又拉遠了，還是先記錄下這些日子的零碎片段吧！
某日因要到市中心開會，海豚兒臨急約舊同事到美食廣場吃快餐，好好閒話家常一番，意想不到food count食物質素竟然這麼高。
可惜海豚兒因當天沒飲夠水而頭痛，難得跟舊同事見面卻表現得呆呆滯滯。話説回來，舊同事不會怪海豚兒的，曾經海豚兒打了17x次電話才打通某一位難求餐廳的訂位熱線並成功訂位和舊同事吃飯，而他最終也因為臨事會議而在兩天前取消飯局，海豚兒和舊同事也只當笑話一則看待啦。。。笑位嘛，咪就係點解海豚兒返工咁Q得閒囉，哈哈！
來到週末，海豚兒和Mr. Dolphin難得出城就去嘆返個港日式fusion薄餅作午餐，好吃又飽肚。
之後某天閒日夜晚，我倆因不便回家吃晚飯，就到餐廳吃較平價的happy hour時段，再加份好吃的甜品作結，超滿足！
另一個星期五晚上，海豚兒心血來潮想食中餐，可惜味道很一般，而且可能因為食物太油關系，海豚兒肚仔亦不太舒適。
正因如此，海豚兒決定週六晚餐要吃得“清淡點”，一於食西餐啦，哈哈！當然，海豚兒亦不會錯過夏季期間限定的s'more creme brulee啦！
嘆完好味甜品，海豚兒當然是藥到病除啦，嘻嘻！
哈哈，我又係咁，我有頭痛就懶自己飲得水少。我有個同事成日都講。人工無得加，就要在公司做私事，補返數。
回覆刪除有時我仲會比籍口自己飲罐汽水治頭痛，嘻嘻！不過嗰日因去廁所唔方便(每次都要問人借fob出入)，所以飲得好少水。
刪除而且喺公司做私人野仲好多時做得特別順暢同有效率。:D
反正咁辛苦打電話訂枱,為何不同Mr. Dolphin或者再約其他朋友去食那間餐廳呢?
回覆刪除因為個預訂時間係午餐而間餐廳離主子公司好遠呀，又唔係咁易揾到有興趣lunch去食fine dining嘅同事/朋友嘛，哈哈！
刪除原來妳食咗甜品會身體好，唔怪得妳成日都要食甜品
回覆刪除食甜品有提神作用架，哈哈！查實我唔係食得好甜架咋，好似豆沙、楓糖嘅甜，我都麻麻。
刪除好多味食.....好吸引
回覆刪除Welcome Welcome :)
刪除除咗中餐，其他食物都真係唔錯，而且西餐地方通常又坐得舒服啲，人都放鬆啲。
甜點係最佳藥物，哈哈哈。 Happy Pills !
回覆刪除對對對！有時我都會諗或者有日，甜品配額會自願/不自願情況下用盡，不過嗰日未來到之前... It's still the best part of the meal! :)
刪除非常罕有地，我今次鍾意你個西餐，仲要係平價的happy hour餐。
回覆刪除有眼光呢！Happy hour餐嘅份量、味道同正價無異，所以真係算抵食！而且，個中餐相對地真係好唔掂。^^”
刪除甜品能醫百病
回覆刪除我堅係覺架，好多時無胃口或者病，我都覺得甜味較鹹味容易入口。
刪除一位難求餐廳最後有冇轉跟Mr. Dolphin去享受？
回覆刪除無呀，一來Mr. Dolphin返工地點離餐廳好遠，二來返工時間，佢至無我咁好閒情去嘆fine dining呀。;P
刪除心情對健康真係好大影響，所以我好支持間中隨心享用喜愛的甜品，或者係邪惡美食，當然要適可而止啦～
回覆刪除對對對，近來身邊有好幾個朋友都因為腸胃不適而影響心情，心情唔好個胃又更加不適，好慘呀！襯仲有配額，間中放肆少少都無防。
刪除17x次....oh no...
回覆刪除同肥人打去買演唱會飛既次數差不多..hahaha
咁我會覺得最終打通電話買到演唱會會爆開心好多倍喎，唔知妳電話有無“重redial”功能呢，我用手機打，都算方便但當時都諗，點解無redial功能架，哈哈!
刪除Iphone有架...佢會自動不停幫我打出...
刪除買到演唱會飛呢種喜悅..我應該未感受過囉...唉~
原來iPhone有呀，我用Samsung，查實我都唔知係無定我唔識用，哈哈！
刪除對，近年香港真係極難買到演唱會門票，感覺上唔識人真係唔洗諗。