這天是星期六，一早我們"仨"，就是Mr. Dolphin+海豚兒+姨甥女去到觀光巴士總站( Waikiki Trolley@DFS) 會合姐夫、家姐和姨甥仔乘旅遊車出發去逢星期六上午舉辦的KCC Farmers' Market(農夫市場)。這地方其實也是一個旅遊名勝景點，大家從相內也可看到周圍也很擠擁啊!
這個市場有別於一般本地人來買平常食物的農夫市場，他們除了有蔬菜、生果、麵包賣，更有點像市集，賣即叫即製的當地食物如燒鮑魚、章魚小丸子、燒香腸、日式mochi、蕃薯、夏威夷果仁、椰青、菠蘿特飲、雪糕/條、古古力、蜜糖、以及有地道特色的塗麵包醬--->這個超好吃! 只可惜這全部是用玻璃瓶存放，海豚兒這次旅行只帶來手提行李，不敢帶超額液體或玻璃器皿上機，雖然姐夫也提議可把東西寄給我倆，但海豚兒實在不喜歡麻煩到人，所以也婉拒了。
我們一行六人來到時已經看見很多遊客已一早到來，當中還有許多日本旅行團呢! 我們嘛，呢檔望下、嗰檔傾下，四周圍"唔客氣"地任意試食。要說這個農夫市場真的很"慷慨"，店主們也熱烈地給遊客試食，就算試完最後沒有幫襯，他們也絕對沒有不爽或臭臉，很友善呢!
那到底我們又買了些什麼來吃呢? 包括:
即叫即燒的"超"新鮮鮑魚仔，這些鮑魚初時放到爐火上還會移動呢! 剛燒出來熱辣辣，香氣撲鼻，完全不需要加醬料已經是人間美味了!
其次，章魚小丸子(走醬)也是新鮮熱辣，好好吃啊!
要數最失望的可算是蕃薯了，現成切好放在盒子內，冷冰冰又不甜，還真教人失望啦!
另外，海豚兒還買了滿滿花香味的小號裝蜂蜜六枝，共三種不同味道，送了每款一枝給家姐，皆大歡喜，說真的，好耐都未嚐過這麼香甜的蜂蜜啦，現在海豚兒在家中還經常偷吃呢! :P
總括來說，海豚兒認為這個農夫市場是絕對值得來體驗一番，要注意的是這農夫市場是逢星期六上午七時半至上午十一時營業，有興趣來夏威夷檀香山旅行的話，記緊要夾好時間來一趟，千萬不要白走一場啊!
有日本旅行團唔怪得望落去黑頭髮的人多啦
回覆刪除只開上午，妳地咪好早去囉
係呀! 真係超多日本人，我試過經過一間Wolfgang Puck，"全店"嘅客人都係亞洲人，除咗侍應，真係一個白人都無架!
刪除我哋嗰朝八點出發，去到八點半到，已經有部分日本團行完添啦! :P
熊仔honey好得意呀, 令我諗起winnie the pooh呢~~ :)
回覆刪除熊仔肥嘟嘟真係好可愛! 我最鍾意"㩒"實佢個肚腩吱D蜜糖出嚟!
刪除呢隻蜜糖好味架^^
回覆刪除真係好好味，我尤其鍾意白色同黑色嗰兩樽，超有花香味，好正架!
刪除我都鍾意行 farmer market，要夏天才會開檔。
回覆刪除我寫呢篇時都有諗起妳，因為我都覺得妳會鍾意行。歐洲嘅仲正吖，多倫多嘅好一般。
刪除外國的農夫市場真係好有特色, 而且又可以買到不少地道食品同產品, 很值得去看看~~
回覆刪除係呀! 去旅行如果夾到行程，我都鍾意去下農夫市場，因為真係有好多有特色嘅食物架!
刪除而且"試食"呢個環節真係好受歡迎，個個都食得好開心呢!
海豚兒:
回覆刪除~我覺似市集!!! 估唔到有鮑魚仔, 依個好特別!!
~你去旅行, 點都帶一個大行李嗎!! 裝唔滿,都以備不時之需. 例如購物多了, 都唔洗怕!!
個鮑魚好好味架，仲要有"專人"aka家姐幫我哋將鮑魚仔肉喺個殼到"起"埋出嚟，滋味加倍呀!
刪除人生嘛總要取捨，我哋太鍾意一落機即刻去搭的士，唔駛慢慢等行李嘅過程啦，嘻嘻!
Is the farm market for the locals?
回覆刪除我覺得似旅遊景點多D，不過都有本地人去幫襯，但我估本地人應該唔會花時間好似我哋去排長龍買當地特產嚟食。:)
刪除超想食"超"新鮮鮑魚仔呀！！！！*O* 睇親你個blog都流口水>.<!!!
回覆刪除呢個真係又新鮮又好味!
刪除豆丁如果去Honolulu嘅話，真係值得去呢個地方行下、食下、買下。;)