其實之後還試過在西人餐廳買了一次意粉跟薄餅八折自取外賣，不過，除了價錢打折，份量也打了折^^”，回來後食物放涼了，又要換盤子去翻熱，食前食後又要抹又要清潔，懶如海豚兒都竟然覺得辛苦過煮，連拍照也沒時間，所以暫時都“懶得”再買外賣了。
這兒因為封城，所有餐館暫時只能做外賣，不設堂食，早前許多中式茶樓也選擇休息，結果造就了一些雪藏點心售賣店大排長龍，不曉得中式超市是否有見及此，最近也好像入手多了不同類型的點心系列呢，而八八卦卦的海豚兒就只是影咗當食咗咯！
至於週末節目就包括收看郭富城的網上演唱會，其實海豚兒從來不是他的歌迷，海豚兒小時候的偶像是多麽想用說話留住你的黎明啦(羞)，不過這次真的很欣賞郭富城為一班舞蹈表演員出錢出力的演出，值得支持！
還有收看了另一套百老滙音樂劇Cats，坦白說，海豚兒除了家傳戶曉的Memory外，對這套劇目是零認識的啦，不過這也好讓海豚兒在剛過去的長週末打發一下時間就是了。。。是咁的，「心歸」的海豚兒在長週末之前已事先到超市買定一星期所需，然後三天假期就只留在家中hea餐飽，煲舊到應該無人有興趣的港劇，金花婆婆。。。噢，是1986年的倚天屠龍記才對。:)
因為想睇屍戰朝鮮，所以之前開咗Netflix戶口，攪到最近都睇翻韓劇，機智醫生生活好睇。
回覆刪除煲劇呢家野真係一開咗個頭就好難停，亦都因為咁，我地唔敢一套接一套咁睇，睇完一套劇，至少會隔一個星期至睇新劇，中間嘅時間係用黎補眠架，嘻嘻！
刪除我無睇到城城個show, 不過講真, 佢算好有心呀, 其他個D"明星"/"歌星"真係影都無
回覆刪除今次呢個show真係對城城另眼相看亦加哂分，加上之前又無好似某啲藝人做啲九唔搭八嘅野，睇得人好舒服。
刪除韓式炸雞， 好選擇，哈哈哈。
回覆刪除我已經又心癮起，好想再食啦，真奇怪，抗疫期間我連最愛嘅壽司都無恨食，唯獨對韓雞心思思。
刪除平時我哋買唐中麵包店的中式包，依家麵包店唔開，都係買中超啲雪藏包點食
回覆刪除原來妳嗰邊連麵包店都唔開，咁真係幾唔方便，我住呢度可能店舖本身唔係太密集，而麵包係食物亦即係必須品，所以都仲有營業。
刪除日清的點心，英國都有得賣。 不過咁耐以來，我都未食過中超。外賣食店都係近日有限度開，大部分只做delivery。
回覆刪除睇完妳呢段，我之後又再去八下日清點心，可惜都係POC，我始終都係買唔落手。呢兩個月以來，我最常去只有一中及一西超市，感覺呢間中超把關比西超好，疫情一開始就有將手推車消毒，入店前又會量體溫，後來亦要求顧客全部要戴口罩，超市肯做多啲，入去購物都安心啲。食店方面，呢度暫時都只容許pickup或delivery。
刪除倚天屠龍記也不放過哈哈.....
回覆刪除好好睇呀，因為套戲舊，好多野睇落都好鬼老土，所以武俠劇變笑片咁睇，哈哈！XD
刪除GIVE ME 555555, 肥人既偶像都是多麽想用說話留住你的黎明!!!!!
回覆刪除城城個SHOW肥人都有睇, 佢真係好好好好勁, 寶刀未老呢~
Yeah!555555～ 小時候最大嘅娛樂就係煲劇，而黎明又成個白馬王子咁，每套劇都係做啲既深情又有才華嘅男主角，真係好難唔俾佢電親(羞)。
刪除睇完城城個show都未夠喉，之後仲揾埋製作特輯同訪問黎睇添呀！
城城真是男人心目中的終極偶像，已經五十幾歲人都仲咁fit。🤩
回覆刪除真係好難得，大熱天時仲又跳又唱一小時，而且佢亦越老越"襟"睇，越睇越順眼。:)
刪除