跟從前一樣，選了在Kings Cross車站附近酒店。襯週年紀念，豪一豪佢，第一次入住Pullman Hotels這品牌，兩晚共加元$823。以倫敦來説，這房間很寬敞舒適啊！亦特別感謝酒店送上的小驚喜。
時差關系，第一天，我倆只去了Bond Street隨便逛下，然後就去The Wolseley嘆份正常下午茶、洋蔥湯，加好好吃三文魚egg benedict x2 (店家弄錯份量，另一隻egg benedict後補，沒有再拍照)。總括來說，海豚兒覺得，吃下午茶真的不用花費太多。吃罷這餐，我倆也就早早回酒店休息咯。
第二天起來，先從電梯位置，拍拍酒店附近的景色。
然後就去人氣咖啡店Qima吃早(午)餐。
之後再逛下街，晚飯前去大笨鐘打個卡，經過Le Deli Robuchon，買定件好鬼貴(£9)但又好鬼好味甜品作宵夜。
結婚週年晚飯就試了Kitty Fisher's，前菜菇菇、牛扒、厚切炸薯片味道也不錯啊，只是海豚兒挑的medium rare扒扒較生，不大合主子胃口而已。
回酒店的路上，途經Elizabeth Line，我倆又抱著好奇心態去坐下，才回酒店休息。
第三天上午，先去車站內的Paul吃早餐，雖然賣相不佳但味道好。。。
.jpg)
然後
。
。
。
。
。
。
。
。
。
。
就踏上遊輪之旅啦！
年頭嗰陣我姑仔叫我同埋二姑奶去倫敦同法國，不過我無去，見您倆成日去週遊列國，去搵好嘢食，好開心呢
回覆刪除係咪唔捨得貓貓呀？等阿B大啲，同埋佢一齊去玩，一定好開心！
刪除如果阿姐肯帶我去我實去啦
刪除實會啫，我99個囡，到依家都仲會孖99，母女去自由行。
刪除結婚週年快樂🎊
回覆刪除樣樣都好正喔👍一定是你精心安排的😍
謝謝妳啊！
刪除係呀，都係我揀嘅，尤其食對我黎講，實在意義重大呀，嘻嘻！
🐰 小聲說.. 我從没有踏足英國呢.. 嘻嘻 🤣
回覆刪除咁下次放假，可以plan下去玩吖，都值得一去架！
刪除Qima杯咖啡面頭嗰啲係Guava？
回覆刪除好犀利呀，咁都睇得出，的確係guava，甜甜酸酸嘅味，我覺得好清新，但主子就like淨飲杯啡多啲！
刪除遲來的祝福：結婚週年快樂。唉，如果唔係轉工，原本我都會喺九月同美國屋企人坐Alaska遊輪架，睇唔到冰川喇。
回覆刪除謝謝妳呀！ :)
刪除希望妳返新工安頓好後，可以安排到去探下佢地啦，長輩年紀漸大，真係要把握時間，想見就見，想做就做。
我最新篇Blog個標題差唔多同妳一模一樣！🤣🤣🤣🤣🙌🏻🤝🏻
回覆刪除好，等我去探下你先！
刪除結婚週年快樂呀~~~
回覆刪除(遲來的, 哈哈!)
謝謝妳呀，祝福唔怕遲呢，嘻嘻！
刪除