週末就是喜歡隨心而行,不用趕、不用急。
星期六早上,Mr. Dolphin陪海豚兒,老遠去買雞蛋仔。這是店家的第三間分店,地點在室內outlets mall附近,其實海豚兒一向不特別喜歡吃雞蛋仔,但心裏頭很想支持一下,這位願意從老家請年輕人過來工作的有心人🤗。
吃了兩底雞蛋仔當早餐,就去對面商場逛下。
在Toys”R”Us遇上戴著口罩的長頸鹿跟小朋友拍照,趣!
兩手空空行完街後,就順便幫襯TripleO’s快餐店,新鮮熱辣的burgers,果然特別好味!
之後一日,就去商場買戒指。今時今日,因人流管制,買介指要提前數星期預約(汗),然而,終於也替某人把幾年前弄掉的戒指,再補買回來了🤑。
可能太耐無消費,意外地,自己也有收穫。已經有十年沒有買這牌子,買完後,不瞞你說,是真的有覺得後悔🥴。
然後就去八天堂買了滿好吃的蛋蛋包包及芒果三文治醫肚,跟住就歸家咯!
某日口痕,買了件平時不愛吃的彩虹蛋糕回來,其實呢,係襯蛇王順便買點東西來吃,意思意思一下啦🤫。
來到星期五,海豚兒襯因為打針而停藥,精神特別好而請了一天假,自製超級長週末。首先,買了個雪糕蛋糕探小學同學一家。。。而其實海豚兒沒有事先安排啦,只是當天早上襯有空檔,想起不如買幾件蛋糕給朋友的小孩,但原來這家分店,沒有賣件裝蛋糕,而是專門賣雪糕蛋糕,嘻嘻!
跟住海豚兒就去剪髪啦!已經十一個月沒有剪過髪啦,剪完感覺就是爽丫丫咯!
接著就嘆返個不錯吃車仔麵午餐。
再買定是日晚餐、甜品包點就回家啦。壽司被海豚兒環迴360度轉了一圈,所以相片有些屍橫遍野feel😅。
這天,早早回家休息,因為之後一天有更豐富的行程等著我倆呀!
burgers 咁大份嘅! 英國仲未有Triple O。我從未試過兩個月無剪過頭髮。
回覆刪除Burgers都真係算幾大下而且仲幾好食😋,雖然TripleO’s係由加拿大西岸餐廳White Spot擁有,不過都係近期至黎到東岸咋,但十幾年前已經開始喺香港出現😅,希望有日可以開到去英國吖!
刪除我住嘅地方由去年十一月尾起至今年六月尾都無髪型屋開,咁耐無剪係有啲唔方便,但又慳咗好多。
八天堂都有...羡慕! 我記得有個紅豆包好好食的。
回覆刪除係呀,而且幸運地,多倫多仲有好幾間分店,想買都算方便,亦都無諗過除咗buns,佢連三文治都幾好味!
刪除覺得妳最主打都係甜品呢
回覆刪除甜品對我黎講就好似人地飲咖啡咁,有提神作用😁。
刪除真係剪短左唔少噃
回覆刪除我已經好耐無戴戒指啦, 整野食時覺得好阻定 ^^
係呀,剪完C服哂… …至少沖廁烏低身時,唔洗驚頭髮會掃咗落廁所度🤣
刪除我地有個(壞)習慣,一返到屋企就除戒指🤫
我對件芒果三文治有興趣!
回覆刪除我勁過你,超過一年無剪/電頭髮,依家變翻長髮lu。
另外我對結婚/訂婚介子,一直放喺個盒,咁又三年喇,都唔知點處理,將啲鑽石就咁放喺度好似好浪費,但我又無乜其他飾物想改。
件芒果三文治真係幾好味,之前喺日本見過士多啤梨味都無興趣試,係今次見到芒果至想試。
刪除年中慳唔少喎,哈哈!頭髮太長,洗頭、吹頭好唔方便,如果唔係,我都想再留長啲。
唔緊要啦,等到有日妳諗到想點整先去處理,不過喺香港整,鑲工同款式可能會合心水啲就真!
早晨呀, 海豚兒 💙💚💛💜❤️
回覆刪除😍 長髮姑娘一朶花 🌷
海豚兒長髮背影, 唯美長髮濃厚烏黑 .. 讚 👍
午安呀👋🏻👋🏻!哈哈,多謝妳讚賞,其實從後面睇,長髪大概都差不多😜。
刪除TripleO’s burgers ? 我冇食過, 睇海豚兒影啲相都覺得好味🍔 😋😊😛
回覆刪除全香港最貴嘅連鎖快餐店?https://youtu.be/t2DJ4Z-C0ls
Triple O's魚柳包金鐘 https://youtu.be/6hI8z8yDnmM
TRIPLE O's new MONTREAL SMOKED MEAT POUTINE https://youtu.be/XDokH4w_sfQ
【Triple O's】Beef or Plant-based? https://youtu.be/HZzIhmra7cM
TripleO’s啲包包都唔錯架,有機會黎加拿大西岸玩,可以一試!不過,喺我心目中,最平靚正嘅burger,幾時都係In-N-Out Burger😋😋
刪除我已好耐無去過髮型屋啦,結婚戒指一路都冇戴,怕唔見做嘢又阻定,我諗依家可能已戴唔到,手指粗咗,嘻嘻😜
回覆刪除如果唔係頭髮太長,洗同吹越來越唔方便,我都唔介意繼續唔剪😅。
刪除小聲說,我地一返屋企就除戒指,其實都係因為覺得戴住唔方便,同埋,我身型上肥咗、體重上又重咗,但可能肌肉流失啦,戒指反而鬆咗。
甜品當然正
回覆刪除對呀,甜品最提神,每個週末都非吃不可,哈哈!
刪除好豐富嘅一天so happy!
回覆刪除自製假期真係特別開心,唔駛返工仲可以出下街,又無週末咁逼,超爽!
刪除午安呀, 海豚兒 💙💚💛💜❤️ 有更豐富的行程 ? 我猜.. 我猜.. 我猜.. 用力咁猜 💪
回覆刪除都估唔到呀 :( 會唔會開估呢 ❓ 好期待答案喎 👉 答案:( ) .. 🤣 😊
午安呀!妳好可愛喔,下篇開估!😉
刪除我喜愛你的環迴360度轉了一圈,哈哈!!
回覆刪除好勁呀, 你可以留到咁長既頭髮...
請起戒指, 肥人都等緊我果位慢吞吞既老公去睇, 有人肥左囉, 隻戒指戴唔落好耐咯~
講起戒指先岩呀, 打錯字~~~
刪除我手腳笨拙,易生意外呀 🤣🤣
刪除無計吖,封城前才剪頭髮兩個多月,平常約四、五個月剪一次,但估唔到上次封城封足七個月,所以就留到咁長都未剪。
襯今年結婚週年前去揀啦,順便當做週年禮物嘛,我地都係咁😜
個包好吸引....
回覆刪除歡迎妳!對呀,個包真係新鮮熱辣又好味,尤其剛過去週末食咗個劣食burger,就更加覺得呢個正!
刪除