是日第一個目的地就是布拉格的皇宮。真係約都無咁啱，來到皇宮剛好遇上換兵儀式，海豚家當然不會錯過，企定定欣賞啦！
當中最有趣的莫過於被Mr. Dolphin發現接更的門亭士兵連上手的太陽眼鏡也一拼接收然後即時帶上，哈哈！但海豚兒覺得這個好像不太衞生囉！^^"
在皇宮的核心外圍胡亂影過一些相後，海豚家便乘Hop on hop off bus去到Old Town Square吃午餐咯！
這天海豚兒挑了另一家網上評語不錯的意大利餐廳和家人吃午飯。
這兒的意粉的確不錯，不過pizza就一般般啦，最後，海豚兒也不敵甜品的呼喚，吃了一件滿好味的tiramisu作結。
吃完午餐，海豚家在附近逛了一會兒名店街就分道揚鏢，Mr. Dolphin爸媽和家姐就去坐Hop on hop off 費用包括的一小時船河，Mr. Dolphin就陪海豚兒去嘆返個古力下午茶啦！
跟據Mr. Dolphin形容，這古力店子超不易找，全靠有地圖app幫助，他才能成功帶海豚兒來潮聖呢！
喝過好喝的濃濃熱古力>>>海豚兒的是Valrhona黑古力而Mr. Dolphin的是用sweetener的黑古力，加一件普通的古力蛋糕後，海豚兒和Mr. Dolphin就折回Old Town Square繼續隨意逛，而最吊鬼的地方是這次Mr. Dolphin完全不用靠地圖app而是全憑海豚兒的認路本領回到Old Town Square (?!海豚兒行路只懂分前後左右，不曉得分辨東南西北!?)，而海豚兒這個小本領也是Mr. Dolphin這次無意中發現的！
是咁的，其實海豚兒是毫無方向感亦不懂看地圖，認路只靠途經的店舖，但若果不是Mr. Dolphin留意到，海豚兒也不曉得自己所有認得的check point不是餐廳，咖啡店，超市，就是糖果店(汗!)。。。^^"
既然海豚兒咁叻，當然要奬勵下自己食返杯雪糕順便等Mr. Dolphin坐低抖下啦！休息到差不多時候，我倆就按原定計劃會合Mr. Dolphin爸媽和家姐吃晚餐啦！
這晚海豚家幫襯了海豚兒和Mr. Dolphin之前一晚偷走出來吃古力蛋糕的餐廳。還好，大家也滿意這最後晚餐之選擇，海豚兒亦沒有錯過是次行程最後吃甜的機會，點了一件好吃果撻來作結！:)
妳係咪足足食左10日茄汁豆呀?請問妳食厭左未呢?
回覆刪除Mr. Dolphin都會肯跟妳飲朱古力奶?
我都相信妳會認得路，妳冇方向感啫，但唔係路痴ma
我都想呀，但船上得3日有豆食，而喺酒店都係食咗兩日咋，而我又cheap底，平時唔會嚟食，所以未有耐厭，哈哈！;P
刪除一場去到咁佢到想試下嘅，而且佢都幾欣賞佢嗰杯添。
喺條街到行緊都ok嘅，不過入咗室內妳再問番我室外嘅方向，我就唔識分架啦！
我十幾年前去過玩幾天，地方很落後，不過當地人很熱情。那時的消費很低，£60 已經可以4個人食一餐六星級的日本料理。
回覆刪除今次去喺遊客區唔覺落後，但就見到好多建築物都有共產年代嘅色彩，即係一係單一顏色，一係就用上好多灰調嘅顏色咁呢。
刪除嘩，咁真係激抵呀！我哋無試fine dining, 隨便食一個5人午餐約50-60€到，都唔算貴。
妳一日食咗三次甜品，勁
回覆刪除哈哈！妳唔提我都無留意到喎，tiramisu,古力奶加古力蛋糕，雪糕，再加果撻，total4樣啦，返嚟無暴肥都算係咁啦！
刪除嘩，依日的甜胃好滿足呀！特別想飲杯熱古力～
回覆刪除呢日真係爽！其實呢，我每逢食到超濃嘅古力甜品都定必會諗起妳架，希望第時再有機會一齊掃甜吖！:)
刪除WA....你食左好多甜品呀!
回覆刪除肥人佩服佩服!
原來大家都有留意到，反而我寫完成篇blog都無特别覺，嘻嘻，其實呢，我好多時都覺得甜品比鹹食易入口架，因為聞同睇唔到D油呀！^^"
刪除藍天啊！(絕對證明我唔住得成日grey sky嘅國家！)
回覆刪除嚟咗布拉格幾日，呢日真係最好天啦，心情都好D呀！
刪除咁妳真係唔好搬去Seattle或Vancouver等城市呀，記得以前喺Vancouver住時，連落幾星期雨都係平常事呢！
又係茄汁豆...真係你至愛喎XD
回覆刪除睇完呢篇blog，發覺Mr. Dolphin原來係個極度細心嘅人，好細微嘅嘢佢都留意到，海豚兒果然無揀錯!
係啦，我喺呢個旅行每朝最開心就係發現有豆食嘅日子啦，而雖然鍾意食，我平時又唔會買架喎，好似嚟到旅行筆下筆下先特别好feel咁！
刪除多謝妳讚賞呢！我又唔肯定Mr. Dolphin算唔算細心，可能係性格加職業病，佢好鍾意分析身邊事物就真！
杯熱古力巧引人喎!!
回覆刪除濃濃嘅熱古力真係幾時都咁得人歡心嘅啫！:)
刪除The neapolitan pizza actually looked pretty good. I guess looks can be deceiving.
回覆刪除印象中個底好韌，切嗰陣切到手都攰呀！^^"
刪除好似妳咁講，真係唔可以俾個樣呃咗！