每逢五月,加拿大人都會特別興奮,因為五月第四個星期一,就是Victoria Day,即夏季第一個長週末。
上篇也提及過,因為打疫苗,所以停了其中一種副作用較重的藥物一星期,所以這個長週末外出,海豚兒特別覺得精神爽利利利呀,哈哈!
星期六早上,先去韓超入貨,包括沒上鏡的韓式泡菜餃子和邪惡辛辣杯麵。
然後就去日式餅店買美美的甜品,撻底夠脆,餡料味道就正正常常啦,而最得海豚兒和Mr. Dolphin歡心,竟然是古古力曲奇!
之後,海豚兒就食壽司加剛才買的matcha opera做早餐,而主子就繼續食茶記早餐,包括沙嗲牛出前一丁和蛋治,今次海豚兒有記得影低這不錯的奶茶啦!
食飽飽就去買定星期六和日的外賣晚餐,都是選擇茶記食物,方便翻熱處理嘛,想不到翻熱後的長通粉還是很好吃,這間茶記真的不錯吃啊!
襯天氣好⋯⋯海豚兒指的好天氣是陰陰天、不太曬、熱熱地、沒有風、沒有雨,即是多數人會覺又悶又焗的天氣啦,哈哈。言歸正傳,襯這樣的日子,海豚兒嘆了杯久違了的香濃牛奶雪糕配甜甜蜂蜜,好好味呀!
雖然是長週末,但安省還是處於留家令中,所以海豚兒和主子之後也沒有再外出,星期日和星期一也只是乖乖留在家中上網看影片,化作兩頭梳化薯仔(couch potato)。
早早晨呀, 海豚兒 💙💚💛💜❤️
回覆刪除邪惡辛辣杯麵 ? 好搞笑的名字 😎
我唔係好食得辣, 間中都會『邪惡』一吓嘅!
妳好呀!邪惡因為三高呀,所以食嘅時候,湯包調味都落得輕手啲,而且同妳一樣,唔係好食得辣呢!
刪除泡菜餃子、辛辣杯麵太正喇!
回覆刪除泡菜餃子真係幫咗我呢個不善生產又唔臭米氣嘅「煮」婦好多呀!呢款黑色裝嘅辛辣杯麵早前買唔到,今次見到有就即買返幾個看門口啦!
刪除梳化薯仔? 邊食朱古力曲奇邊上網看影片, 坐到自己成舊薯仔咁 .. 嘻嘻 🤣 😂 🙂 🙃 😀
回覆刪除廣東話故事: 梳化薯仔 https://youtu.be/JvE4qZ3ktaQ
㊗️ 祝六一兒童節快樂 ❗️
多謝妳條短片呀,好可愛呀,哈哈!
刪除見到杯奶茶, 流哂口水
回覆刪除最近係西超買左一包一丁止癮, 唔知點解食到一半已經唔想再食
我有時覺得杯港式奶茶真係最能解鄉愁架。
刪除點解呢,係咪因為包一丁係EU製,味道有所不同呀?小聲說可能我讀書時期食太多啦,所以依家無乜特別想食一丁。
我都會襯星期五、六買定餸菜,因為星期日我唔會出街,等仔仔爸服侍,長時間攤梳化煲韓劇呢
回覆刪除就係咁呀,情願平日勤力啲,做晒家務同買好哂啲野,到週末留番一兩日,比自己好好抖下,差下電!唉!人生呀,小時候就要放電,大時候就變成要差電,哈哈!
刪除...沙嗲牛出前一丁和蛋治.... 嘩,一餐算好多呀!依家我太細食,食完呢餐可能成日唔駛再食喇。
回覆刪除主子食完只係覺得夠咋,未至於好飽,而且出前一丁每次食完都好快又覺餓,唔多”襟”飽。
刪除次次都見到你果邊既甜品都好靚, 好想食呀~
回覆刪除今次日式店嘅甜品真係好吸睛,入到舖頭都覺得靚到嘩嘩聲,而韓式軟雪糕店,就絕對係久違了嘅滋味,諗起都想重溫呀!
刪除壽司 + matcha opera = 好豐富的早餐啊!
回覆刪除哈哈,呢兩種食物本來好似唔多關係,但因為甜品係抹茶口味,就忽然變得好夾咁呀!
刪除主子的港式早餐,好高卡喎
回覆刪除何止呀,絕對係三高添呢,不過難得放假(監),偶一為之,都唔緊要啦,嘻嘻!
刪除香滑奶茶和matcha opera最吸引我😄😋
回覆刪除而且呢間嘅奶茶仲算唔錯,又可以中和下甜品嘅甜味(奶我無落糖),加埋真係幾夾。
刪除