香港。神京阪 ～ Day 3 可怕嘅的士司機叔叔

是日中午機由香港飛大阪，臨行前海豚兒和Mr. Dolphin先在Eaton對面的翠華嘆返個靚早餐。



等的士時可能冷親，海豚兒在車上忽然覺得沾寒沾凍都知瀨野，喺車上已穿上平常在加拿大0℃至-10℃才穿的較厚身羽絨，去到機場仲連頸巾都掛埋上頸，實行大包圍，但都仲見凍，就快快啪定打底藥，希望有好轉啦。

幾小時後，我倆就來到大阪機場。在票務站買(小飛俠咭)加換(網上預買的來回機場火車票)齊車票就搭火車去難波。

香港。神京阪 ～ Day 2 «唯獨你是不可取替的blog友聚»

晨早起來先去澳牛嘆個靚早餐先，是海豚兒心理作用嗎? 還是真的因為競爭大了? 服務好像升了呢咁喎。



到差不多鐘數就入元朗辦點正事，沿途四圍行時撞到舊同學，再之後過緊馬路還被揸緊巴士嘅親友在路上認出，哈哈，好在海豚兒亦沒有打算隱瞞些什麼，遇上親朋戚友也沒所謂，跟住就順便去大同買定些唐餅孝敬主子。第一次幫襯，簡單的買了三款餅食，一試之下發現這兒的老婆餅真心好吃，比恆香更得我倆歡心。

香港。神京阪 ～ Day 1 ※不一樣的晚飯約會※

婆仔格的海豚兒一早去到多倫多機場無樹幹當然借機會去享用下lounge優惠啦，又原來這個專供飛國際航班旅客用的lounge，海豚兒也是第一次到訪，當然要影下相留念啦。





連航班延誤，在機上打滾了十六個多小時終於到達香港啦，年紀大嘛，要坐咁多個鐘頭機真係好攞命。^^”

香港。神京阪 ～ 前言

Happy New Year!! 祝各位blog友身體、心靈都同樣快樂健康，幸福滿滿！

在開始寫“游”記前，先粗略寫下行程和住宿先啦！

Dec 14 - 16 >> 香港 (兩晚Eaton Hotel@油麻地，共$309加元)
Dec 16 - 22 >> 大阪、神戶、京都 (六晚Karaska Hotel Osaka Namba@大阪，共$788加元包早餐)
Dec 22 - 26 >> 香港 (四晚Hotel Pennington by Rhombus@銅鑼灣，共$726加元，用積分換)

Blog友們應該不感意外海豚兒又住Eaton Hotel，哈哈！實情呢，海豚兒本打算住另一間新啲加平啲嘅酒店，不過因為第一晚只有海豚兒一個人，主子不放心，所以海豚兒還是乖乖的訂了Eaton Hotel咯！雖然酒店正進行裝修工程，海豚兒還是十分欣賞這兒的好服務。員工們不只一次看見海豚兒無能力搬郁兩個喼都紛紛出手相助, 服務真的超好。

到埗啦！香港歡迎我～

這個聖誕，海豚兒和Mr. Dolphin會首次一起在香港渡過。未到聖誕前，我倆先會去大阪吃喝玩樂一星期。

因為海豚兒放假早過Mr. Dolphin一日，所以亦行先一步，早一日回港，借機和好友相聚。可惜今趟留港時間太短啦，未有足夠時間跟各方友好見面，下次下次，下次大概可以。。。查實呢個旅程係有點預算之外嘅，都係早幾個月才決定，主要原因係難得聖誕當期都可以用分換到機票，加上我倆本打算下年同家人去大阪自由行，但當中有團友因為擔心自由行辛苦所以反應一般，咁我倆就借啲耳順便探下路啦，哈哈！

祝各位聖誕快樂！回來見！

善用時間寫篇blog

襯等緊人，飛快寫下最近兩個月的“食”程吧！

某個星期五晚上，Mr. Dolphin和海豚兒吃了北美式晚餐，雞翼嘅醬有啲似呃鬼佬嘅中式醬汁麻麻地啦，反而burger同三文治就唔錯。




接下來的星期六，我倆再接再厲，繼續食北美式西餐，今次嘅兩款主菜都好好味呀，係差在個甜品曲奇唔係喺個盤即焗出黎，唔夠新鮮熱辣啫。