早前和幾位舊同事吃日式任食晚餐作飯聚，差點被當中兩位舊同事笑到肚痛。兩位早已當爸爸的大男人，孩子氣地點了“一堆”芒果乜乜乜甜品加“一堆”薑汁撞奶甜品，清碟後，飽到他們抱著大肚子離開。XD
另一晚，Mr. Dolphin陪海豚兒食好西，Mr. Dolphin一心以為海豚兒想吃扒所以揀了這間餐廳，其實海豚兒是為了好好味兼期間限定的s'more creme brulee而來啦，哈哈！
接著來到感恩節長週末，Mr. Dolphin陪海豚兒去市中心吃喝玩樂，我倆先去嘆碗Mr. Dolphin至愛的蕃茄湯元貝拉麵。
行街街期間買了件早前在香港大熱的奧大利芝士包包作第二天的早餐。。。本來15、16要不要給blog友也買一份，好在無咋，味道真的不怎麼樣啦。^^”
然後海豚兒和Mr. Dolphin就去了咖啡店嘆了件超正的tiramisu，跟住就放低Mr. Dolphin喺咖啡店去跟Mrs Tin Tin見面啦！兩個女生閒話家常，很快又過了一個下午啦。
多謝Mrs Tin Tin給海豚兒買的古古力，好好味呀! :)
之後海豚兒就跟Mr. Dolphin在市中心隨便吃了件薄餅和tuna melt便回家咯！雖説這是加拿大感恩節，但我倆一向也沒有特別慶祝的，嘻嘻!
因為“私人時間”真的很有限，只能快手寫一篇。各位保重啊！
其實我本身都好喜歡食蕃茄湯底的麵，不過次次食，都會彈到成身係，我又成日著白色衫，所以已經唔敢食好耐呢...^^""
回覆刪除嘩，果堆芒果甜品好勁呀...你地幾多人食啊....好強呀....好多XDDD
請樣妳知吖，我係將啲麵一小口一小口咁夾落匙羮再加湯咁食架，所以少啲彈到個身，但我咁做唔係為儀態，而係想控制份糧，唔想自己食咁多咋!;P
刪除哈哈，兩個男同事每人自隊十杯芒果甜品同4、5杯薑奶，其餘就Mr. Dolphin我同佢地老婆即4個人分。
奥大利麵包店聽聞摺得8899了！
回覆刪除噢! 原來如此。。。老實講，試過後都覺得難怪會摺。
刪除兩位前同事食力都幾犀利
回覆刪除佢兩個勁搞笑，食到最後繼續頂硬上，仲開始亂講野，真係笑到我地CC下架。XD
刪除用手機寫啦，幾分鐘就攪掂！
回覆刪除我已經係用手機寫架啦，但主要係喺公司隔離坐咗個人，“偷”唔到時間寫呀! ^^"
刪除香港好少s'more甜品，好想食呢....
回覆刪除希望Mrs Trainee太太盡快完成training，take care too!
呢款甜品最開心係筆到底有一舊舊古古力有啲咬口，特別好味!我估遲下呢個北美風都會吹到香港啫!
刪除多謝妳呀!佢嘅training都就快完啦，但據估計佢都會同我喺同一個辦公室工作一段時間直至佢上手為止。
Mr. Dolphin 可以正常進食真是太好了！
回覆刪除妳好細心呢! Mr. Dolphin好咗好多啦，只係個牙窿仲未完全埋口，食野都仲係要小心啲，多謝妳呀! :)
刪除That's a three tier tiramisu!!!
回覆刪除佢個presentation同平時有啲唔同，但份量唔算好多，而且都幾好味，所以清碟無難度! :)
刪除嘩，個芒果甜品食得哂好勁呀！ 兩位爸爸真係抱住個肚走，哈哈。
回覆刪除個creme brulee 得唔得？ 我都好中意食，不過無咩機會。
嗰兩位爸爸可能因為當晚無帶細路出黎特別free所以食加玩得特別盡情。
刪除呢個creme brulee我覺得得呀，因為多咗啲棉花糖同墊底嘅古古力，多咗啲層次。哈哈，妳黎嘅話，我陪妳去食又點話吖～～
好呀，你慢慢等下啦，哈哈！
刪除唔駛急，最緊要快！XD
刪除練習生太太醒目嗎？還要跟你到何時啊？希望你快啲重拾自由！
回覆刪除最想試個s'more creme brulee! 好好味咁樣！
佢醒目架，好快學識，不過同時都係啲要提防嘅類型，我唔怕佢學哂我嘅野，我亦唔介意乜都教識佢，只係怕其他issues啫。佢暫時呢幾個月都會同我一個location返工，直至老細有新安排。
刪除若果妳將來有機會夏天黎玩，我一定同妳去試。:)
我明，所謂「防人之心不可無」，我係果種唔防人但後來跌眼鏡先漸漸小心啲。如果你個訓練生太太識做，應該請你食餐飯 😆
刪除哈哈，訓練生太太都幾老馮我有責任教佢架，所以唔會特別appreciate我做嘅野。既然講開，都講多少少由佢引申嘅問題啦，我老細想我地繼續喺同一個office返工方便我照應訓練生太太，但我返開嘅office (超近我屋企)未必可以有個固定位比訓練生太太，我老細就想諗計仔搬我地去一個有地方夠我地兩個用而又方便訓練生太太但不便我嘅office返工。^^”
刪除咁嘅安排對你唔公平啊！又要無奈地接受？返工時間要照顧多一個人已經唔容易，仲要影響其他方面，我會好介意！除非老細識做有額外報酬啦！
刪除辦公室問題暫時都解決咗，我可以繼續留喺屋企附近office 返工，謝謝妳呢！:)
刪除太好喇👏🏻我未離職前都係喺屋企附近返工架，對我黎講有好有唔好，但一定慳唔少交通費 👍🏻
刪除無錯呀，慳錢又慳時間，堅爽！:)
刪除麵包店真係執得7788 啦...灣仔鋪都係開左一年就執左LU~
回覆刪除其實有樣野我都唔係好明，點解香港執得7788，呢度至黎開，嘻嘻!
刪除