跟昨天一樣,是日我們四也是九時出發去食自助早餐,亦同樣看見一條長長的人龍,於是我們又再乖乖的付款跳過排隊環節,直接進去吃早餐。^^"
來到第二日吃早餐buffet,發現食物跟之前是一式一樣,查實已經有點悶,不過,我們四依然是不違餘力吃過夠、hea過夠才離開,一家人坐埋一齊硏究下手機、傾下講下又兩個鐘啦,反正,這Vegas之旅行程也很輕鬆就是了。
吃飽飽後,先去M&M's World逛下,在Vegas大街上影下相,然後就去了Fashion Show Mall行下室內商場。
行到攰就去food court坐下,再從商場影返對面的酒店,無錯啦,就是我們四是次入住的Encore和她的姊妹酒店,Wynn啦!
和對上一日一樣,我們四是日又再跳過午餐直接在商場內吃晚飯啦!
是日最得家人心的絕對是這個蟹餅,好吃! 而最搞笑是Mr. Dolphin跟Mr. Dolphin媽媽挑了同款海鮮意粉,而Mr. Dolphin爸爸則和海豚兒一樣點了三文魚,可惜魚魚有一丁點過熟,否則就更完美啦!
在餐牌上發現這店有迷你甜品,海豚兒就點了兩款和Mr. Dolphin開心些牙啦,因為Mr. Dolphin爸爸、Mr. Dolphin媽媽也少吃甜的。
看到這裡,相信大家也感受到是次行程有多hea吧,哈哈!
日日buffet, 真係會有D悶
回覆刪除唔知係咪年紀大咗口味同胃口都唔同咗,今次去Vegas食buffet真係無以前食得咁興奮。
刪除有食有買有行有 rest,呢D叫享受,唔係 hea。
回覆刪除可惜我呢日無野買,係得奶奶喺M&M有收獲咋,不過好在我預先印定coupon,奶奶買幾蚊野都有10%off,女人濕平,最緊要有折扣,哈哈!
刪除你哋有無去扒房呀?
回覆刪除有呀,不過係第四晚等老爺奶奶走咗至去,因為奶奶唔多食肉,扒房嘅海鮮選擇又未必啱佢心水。呢兩晚我就專登唔叫扒,等最後一晚先盡情食過痛快。
刪除Wynn同澳門店一模一樣咁!
回覆刪除蟹餅好吸引,意粉超大份,可以食住好野hea真開心~~~
Wynn除咗外型一模一樣,入面嘅主色都係以紅白為主。
刪除鍾意香口野就一定會like呢個蟹餅,其實我本來打算食老公嗰份嘅一啖試下味就算,因為Mr. Dolphin一家都係蟹痴,不過奶奶堅持要同我分一半,搞到佢唔多夠喉呢!^^”
Hea得好爽喔!
回覆刪除不認不認還需認,自己年紀真係大咗,唔可以好似以前chur到咁盡,行下就要抖下,所以行程安排都係要以hea為主。同埋其實父母見到個仔,可以同佢坐低吹下水已經好高興、滿足。:)
刪除其實有時旅行都唔一定要密麻麻行程,隨意d、休閒d,都幾好啊,而且又可以放鬆一下 ^^
回覆刪除係呀,年紀越大反而越欣賞休閒啲行程,尤其係扶老攜幼嘅旅行就更需要放慢腳步,好好感受一家人一起嘅時光,而唔係一日可以完成幾多景點觀光。:)
刪除Love going to Maggiano's. Reasonably priced and consistent quality.
回覆刪除原來妳都意呢間餐廳,我覺得佢價錢平過酒店入面嘅餐廳啲之餘,食物同服務都幾好,而且我仲喺出發前signed up咗佢個mailing list,呢餐平多$10,所以心理上覺得更抵。
刪除我喺美國時都要食完甜品先滿足,仲愈食愈大份,連喺屋企開飯都要整黎食。通常係有伴食就會變成習慣。不過而家我地兩個都少食左喇,甜野你都唔好食太多呀!
回覆刪除多謝妳嘅忠告呀,我明妳嘅好意,只係暫時黎講,我都唔想戒甜,日常已經食得好清淡同low carbs,所以都要俾自己一個treat。:)
刪除我地都冇戒甜品呀,係食少左,返到美國又情不自禁食多啲!
刪除我覺得香港嘅引誘更大,中西日韓泰甜品都近在咫尺,但同時喺香港好多時要拎住啲食物一路行一路食,我就麻麻地。;P
刪除所以Brandon初初黎香港時都好驚訝點解香港人好似食唔肥咁!我反而係度假時會對甜品鬆懈啲!同你一樣我都唔多一路行一路食,尤其是我多野講,會食到漏哂口,坐定定慢慢歎岩我多啲 :)
刪除我每次返香港都會好無聊咁諗,港人愛玩鬥“瘦”棋,同北美比,香港人真係超slim呀!XD
刪除係呀係呀,尤其香港嘅步速又快呢,真係好難一路行、一路傾、一路食架。
以前就想不停有節目,而家反而中意hea住咁vacation, 我覺得最重要係同邊個一齊去,去邊度做咩野都係期次
回覆刪除如果去一個從未到過嘅地方,我可能都會chur啲,哈哈,但係去Vegas都只係志在住下靚酒店、食下、抖下,所以真係以hea為中心。
刪除我想講而家反而中意enjoy life多D,所以去邊度都好,都想輕鬆為主
刪除啱,去旅行都係想輕鬆,relax下。又,我去旅行唔介意搭地鐵,火車,電車,輕鐵,但就好怕坐巴士(香港、倫敦等城市除外),我會因為唔識路又唔識當地語言而擔心架,哈哈!
刪除永利酒店同澳門果間係一樣架原來~
回覆刪除真係幾似,尤其係外貌。雖然酒店裝修都幾靚,但就無Vegas其他酒店有特式主題咁吸引。
刪除