到埗的第三天是平安夜,海豚兒繼續按東岸時間上班,不過嘛,這天只返半日,所以來到吃早餐時間,海豚兒就已經放工啦,嘻嘻!
食飽飽就在市中心行街街,見到Hello Kitty Café打個卡,不過就沒打算幫襯咯!



然後行到累,就去Paul試了不錯吃白古力配開心果扁身牛角酥,和一般般抹茶牛奶。牛角酥味道和口感有點像蝴蝶酥,一試也無妨,但海豚兒還是更喜歡,傳統質地的牛角包多一點。
行到攰就返酒店抖下,然後朋友仔和巨人,來就酒店車我倆,去Kingyo食平安夜晚餐。
食完晚飯還未夠喉,就去食台式甜點作結。還要多謝朋友仔的心思兼好好吃禮物啊!
聖誕節正日,發生了一段小插曲,事源我倆去酒店餐廳準備吃早餐,帶位職員(A)說他們這天在做聖誕節自助早餐,已經滿座,暫時只能安排我倆到酒吧那邊等運到,直到能安排座位為止。。。主子當然不能接受這安排啦,明明訂房時,已額外支付早餐費用,但酒店餐廳卻不覺得是一回事。反正我倆這天打算去烈治文,就直接坐skytrain去到目的地才吃吧,亦無謂大節流流動氣!
雖然明知麗都已𨍭手,還是忍不住要去下。
結果嘛,就是一次就可以了!
然後在附近行下,就幫襯碗滑滑豆腐花,重點是要喪加薑汁糖水,嘩卡卡!
行到攰,就買埋手信,坐車返酒店抖下,到晚飯時間,又再坐車去烈治文。坐skytrain由市中心去到烈治文,只需三十分鐘,這令居住在多倫多的我倆,羨慕不已呀!
晚飯就臨時預約了日本餐廳Syu,味道不錯但又不算驚為天人,但日本人的服務,就是好咯!
經過今早的事件,我倆回酒店時,決定先去餐廳預約最後一天的早餐,然而,帶位職員(B)給我倆的回覆是,現在是晚飯時間,同時也是整天最忙的時候,告訴我倆大概十五分鐘後再來吧,而當時沒有其他客人在等候。。。主子沒有即時爆發,只直接去找酒店經理,交待是日的不幸遭遇。經理除道歉外,亦想作出一些補償,這可不是我倆的作風,所以亦一一婉拒了。唯一的要求,就是替我倆預約明天早餐,哈哈。說到尾,其實是氣難平,始終是五星級酒店,這天一連兩次的經歷,實在是不太合理,所以要把事情向酒店經理反映。
🐰 意難平❎ 氣難平❌ ♦★太不合理★♦ 我都覺得佢哋不負責任 😡 😡 😡
回覆刪除𝙐𝙣𝙗𝙚𝙖𝙧𝙖𝙗𝙡𝙚! 𝙎𝙤 𝙪𝙣𝙥𝙡𝙚𝙖𝙨𝙖𝙣𝙩 𖢧𖣠 𝙛𝙞𝙣𝙙 𝙞𝙩'𝙨 𝙝𝙖𝙧𝙙 𝙩𝙤 𝙖𝙘𝙘𝙚𝙥𝙩!
真係嬲嬲豬架!好似我地嘅存在,就係阻住兩位小姐工作咁。
刪除今時今日的服務態度😤我也一定會投訴。
回覆刪除如果係三星酒店包嘅免費早餐,我地都只會講句you get what you pay for吖,但呢次真係唔係嘛!
刪除已經付款但又安排唔到,點都講唔通
回覆刪除係呀,真係點講都唔通,但我地都無諗過,一日之內會遇到兩位極品。
刪除現場投訴之外,我會再寫去投訴多次..... 擺明係餐廳啲職員態度有問題。
回覆刪除坦白講,我覺得換轉係本地(白)人,喺餐廳得到嘅待遇可能又會唔同。又,酒店經理只剛上任幾日,話哂新官上任,佢都有即刻去做野,第二朝食早餐時,餐廳經理特意前來道歉,酒店經理亦再黎同我地寒暄下,之前亦已將佢聯絡電郵俾低我地,叫我地下次入住要通知佢,咁都算係解決咗。如果佢當時無即時處理事件,又或者係用借口玩我地,相信我地未離開Vancouver,都已draft好封投訴信。
刪除Hello Kitty Café呀~~~
回覆刪除唔係應該預好位置架咩?5星級酒店安排都咁差既!
個cafe好「打卡able」架,我估Hello Kitty迷應該會幾like!
刪除我地都係咁諗,而且之前都黎咗兩日食早餐啦,亦可以預先通知我地,聖誕日另有安排嘛。
Kitty迷報到~
刪除靜靜雞話你知, 身為Kitty老粉既肥人一次都未去完過呢類cafe 打卡....haha
哈哈,竟然?我記得以前去大坑,都有間kitty cafe,好多人去架。
刪除🐰 哈囉 海豚兒 💙💚💛💜❤️ 剛剛網上睇到短片🔽
回覆刪除https://www.youtube.com/watch?v=B3BVyBTHyiI
▶️ (06:29) PS News|加拿大 多倫多|接銀行電話 畢生積蓄被清空
📞其實我都經常收到類似電話說銀行剛發現户口有不尋常交易, 一般我不會接聽❌😎 以電話錄音對待☎️
我都係,唔識嘅電話一般都唔會聽,又或者等對方,表明身分及來意,我至會出聲。
刪除餐餐都好邪惡😈😂
回覆刪除點會呢,吉壽司絕對係少油少鹽,健康之選哦😆
刪除今時今日咁嘅服務態度真係唔要得😡
回覆刪除真係嬲嬲豬架,無諗過會有咁特別嘅招呼!
刪除