跟據海豚兒家姐的指令，海豚兒和Mr. Dolphin要確保姨甥女和姨仔起床第一件事要先飲牛奶(約200ml)，大家不要以為這職責簡單，現在姨甥女大個女還好，很快手就完成這項差事，至於姨甥仔，這瓶牛奶好比養命酒個朋友養命奶般，飲極都飲唔完。^^" 飲完奶後，理科人Mr. Dolphin更要肩負起督促姨甥仔改正幾題之前做錯了的數學功課責任，眼看搞了大半個鐘還是沒完成功課，最後賤賤格格的cee還是要出皇牌*才能順利完成差事。
*註：海豚兒家姐早以安排這天行程給我們伵，還相約了三點正在日本埠(Japan Town)接回我們。當cee問姨甥仔若他在三點前未能完成功課，我們伵趕不及去目的地會合他的虎媽典算?! 姨甥仔就即刻出動摩打手以九秒九速度完成這項馬拉松賽事。;P
接着，姨甥女和姨甥仔就“帶”cee和姨丈搭巴士去日本埠吃午餐啦！
在Japan Center逛了一圈，小孩決定吃一間他們一家幫襯開又幾好味的迴轉壽司。見到我們伵嘅賽果，都應該想像到我們有幾咁享受呢餐啦!
這選擇實在是好，這兩個小地膽，一坐下就自動波攞食物，不用我倆照顧、粗心，海豚兒還有時間拍食物照呢！
吃飽飽後，我倆陪小孩去打了一陣書釘，買了些零食開心些牙，又試了揾笨又難食的dragon's breath - 即是加了氫氣而有出煙效果的七彩cereal 及氫氣雪糕，就陪孩子去Playland Japan>>豆泥版冒險樂園燒銀子咯！
吃飽玩夠就和小孩去會合虎媽即海豚兒家姐，途經一些商店和街道便隨處拍拍照，還發現一間多年前家姐帶海豚兒幫襯過的餐廳呢！:)
之後家姐就車海豚兒和Mr. Dolphin這兩個“半遊客”去花街(Lombard Street) 拍照，沿途斜上又斜落，不知大家可以在照片中感受到嗎？
這晩在姐夫家姐的家中烚下烚下，辛苦了出錢又出力的<<姐夫厨房>>為我們預備這頓刺身海鮮肥牛邊爐宴啊！
最後送上一張這天在Costco影的兩大兩小加隻bear的無聊大合照！XD
我地都有揸車遊呢條斜路呀。尋日有朋友終於買左呢隻大 bear bear ，咁啱架！
回覆刪除呢個景點真係好有SF特色，值得一去！
刪除又會咁啱嘅，估唔到真係有人會買！:)
我叫嗰條叫“曲街”，最記得行去呢條“曲街”時，要行條大斜路，唔係長命斜，係攞命斜
回覆刪除妳啱架，SF嘅華人都係叫呢條街做曲街架！:)
刪除係呀，行番上去時真係行到氣咳又腳軟！
哇,bear bear 好得意呀，最喜歡bear bear ^^
回覆刪除去熟悉地方食野真係好好，至少小朋友肯食，而且識自己拎野食，大人可以舒服d，嘻....
係喎，妳屋企都有好多bear bear公仔。唔知如果香港有嘅話，妳會唔會都忍唔住會買呢，嘻嘻！
刪除係呀，佢哋食得開心，而我哋亦食得安樂，唔駛擔心佢哋食唔飽。
咁平時邊個湊妳兩個姨甥架?
回覆刪除妳地都勁呀!食tea都可以食咁多，夜晚仲要咁豐富tim
平時樓下租客(一對公公婆婆)會幫忙看下兩個小朋友，佢哋由細睇到大，好鍚對小朋友添架！
刪除D朱古力都係試咗少少就拎返屋企，姐夫下厨，典都會留肚捧場嘅，嘻嘻！
咦...係咪妳話個果呀....99fd
刪除係呀！有租收之餘仲會幫忙睇下細路，幾爽呀！
刪除最中意最尾張相
回覆刪除我估到吖！因為我好識做地遮住咗我個貓(海豚)樣嘛，嘻嘻！;P
刪除妳都幾醒喎, 有咁多招可以治到姨甥, 下次妳返黎我決定試下外判MC俾妳!! :P
回覆刪除但大前題係要D小朋友超驚虎媽發惡喎！
刪除如果係MC嘅話，我估出動美食會湊效d，嘻嘻！
啲海鮮好正啊，不過大熱天時打邊邊？
回覆刪除妳俾d相嘅加州陽光誤導咗啦，SF夏天一d都唔熱，嗰個星期平均每日都係得13-18度，所以烚下烚下真係一流！
刪除我上次去三藩市都以為會好熱，著晒短褲，點知涼到飛起，要走去買長褲著呢
刪除係呀，聽我家姐講，我哋去之前兩星期先有朋友從多倫多去探佢哋，都係凍到要買褸呀，嘻嘻！
刪除個條街係遊客必遊
回覆刪除係呀，金門橋，漁人碼頭同Lombard Street都係去SF必到嘅景點！:)
刪除I got motion sickness from looking at the pictures
回覆刪除咁可能係因為我揸機揸得差，影到鬆郁懞喎，哈哈！XD
刪除好耐冇見妳喇做乜遮住面呀!!
回覆刪除廢事嚇親人就唔好啦，哈哈！
刪除搞到肥人都心思思計畫下去美國旅行添~
回覆刪除皇牌 -- HAHAAAAAAA
去啦去啦! 襯加元低仲可以順便嚟探下我添呀!:D
刪除呢隻皇牌真係好駛好用,萬試萬寧架!