某個星期五晚上，Mr. Dolphin和海豚兒吃了北美式晚餐，雞翼嘅醬有啲似呃鬼佬嘅中式醬汁麻麻地啦，反而burger同三文治就唔錯。
接下來的星期六，我倆再接再厲，繼續食北美式西餐，今次嘅兩款主菜都好好味呀，係差在個甜品曲奇唔係喺個盤即焗出黎，唔夠新鮮熱辣啫。
再之後嘅星期五，海豚兒約咗舊同事食泰菜，呢餐嘅食物都幾好味，難怪分店開完一間又一間。呢位舊同事自從一年多前同海豚兒開心些牙過燒鵝後，佢依家每次連食親鴨都會諗起海豚兒，都唔知係好定壞事，哈哈！
到星期六，海豚兒就獨個兒嘆好好味嘅壽司一人前，因為Mr. Dolphin有約呀，佢同班舊同事食午飯。
由於呢日我倆嘅午飯都食得好飽，到晚飯都只係去咗台式小店係咁耳食下小食就當一餐啦！
同場加影：海豚兒去換雪呔的一人前普普通通早餐、因收銀機壞了而不用收錢所以變得特別好味嘅Godiva雪糕、同埋超市買嘅(好似話係加拿大)限定Häagen-Dazs雪糕。
都食左唔少好野啦
回覆刪除都真係唔差:)，始終住城市就有呢樣好，選擇多啲！
刪除Wow, 睇完我發覺亮點在：收銀機壞了而不用收錢
回覆刪除--> 咁好既，HK遇著咁情況一定唔會賣！
對，這絕對是亮點，氹得C9我好開心！
刪除查實我都無expect過會唔收我錢架，可能係因為我係碌咭，或者現金又唔同啲!
這個時候的多倫多，係咪已經有雪，咁早要換呔？ safe driving 呀
回覆刪除我心急嘛，情願早少少換唔駛同人逼亦揸得安心啲。今朝有flurries但暫時都未有大雪落過。多謝妳呀，妳都係，要小心啊!
刪除啲壽司同個蛋糕同一餐格格不入啊！
回覆刪除我到依家都未食過Godiva雪糕。
件蛋糕係豆腐芝士蛋糕，可能算西式日式卦，不過同壽司比，壽司味道正好多！
刪除以北美標準計，Godiva軟雪糕都算唔錯。
一日前日本餐都食咁多
回覆刪除我真係有搏命食架因為明知要等主子，咁我都唔想叫少少野但喺餐廳坐太耐，而間餐廳都幾滿。
刪除收銀機壞了而不用收錢？？
回覆刪除係呀，兩位職員搞咗一陣都係搞唔掂部收銀機，結果就直接整杯雪糕俾我然後話唔收錢啦，嘻嘻！
刪除