這天我們四人只簡單地在food court隨便吃，目的也只是見見面、聊聊天。兩年沒見，他們還是一貫的可愛。又，由於拉生從事教育工作，所以正在“放暑假”，海豚兒和Mr. Dolphin一聽到“放暑假”三個字，實在難掩羨慕之情啊！久違了的暑假呀～～～
由於之前一晚吃得太兇，這天我倆只吃了很少東西，包括正常味道的魚生和麻麻地的clam chowder湯，大意的海豚兒只記得影食物相，而竟然再一次忘了跟拉太合照啊！^^" 下次再見，一定一定要記住影合照呀(磨拳擦掌mode中)。
跟拉太拉生道別後，海豚兒和Mr. Dolphin就乘Muni(輕鐵)前往市中心行街街。行到攰攰地就去環境優雅的Rotunda餐廳tea一tea。
到差不多時候，我倆便坐巴士回家跟家姐會合出發去吃晚餐了。這晚姐夫挑了一間好好吃的日本餐廳帶我們去試。
這兒的食物水準真的好高啊，而且價錢也不貴，就像下面十件壽司的omakase set才$33一份，好食又抵食，超正呀，這亦是這行程中我倆最最最欣賞的日本餐呢！辛苦了姐夫家姐老遠車我倆來見識和破費請我倆吃這餐呢！:)
吃罷晚餐，我們還有好下場。姐夫家姐還帶我們去吃waffles甜品。
大家真的不要少看這兒的窩夫啊，窩夫中有mochi而且每份甜品也有三塊窩夫之多。海豚兒和Mr. Dolphin合力吃完一份甜品後，堅係飽到眼“鯨鯨”呀，嘻嘻！
在 SF 真的食不完，壽司都特別大件
回覆刪除我都覺得SF食物好啱口味，選擇又多，不過姐夫家姐話LA食物款式水準更多且高，而且仲抵食好多添呀。
刪除你哋好乖呀！出入都搭公共交通，我可能已經uber咗好多次喇！
回覆刪除有得揀，我估老公都唔想坐咁多公共交通工具架，不過呢，佢暫時都應該唔會考慮uber,無法啦，我哋有時d思想行為都幾老土。^^”
刪除嘩嘩嘩, 最後的Waffle同雪糕睇到我眼突突呀!!!!
回覆刪除Waffle真係幾正，淨係可以做到外脆內軟已經加好多分，不過份量真係超大，差d食唔哂呀！
刪除羨慕C我, 我見到呢度D壽司都唔想食
回覆刪除完全明白，我想像到身處法蘭西真係唔可以隨便冒險食亞洲菜，我估喺越南菜可能係唯一例外。;P
刪除壽司看下水準不俗喎！
回覆刪除壽司真係堅正呀，係我哋一個星期內最欣賞嘅日本菜呀，有機會都好想再去。
刪除哇...好多壽司啊，好好味呀呀呀，睇到我都想食 =)
回覆刪除嘻，我以前做駐校，都好喜歡暑假的，因為有一個多月假，超開心，可惜依家轉了部門，冇了///////
我都好想放暑假啊~~~~
d壽司真係超正，我平時好少食加州卷但嚟親SF都必食，因為好多餐廳都係用真蟹肉做，味道鮮美好多架！
刪除做工都咁正，可以有暑假放，真係爽呀！如果將來可以轉返去就好啦！
Real crab inside California roll? That's unheard of in my neck of the woods.
回覆刪除You guys drink clam chowder for breakfast? That's very un-dolphin-like :)
係呀，我印象中都係喺SF先發現有真蟹肉做嘅加州卷，所以我地嚟親都同d細路爭食架，哈哈！
刪除我就無咩特別喜好，但Mr. Dolphin鍾意飲熱湯，食粥/湯麵嘅口味都係來自佢媽，佢地早午晚都可以飲湯就好似我早午晚都鍾意食甜品咁。：)
哎呀!點解咁失策呀，冇影相
回覆刪除竟然Mr. Dolphin都會出席呀?
係啦，已經第三次見面啦，竟然到依家一張合照都唔記得影，我實在太大意啦。
刪除哈哈，俾妳發現咗添。“始終都有第一次！”如果佢唔出席，可能又被安排參予外判服務，咁梗係同我出街好d啦！
壽司大大件, 睇到肥人口水都流埋啦!
回覆刪除終於有樣甜品係肥人愛吃, 我愛waffles!
HAHAAAA
呢餐壽司真係好好味呀，好味到Mr. Dolphin同我返到嚟多倫多都仲會提起，嘻嘻!
刪除原來妳都鍾意食waffles，我覺得waffles好飽肚，雖然好味，但最好有人可以開心些牙就更正啦!