而食物水準就屬於正常啦，嘻嘻！
食飽飽我倆就去灣仔的大同買半打老婆餅返多倫多嘆。
這兒很特別呢，四週都是和婚宴有關的商店和擺設。
把老婆餅放回酒店後，我倆就再度出發啦，因為約咗Mr. Dolphin家姐午餐去金鐘的Dim Sum Library飲茶。
選擇這間餐廳是因為官網照片裡的擔擔小籠包賣相好吸引，可惜原來味道麻麻地，反而其他點心就幾好味喎。
飲完茶，我們仨就返回銅鑼灣向工展會出發啦。告訴你們一個小秘密，這是海豚兒人生中第一次踏入維園呢！而當海豚兒跟Mr. Dolphin家姐這樣説時，她的反應就是O嘴咯，哈哈哈，那當然啦，他們姊弟倆小時侯經常來這兒玩，又怎會想到海豚兒咁大鄉里未黎過維園喎。^^"
排完一輪隊買好入場卷，我們仨就入去工展會啦。呢度真係勁多人呀。
入場後見到有糖蔥餅賣，即刻買份食下先。
大概行咗成個工展會嘅一半到，有啲餓，Mr. Dolphin姊弟就食咗下面嘅燒海鮮、椰青同魚旦，海豚兒就食咗喺隻鑊到筆出黎仲係暖嘅咸蛋炸魚皮，好味呀，Mr. Dolphin家姐同海豚兒都食得好滿足，但Mr. Dolphin聽到“魚皮”兩個字就怕怕啦，只勉強試咗一塊仔。XD
對海豚兒來說，最大的意外收獲就係試到長洲名物～芒果糯米糍啦，呢個真係堅好味，亦難得終於食到甜芒果，連Mr. Dolphin都表示欣賞肯同海豚兒開心些牙。:)
雖然我們仨只係行咗一半，但逼下逼下咁行，已經覺得好攰啦，就提早撤退返酒店hea下，hea到咁上下就搭地鐵去尖沙咀的「大一」打邊爐。
其實海豚兒和Mr. Dolphin覺得這餐(約二千港紙)有點貴呢，因為除了牛牛，我們仨也沒有點甚麽貴食材，香港的物價真的貴了很多啊，不過這火鍋店的食物和湯底又確係好味，說到底這天的午、晚飯都要多謝Mr. Dolphin家姐請客呢。
食飽飽，Mr. Dolphin家姐就回家休息，Mr. Dolphin就約咗佢班舊同學去太古城飲野見面，海豚兒亦襯機會同LA讀書年代的好友到朗豪坊聚舊，臨返酒店，海豚兒仲趕得切喺Sogo關門前買件堂島卷栗子味卷蛋做飯後甜品添，好味道呀！食飽飽才有力氣執行李嘛，結果亦不負眾望將12kg的邋遢衫成功塞入手提行李袋預備寄艙。:D
海豚兒, 你們去的地方四週都是和婚宴有關的商店和擺設叫做利東街, 是灣仔昔日香港的著名印刷品製作及門市集中地, 尤其以印刷喜帖著名. 所以又名喜帖. 由於市區重建局計劃，利東街的業權現已被收回, 2015年改建完成, 亦是你們拍照的地方. 附帶: 謝安琪的囍帖街也是講述這地方.
回覆刪除謝謝妳這麼詳盡解釋呢！ :)
刪除馬後炮：我當時都有咁同Mr. Dolphin講可能呢度就係關於婚宴嗰條街，但因為我唔記得條街名而我雖然知謝安琪有呢首歌但亦唔熟悉，所以都無再深究，嘻嘻。
我都未行過工展會，或者美食展，都好想去行吓食吓嘢
回覆刪除如果鍾意行年宵(即唔怕逼)，其實都係一個好節目黎架!
