除了台式cafe，海豚兒早前亦襯Summerlicious (prix fixe menu) 之際和同事們去了吃午餐。海豚兒和其中一位舊同事分享了好好吃的頭盤和主菜，還有令人失望的甜品。不過呢，這天的午餐其實有段小插曲嘅，話説搞手同事在兩日前預先訂枱，因為訂不到他的“第一志願”餐廳，他儍下儍下地訂了吃印度菜的餐廳^^"，直至大伙兒告訴他才知道自己烏龍咗，臨到當天午餐前的兩小時，我們再打電話去這位同事另一間心儀的餐廳碰下運氣，還幸臨時臨急也趕得切轉地點咋，嘻嘻！
呢位同事咩食物都肯試，有一日佢答應陪海豚兒去唐人街買燒鵝開心些牙，因為多倫多夏天才有燒鵝賣之餘亦只有半隻或全隻賣，而Mr. Dolphin又唔食呢D貢唔優雅嘅食物，咁海豚兒梗係要揾外援啦！點知同事突然轉呔話想襯Summerlicious再食好西，於是我倆便來個180度華麗轉身，來到居高臨下的Canoe食番個貴氣靚景午餐。咁當然呢餐從賣相都睇得出食物係非常得啦，食到我哋兩個勁滿足。:D
那麼説好的燒鵝呢？同事亦好有口齒，之後一日陪海豚兒去煎皮拆骨咗半隻燒鵝嚟食。唔知係咪因為海豚兒喺北美洲少食燒鵝關係呢 --->>因為呢度食肆多數只見燒鴨，平時唔多覺有燒鵝賣，印象中海豚兒喺北美生活咁多年嚟都係第二次食咋，食落又唔係唔好食，但又唔係話好好食，而且仲幾油添，或者要留待下次返香港要再試真D先得！
燒鵝一D都唔失禮, Mr Dolphin 唔識野 XD
回覆刪除哈哈，佢係咁架！細個嗰陣人哋醒隻雞脾俾佢，佢都唔鍾意食，情願食雞胸肉架！;P
刪除妳左個間台式cafe一次過食左咁多???
回覆刪除個間靚景餐廳係咪妳話最高個三間餐廳之一呀?
台式cafe嘅相係三餐加埋嘅，我都未至於咁大食，哈哈！
刪除係呀，就係呢間啦，Canoe係呢到一間好出名嘅餐廳，有機會都值得一試！:)
Canoe有靚景睇，食得特別開心。英國都無燒鵝賣。
回覆刪除我哋咁啱坐bar位面向窗，真係全程睇住個靚景嚟食，勁爽！
刪除原來歐美都一樣，我記得以前住LA都無燒鵝食架。
點解Mr. Dolphin會覺得食燒鵝係唔優雅呢﹖
回覆刪除其實佢又無咁講出口嘅，不過佢會嫌燒鵝燒鴨燒豬呢D食物“肥藤藤肉震震”囉，哈哈！XD
刪除香港依家都好少燒鵝賣喇，都係賣燒鴨多。
回覆刪除我記得以前初搬去美國時唔多慣食燒鴨架，因為喺香港由細到大都係食燒鵝嘛，不過我都覺依家返香港要去特定嘅地方至有燒鵝食。
刪除嘩，個view 好靚呀，令人覺得好舒暢：)
回覆刪除燒鵝同燒鴨其實點分架?
海豚兒你知麻，聽講香港同大陸好多出名的店將燒鴨扮燒鵝啊...
係呀，Canoe呢間餐廳出名有靚嘅市中心湖景睇，喺多倫多嚟講算係特别，而且食物都有水準，襯prix fixe menu活動嚟食，其實好抵！
刪除唉！乜咁都有架，真係過份呀！查實我都唔識分架，“目測”見到佢哋掛喺燒腊舖個架到嘅樣係有D唔同咋，嘻嘻！
第一間真係好台風呀!
回覆刪除Summerlicious我都有D印象, 食物同景都好吸引呢, 如果有機會黎旅行一定會試!
Welcome back ~~~
刪除我今日又再去幫襯啦，好鍾意呢間餐廳坐得好舒服，可以hea下。
如果嚟呢度玩，我都覺得Canoe係值得一去架，當然遇啱summerlicious/winterlicious就會更抵食，但就難D訂位，我哋嗰日好好彩，臨去食lunch前打去竟然有位，雖然只係bar位，但可以對住個景食已經無投訴啦！
靚景靚食物加靚海豚兒..hahaaaa
回覆刪除肥人唔愛食燒鵝燒鴨..哈哈!
連乳鴒都唔愛..哈哈!
應該係一條鯨呑緊靚食物嘅海豚兒至真，哈哈！
刪除燒鴨乳鴿呢兩樣食物我都鍾意喎，不過唔係成日有得食就真！
Love those Summerlicious meals!
回覆刪除對呀！遇着呢d summerlicious時候，真係啱哂四圍去揾食，又抵又多選擇！
刪除餐廳景色很不錯呢^0^
回覆刪除係呀，呢度無香港有咁多居高臨下嘅食肆，Canoe算係喺市中心較出名又好食嘅餐廳，都真係值得一試架！
刪除