有時候就食得懶係健康，好似某週六的晚餐竟然是湯加沙律，每次吃沙律做晚餐，Mr. Dolphin都會説很有"亞視feel" --->> 因為亞視的電視劇，大多數主角到餐廳吃飯都是食沙律，更甚的是只獨孤一味生菜伴生菜沙律，所以海豚兒覺得，我倆的沙律其實已經很豐富啦！;P
當然，偶爾我倆也會放肆食下香口嘢，例如:
韓式炸雞。大鄉里的我倆還是第一次食呢，原來又幾好味喎！Mr. Dolphin大叔鍾意食原味boneless chicken，海豚兒大媽當然是選擇帶甜味的雞翼啦，相信很少女生不愛吃雞翼吧！
而偏向重口味的海豚兒，簡中還會幫襯下唐人food court嘅义燒、燒肉、燒鴨三拼飯。每逢食這個飯，Mr. Dolphin總會義不容辭幫海豚兒吃掉海豚兒連菜芯定芥蘭都未懂分辨的菜，有時候還會幫忙吃些白飯。雖然海豚兒不愛米飯，但因為外帶關係，海豚兒也懶得要湯粉，免得麻煩！
除了正餐，當然少不了甜品吧！襯小店新開業，我倆試了綠茶配黑芝麻軟雪糕。估唔到兩款雪糕味道也很好吃喎，只是厥餅的味道就麻麻地啫！
要説最怪之最，應該是海豚兒在rib fest期間專程去了一趟，但竟然沒有食ribs，真係連Mr. Dolphin都估海豚兒唔到囉。無錯啦，海豚兒一場去到只為了食funnel cake和churros而已，哈哈哈！XD 恨食churros好耐嘅心癮終於止到啦！
至於ribs，海豚兒就襯超市減價買了以下這條$10.70加紙的ribs，好抵呀，而味道也就不過不失咁啦！不過以呢個賤物鬥窮人嘅價錢，就絕對無投訴啦! :D
Does Costco in Toronto have churros? The Costco churros are only so so, but it's cheap and easily accessible....
回覆刪除Welcome welcome ~~~:)
刪除I don't recall seeing churros in Toronto's Costco. However, it could be me not remembering it since I cancelled it's membership several years ago. Anyway, I know what u mean coz their hot dogs and pizzas are cheap too though the quality isn't so great.;P
香港又"吽"打風, 好熱, 所以最吸引都係雪糕!!!!
回覆刪除另外韓式的炸雞又係好好食, 好想再返去韓國食~~~
如果我喺香港生活，可能夏天一日三餐都係食刨冰同雪糕嚟消暑先掂呀！希望打唔成風唔好影響大家週末放假嘅心情啦！
刪除去完泰國就快D計劃下幾時再去韓國玩啦~~~
我呢個大媽都無食過韓式炸雞呢
回覆刪除下次返香港/去韓國玩試下吖，感覺無KFC嗰D咁油，都幾好食架！
刪除即使近年我細食咗好多同好易飽，我都係唔能夠將沙律當飯，食完一定好似無食過一樣。
回覆刪除我想食燒味！
我覺得妳同Mr. Dolphin有某D口味幾夾，鍾意食中式食物同海鮮，又係唔鍾意食沙律當飯。:)
刪除唉，妳嗰度食燒味真係唔容易，除非自己動手焗义燒同燒肉啦！
rib fest 都唔食排骨？ 咁多出色的即場燒你唔食，食超市的？
回覆刪除其實呢，rib fest我都幫襯咗好多年啦，但因為佢嘅質素越來越差之餘又要排好耐隊，所以我今年先決定放棄唔再食囉！
刪除我都鍾意食funnel cake
回覆刪除Yeah!! Funnel cake新鮮炸出嚟真係好好味，而且食親多數都係喺D特别嘅場地，所以寧捨有feel!
刪除Funnel cake 見過好多次，不過未試過呢!
回覆刪除雖然係炸物不宜多吃，但新鮮炸起嘅味道再加埋D節日或者遊樂場嘅氣氛，又真係幾吸引架！
刪除唔怪呀, 唔似肥人咁食來食去都係果幾樣呀!
回覆刪除不過肥人雖然細食, 但沙律我絕對唔飽呀!
其實遇到鍾意嘅食物，我哋都係食極唔厭架，不過我哋兩公婆無乜嗜好，所以就將揾食變成生活樂趣。:)
刪除食沙律我其實ok,如果個面加塊熱辣辣嘅煎雞/煎三文魚，都好好味架！
妳都係weedend先食啫，平時妳真係食得超健康喎
回覆刪除呢排我都多咗喺平日出去食lunch,都食得好放肆下，都係時候要食番有節制D，唔係就連去旅行都無quota啦。^^"
刪除韓式炸雞yummy^0^
回覆刪除係啦，香口嘢真係寧捨好食，特别難忍口嘅啫，其實食完嗰次，我都有心郁郁想再去食過架！
刪除Boneless chicken is awesome! I hate to get my hands dirty.
回覆刪除我都唔鍾意落手食嘢，連食pizza我都鍾意用刀义架，嘻嘻！
刪除