刪除香港火鍋店如果唔係以任食又或者連鎖式經營嗰啲，都會係好貴，只要係料好少少就要過千，食環境同租金多於一切，我都覺得唔抵。
回覆刪除真係幾唔抵食，但好在環境同食物都好而且又喺尖沙咀，都明租貴係無可口非，不過就有啲替Mr. Dolphin家姐肉赤囉！
刪除個度應該係喜帖街
回覆刪除食火鍋要二千蚊, 啲牛肉一定貴野啦
多謝妳呢。：)
刪除小聲說，啲牛肉我食咗好少咋，因為我麻麻地肥牛，而其實Mr. Dolphin都係，但佢唔想浪費，所以都食咗好多。
估唔到你都會行工展會，我都鍾意架，不過唔想聖誕節返香港。 老婆餅我依家都轉左呔食大同，真係好食D，係人情味，無機械化。
回覆刪除我都鍾意湊熱鬧架，不過都可能因為我平常唔喺香港生活，所以特別想感受下嗰種氣氛。
刪除講得啱，而且入餅舖到買嘅感覺同去Sogo嘅counter買盒現成裝好咗嘅餅真係好唔同。
好想食dim sum library同栗子味卷蛋呀
回覆刪除Dim Sum Library食嘅點心比較特別亦唔係咁傳統，我覺得好有特式，“一”試無妨。
刪除堂島卷只要有中間嗰一大pat甜甜地嘅cream,我就食得好鬼開心。
約二千港紙 for a 3-person dinner is kinda expensive!
回覆刪除係啦，我地原先以為打邊爐唔會太貴，所以至尤得Mr. Dolphin家姐請，無諗過同食海鮮差不多價錢，下次都係叫佢請我地食茶餐廳算啦，哈哈!
刪除好豐富的節目啊！好想食食食 :)
回覆刪除難得聖誕，大家都想食、去同做啲特別少少嘅野，至正係Mr. Dolphin都想約朋友見面，咁我又可以乘機約我嘅朋友見下。
刪除堂島卷栗子味未試過喎！好吃嗎？
回覆刪除好吃，因為有甜甜地嘅cream,哈哈，但個cream就唔係栗子味嘅，只係有粒粒栗子肉混係cream入面。
刪除好幾年前陪媽咪去工展會行，如果唔買野其實幾悶下。我情願睇花展。
回覆刪除海豚兒鍾意食芒果嗎？我好鍾意呢。喺美國時可能接觸芒果唔多，食嘅都比較firm，雖然甜，但唔慣。
工展會有野食啱我多啲，花展會我反而麻麻，我好惹蚊，所以有啲怕去郊外或太多花草樹木嘅地方架。^^”
刪除我都勁like芒果，有時夏天仲會買一箱返屋企慢慢嘆。又，我聽人講過話巴基斯坦嘅芒果仲正過呂宋芒，有機會好想試下呢！
Mr. Dolphin呢？本來我由細到大都惹蚊，但近幾年反而掉轉Brandon惹蚊過我，可能體質唔同左？以前我去郊外要拎住支打開左蓋嘅蚊膏一路行一路撥，哈哈！
刪除嘩！買一箱芒果返屋企嘆！咁妳鍾意芒果多我好多 :p
問得好! Mr. Dolphin成日笑佢由細到大都好惹蚊，但自從同我一齊之後，就好少俾蚊咬啦，因為啲蚊都衝著我而黎。^^” 係喎，你地都鍾意去郊外，真係要做足準備，尤其帶住囡囡，佢俾蚊叮，妳一定好肉赤。
刪除因為成箱買平過散買好多嘛，C9心態嘅我，咪情願買一箱再週圍同人開心些牙，感覺上抵啲。
原來如此，妳咁慘豬！我發覺蚊帶(bracelet)係最有效防蚊又唔麻煩，妳有需要試下！
刪除有呀，Mr. Dolphin買定咗半打(定成打?)看門口，幸運地，近兩年去嘅地方、季節都未需要用到，不過今年夏天尾秋天頭出門就可能用得著啦！
刪除