而這裡的靚景真的是由內至外呀。
至於食物也就不錯吃啦，而且價錢亦不算貴。
然後就搭車去下一站。。。正確說法應該是下一棟高樓大廈，名叫Building 63。
題外話：在這兒地面層買了一些小吃，排隊俾錢時深深感受到韓國大男人的霸氣。
好不容易找到入口就乘電梯上去觀光樓層，左影右影一輪。
在Mr. Dolphin鼓勵下，海豚兒也買了一張星星咭。
把心願記低再掛到牆上。
來到晚飯，我倆就來到鷺梁津水產市場食皇帝蟹。貨比三家後，我倆發現有些攤檔明顯比其他店商「食水深」，有興趣光顧的話，不防先比較一下價錢才作決定。
至於餐廳，膚淺的我倆就找了間比較大路亦相對地較多明星相的餐廳來加工。:D
餐廳把皇帝蟹和攤檔贈送的帶子和蝦蒸好後，店員看到Mr. Dolphin拆蟹技巧不夠純熟還主動幫我倆把蟹拆好。除了服務好，這兒亦把海鮮蒸熟度計算得非常準確，海鮮放進嘴巴裡時，感覺就是生熟程度“剛好”，非常非常滿意！
食飽飽返到明洞逛下再返酒店休息，然後就在酒店會合從溫哥華剛抵步的巨人和朋友仔啦！咁啱得咁橋，朋友仔和巨人因為將會去濟州出席飲宴，於是提前三天來首爾跟海豚兒和Mr. Dolphin一聚，玩幾日再飛濟州。
在酒店check in及把行李都安頓好後，我們四就在明洞逛下順便等巨人掃街打底。之後，就再出發去食厚cream卷蛋，連朋友仔也很喜歡，還有，估唔到連三文治都幾好食。
食完再逛下，我們四就返酒店休息準備迎接之後的行程咯！
依一日的美食好岩胃口呀！搞到都有少少想再去多轉韓國添～～～
回覆刪除到時玩得開心啲，有咩啱用嘅，仲有藉口大手入貨，盡情享受一家四口嘅光陰，同影多啲靚相！
刪除咁好可以同好友一齊遊首爾幾日，開心指數加倍 <3 !
回覆刪除係呀，難得夾到日子，所以之前有友人提議我既然去首爾一星期，不如走訪多幾個景點，我都無考慮，就係要迎接好友一齊玩。
刪除好有心思慶祝週年紀念
回覆刪除係啦，今年戚起條筋想喺外地過，所以就搞咗呢個trip但到正日又其實無咩特別想做，去間有景睇嘅餐廳食飯，算係最正路。
刪除我未去過鷺梁津水產市場。地方好乾淨又闊落喎。
回覆刪除都算ok整潔架，而且喺室內又唔怕日曬兩淋，我覺得呢度食蒸海鮮幾得，但如果想食刺身...最好就睇加諗清楚先。
刪除呢日兩位都食得好盡慶咁喎
回覆刪除對對對，午餐係我杯茶，晚餐係主子杯茶，而同時大家都享受呢日食嘅野。:)
刪除深深感受到韓國大男人的霸氣<===係咪畀佢推開?
回覆刪除Happy Anniversary!!!!
係咪咁快又一年?舊年係咪去遊船河果次?
咁又無，係收銀小姐見到韓國男人打尖但無奈都唔敢出聲，見到收銀小姐無奈嘅樣就感受到當地男人嘅霸氣。
刪除謝謝！哈哈，舊年船河係補鑊之旅，因9月日本嘅年度家人旅行無法成行，所以改請主子父母聖誕去船河。^^”
好簡單但幸福的週年紀念！
回覆刪除謝謝！主要都係想有個藉口一齊食下好西，午餐可以舒舒服服hea下，唔洗四圍走，我仲爽！
刪除鷺梁津水產市場...又係要有足夠人數，先值得去。我一人，又或者加個唔太食海鮮嘅朋友仔，去就浪費。
回覆刪除係架，好似我地咁，雖然目標好明確只係為咗食蟹因對韓式刺身無興趣，但兩個人要喺主打賣大大隻蟹嘅地方揾隻細蟹本身有啲難度，加上隻蟹細啲食落係無食大蟹大啖大啖肉咁爽。
刪除呢個行程, 同肥人第一次去韓時一樣架, haha~
回覆刪除不過當年店家食水無咁深呢~
又會咁橋嘅！可能大家安排行程時都覺得呢個行程最順路。:)
刪除我自己嘅感受係。。。會講國語嘅店家食水好似較深，奈何，我地唔講國語，基本上對方同我地講國語時，我地都無咩親切感，所以更難落搭，嘻嘻!