今次海豚兒和Mr. Dolphin也非常滿意呀，由免費送上的蒜蓉多士，跟餐的沙律，散點的龍蝦湯，和兩款主菜也超級好味，Mr. Dolphin尤其滿意他質量並重的鮮美帶子，不過海豚兒的扒扒也真的太巨型無法完成呀，好在Mr. Dolphin抵得諗幫忙清碟，海豚兒才可以食埋這個賣相一般～走實力派路線的tiramisu咋，嘻嘻！
一個星期後的週五晚上，海豚兒和Mr. Dolphin就去了吃泰菜，估唔到這間小店的食物也很好吃呢。小聲說，這晚點的菜式全都帶點甜味，這口味就最對海豚兒胃口啦！
其實連續兩星期也吃得這麼放縱也不無原因的。鋸扒當天其實是上班日，海豚兒預約去跟新家庭醫生報到，做了個年度身體檢查，醫生跟海豚兒量血壓，量了一次後説海豚兒血壓高，跟住醫生就話 “唉！你兩公婆都係咁，唔做運動嘅=_="！” 海豚兒心想，我地唔夾都做唔成夫妻啦，嘻嘻！接著，醫生就命海豚兒跟著他做一些伸展手部運動，隔一陣，再量多次，血壓好了些但還是偏高呀。。。當下，海豚兒心情灰爆呀，心諗“我仲好想食菠蘿油呀”～～～所以就襯睇報告前，乜都食餐飽咯，做完身體檢查當晚就去鋸返個靚扒。
食完泰菜之後一天是星期六，海豚兒和Mr. Dolphin就一起去看醫生，一個睇報告另一個打flu shot跟配藥。而海豚兒的驗身報告結果就。。。。。。靚仔到你唔信呀，而且到週末血壓又正常返，當然係以唔戒口唔做運動計啦，連醫生都話 “It's in your gene！” 哈哈，換句話講，即係海豚兒有優良血統啦 ;P。雖然亦有少許唔夠鐵嘅老毛病，現在也開始吃supplements來改善，感覺比從前吃鐵丸舒服多，所以亦不再抗拒啦。
咁高興嘅一篇，當然要順便post個早前嘅超標好味早餐黎賀下啦！:D
嘩，last 果張，好正啊，隻蛋好大隻呀，好想食~ 好想食....
回覆刪除最尾嗰個茄蛋菠蘿油真係唔講得笑呀，堅豐富，不過我其實都係鍾意簡簡單單嘅菠蘿油多啲。:)
刪除睇到我好肚餓！:)
回覆刪除我依家等緊lunch time又係好肚餓，仲好恨食番個菠蘿油添呀！
刪除我都今日抽血做檢查, 希望無咩事啦
回覆刪除祝妳嘅檢查報告應高則高，應低則低！:)
刪除你咁後生，又有優良血統，唔使驚。
回覆刪除查實都唔後生啦^^”，不過就鍾意誇張少少講到自己真係好似好勁咁，等自己都開心啲！人開心，感覺上都精神健康啲嘛!:)
刪除我都唔做運動
回覆刪除唔做開運動真係好難的起心肝去做，不過為咗身體健康，點都要郁動多啲，大家一齊努力啦！
刪除見相都睇得出你有幾興奮啊，哈哈！你地會行山嗎？以前平日返工已經好攰，我地留返周六去行幾個鐘山，感覺健康啲，雖然行完都即時去食返個大餐 :p 不過似乎又keep到個磅數啊！而家我就訓練自己唔好食十成飽，好難架！因為我都好鍾意食野 ：）
回覆刪除無錯，對我咁為食嘅人黎講，食得真係好重要。
刪除我地都無行山習慣，之前Mr. Dolphin都有落gym做運動，但近幾個月都因為腳痛而停咗。我地諗住等12月去完旅行返黎後再努力過。
出街食飯我地會食得飽啲，平日夜晚喺屋企食嘅話就好少會食得太飽，有時到瞓覺時仲撞鬼到係餓住咁去瞓添架，哈哈！
YAY! Back to eating yummy food!
回覆刪除Btw, Mr Dolphin’s surf and turf looks great!
Yes, finally we can enjoy eating out again!!!
刪除除咗surf and turf仲有米飯呢，佢都不知幾enjoy。我發覺妳同Mr. Dolphin口味都幾夾，熟嘅帶子我反而麻麻，生嘅會啱食啲。
我地依D吃貨無得救，不過唔知由香港買茶返去加國得唔得？
回覆刪除可以整兩包減肥茶俾妳地試試，佢都幫到排毒，唔知幫唔幫到少少指數
其實我地食野style都有啲似，都係quota制，出街食多咗嘅就喺屋企食返清淡啲，紙皮...噢，我指麥皮依然係Mr. Dolphin每日嘅良伴。
刪除多謝妳先但唔洗客氣啦，因為我唔多飲得茶。^^”
但如果你血壓結果唔consistent，都係borderline case, 小心啲好。
回覆刪除多謝妳呀！返工嘅日子我係特別心急同緊張，所以血壓就跟住升高。不過我媽係突發心臟病發作而離開嘅，我都知自己要小心啲，尤其飲食方面。依家轉咗呢個家庭醫生，佢雖然串嘴，但就好細心睇症，所以我都叫做安心啲架啦，至少唔會好似以前嗰個咁，十年黎都堅持唔肯同我驗膽固醇都得！
刪除要繼續健康啊！
回覆刪除大家咁話！比起童顏、逆齡生長，我更希望要活得健康！:)
刪除肥人都係時候要年年檢身啦....老啦老啦!
回覆刪除細細聲同你講: 肥人都唔做運動架呢...hahaaaa ;p
身體檢查真係唔懶得，就算好似妳咁年青都唔可以走雞呢！
刪除哈哈，原來都係同道中人，不過為咗將來，我地真係要勤力返啲啦！