少女時代，海豚兒很喜歡一位演員歌手。其實他的歌真的唱得不算好，但他的外型非常討好，他主演的劇集和電影，也是叫好叫座，他的情歌在當年，也的確很紅很紅。還記得第一次接觸他的電視廣告，簡直覺得他，靚仔到癲咗。2011年回港期間，去看三十小神仙吹唱會，像預期內看到他為其中一位嘉賓，他一出場，海豚兒就完全忍不住，不停説「好靚仔。好靚仔。真係好靚仔呀」，當時主子還帶點醋意說，「好靚仔咩。」對，真係好靚仔呀！
終於有幸，等到他來多倫多開演唱會。歌藝比從前進步了，雖然不是真正唱家班，但海豚兒還是願意附上連附加費共$37x元/位加元，看他的演唱會，除了想欣賞他的外貌，也是一個好好的少女回憶，因為他的情歌，他的電影，真是陪著海豚兒走過許多青澀歲月。雖然海豚兒已屆大媽之齡，但還是無法遮掩那份興奮，更難得是，主子也高興地陪海豚兒去看演唱會。。。Here & Now 2025 鄭伊健演唱會。
看演唱會前，吃了簡便午餐，和不錯吃晚餐。整晚，海豚兒也專心欣賞演唱會，當唱到首本名曲「一生愛你一個」，簡直冧到暈低。這首歌，對海豚兒來說，真的載著太多少女情懷及回憶，是那令人懷念的青春美好歲月喔。可惜演唱會時間真的太短啦，連安哥才約1小時40分鐘，而且不知怎的，觀眾們就是坐不定，每首歌也有人離坐去廁所。。。更甚的是，沒有人會等到間場時間才離坐，完全是隨時隨地也有人出入，實在令人廢解！
無論如何，真的很高興，能親身到現場欣賞這次演唱會。然後嘛，就患了演唱會後遺症，之後一星期，不停在網上看他的演唱會片段咯😅
佢做古惑仔真係好型，但依家佢係發福大叔
回覆刪除我唔準你咁講佢，哈哈，講笑咋！的確係發福咗，不過仲係好靚仔，而且亦難得唔係膠面。
刪除見到偶像真開心呢🥳
回覆刪除真係開心到一個點！到依家仲喺YouTube睇演唱會嘅片段。
刪除🐰 全情投入💞♬︎*◡‿◡*♪ 直至消失天與地 👍❣️
回覆刪除𝓔𝓴𝓲𝓷 𝓒𝓱𝓮𝓷𝓰 "𝓗𝓔𝓡𝓔 & 𝓝𝓞𝓦" 𝓒𝓸𝓷𝓬𝓮𝓻𝓽 𝓲𝓷 𝓣𝓸𝓻𝓸𝓷𝓽𝓸2025
https://www.youtube.com/watch?v=wNJUEEonlro
形容得好好呢！的確係全情投入！
刪除他的歌總是給人有很多回憶. 他以前有來Vancouver, 今次可惜不來了!
回覆刪除對呀，超多嘅回憶，亦難怪同場大部分人，都好似我咁，係大媽大叔嘅年紀。原來佢有去過Vancouver呀，正呀！希望佢將來會再黎加拿大開show啦！
刪除Thank you for sharing 😊 The food looks delicious 😋 Warm greetings from Montreal ❤️ Canada 🇨🇦
回覆刪除Thanks for your message! :)
刪除估唔到你中意陳浩南~
回覆刪除正如你所講佢本身唔係唱家班, 但佢當年啲歌又真係首首經典既
小聲說，由佢喺大台拍劇就已經好喜歡，嘻嘻！
刪除真係呀，唔睇佢演唱會，都唔覺原來，佢大部分嘅歌，都可以全場大合唱架！
我同你相反喎! 我覺得佢都靚仔, 但唔算好靚仔! 因為我鍾意黎明果款! 哈哈! 不過講唱歌, 我反而覺得佢唱得好好, 好有感情, 有種好真摰嘅感覺!
回覆刪除多謝你嘅留言喔！:)
刪除黎明我都好喜歡呢，但如果要二揀一，兩個同時開show，我會想睇鄭伊健先，佢嘅歌真係陪我走過我嘅學生年代。
哈哈哈，“好靚仔咩” ， 嘻嘻嘻
回覆刪除哈哈，我諗妳完全明白嗰個神緒！
刪除粉絲報到!!!!
回覆刪除上次佢係香港開演唱會, 撞正我外遊, 我真係唔開心左好好好好耐呀!!!!
睇佢演唱會真係好開心架，音樂一起，已經回憶返哂黎。
刪除我明呀，如果係我都會，其實我舊年，都有一刻想飛去台灣睇佢，但太last minute真係搞唔掂。
嗰份就係青春嘅味道🥰
回覆刪除小聲說，睇完演唱會成個月，我都仲喺YouTube睇緊當晚演唱會片段，欲罷不能。
刪除每到聖誕我就會諗起佢嗰首「夜還未深」。
回覆刪除呢首正呀！冬天食雪糕，我就會諗起回憶裡沒有冬季。
刪除