅遊記,特别係blog友聚呀!:)
刪除