和家姐、姐夫道別後，Mr. Dolphin陪海豚兒折返Royal Hawaiian Center多逛一會。這次海豚兒也有一丁點收穫，就是買了一個夏威夷及關島的限定版手袋裝飾扣。海豚兒和Mr. Dolphin也很喜歡上面的菠蘿呢!
本著"見好收"的心態，海豚兒便提意回到酒店休息一會，反正酒店距離商場也不過是十分鐘路程，很方便呢!
休息過後，我倆便漫步去晚餐的地方。途經世界有名的威基基海灘，又怎能不停下來照個相呢!
接著就是晚飯時間，這個晚餐是這幾天中海豚兒唯一需要負責挑選餐廳的一餐，因為往後的晚餐也有"日本通"姐夫作嚮導，還好海豚兒也不辱命，這個晚飯是整個行程中Mr. Dolphin最為滿意的一餐。:)
平心而論，以壽司"飯"的質素來計，這兒絕非正宗之選，但如果喜歡fusion菜色的話，這餐廳就是一個很好的選擇了。除卻毫無誠意的甜品(劣!)，這晚的所有菜式我倆也很欣賞，超愛蟹的Mr. Dolphin對於芒果蟹肉卷和意大利蟹肉雲呑更是讚不絕口。至於海豚兒最高興則莫過於一人獨享兩件煎得香脆肥美的鵝肝壽司啊! 愛吃熟食的話，這餐廳會是一個很不錯的選擇!
吃過晚餐後，我倆也四處逛逛，在無處不在的ABC STORES看到這個Tabasco古古力，可我倆也沒打算試，只拍個照片留念便算。
在酒店附近發現一間有特色的曲奇餅店，試了數款後買了以下的夏威夷果仁米通，好好好好味呀! 超脆、甜甜地，食完仲有少少咸味慢慢滲出來，好得意架! 還有後來追加的芝麻曲奇，又係好好味，如果要形容，海豚兒就想起小時候的花生廣告"少少咸，多多脆⋯⋯試一包包你鍾意佢!" 如果去夏威夷玩，這間Royal Hawaiian Cookie所賣的曲奇和米通絕對值得一試啊!
.jpg)
戰利品好靚呀, 個沙灘都好正, 點解唔去浸下腳呀??
回覆刪除多謝! 不過買完都唔係有好多個手袋適合掛，不過唔緊要啦，都係一份好嘅紀念品。
刪除嗰日無帶到"落水著"嗰對鞋出去，見到個海灘又懶得行返轉頭，所以影下相就算囉!
有冇去游水呀？
回覆刪除嗰日無，不過... ...其實之後都無，哈哈!
刪除其實有帶泳衣去，但去到又無想去游水囉! :P
好掛住夏威夷呀！！！！！！！！ 下次帶埋我去吾該，哈哈哈
回覆刪除好吖，好吖! 我都想再去呀，最好我哋可以喺夏威夷來個blog友聚呢!
刪除最緊要帶埋Hanna同Emma呀!!
Hawaii is expensive! 2 sodas for $6.5 is a little much.
回覆刪除夏威夷物價真係好貴，不過汽水價錢同加拿大比唔算貴，豈碼美國嘅free refill係唔需要問，侍應到時到候就會攞杯新嘅嚟，喺加拿大，就算問完，D侍應都未必記得，更多時候係，人影都無個，想問都無得問，所以我哋成日都keep住好頸渴架!LOL!
刪除那個海灘好靚，黃金景色呢！
回覆刪除真係好靚，尤其黃昏嘅日落反映到成個海灘都多咗份柔和、寜靜美。不過天氣有些微涼，我估落水會有D凍。
刪除海豚兒:
回覆刪除~條手袋裝飾扣, 而家用咗未??
~你家姐就係名牌通,你姐夫就係日本通, 他們兩人去日本旅行, 可以反轉日本啦!! 哈哈~~
~我係夏威夷都有食鵝肝壽司, 係fusion 啲. 但好好味!!!
~你和海豚兒,周圍望望,都是喜歡望食品多. 啲Tabasco 古古力又幾特別!! 好少地方見到.
用緊啦，不過唔係個個手袋都用得，因為我有好多手袋都係羊仔皮，好易整爛。
刪除妳講得好啱，佢哋以前去親東京都買和食得勁瘋狂，而且佢哋有D當地朋友，所以更加識路去玩。
個鵝肝壽司真係好好味，諗起都好懷念呀!
嘻嘻! 我哋兩個八卦，而且妳都講得啱，我好鍾意去local商店"搵"食，好鍾意買D地道零食。;)
夏老威嘅特別版真係幾得意，我哋當年都買咗個特別版Lesportsac袋仔俾兩個女。
回覆刪除謝謝! 我仲好好彩買到最後一個有菠蘿嘅限定版，另外仲有款係夏威夷女郎，我又反而麻麻地。
刪除有機會我都想再去，嗰個地方真係令人好relax!
威基基海灘後面咁多樓ge? 破壞左我心目中夏威夷的影象><
回覆刪除威基基附近大部份都係"豬籠入水"嘅酒店，旺季時仲一D都唔平添呀!
刪除如果要睇多D大自然嘢，就要去環島遊，或者去其他島，就會有豆丁喜歡嘅大自然生態睇架啦!