這兒的壽司不算頂級，但價錢親民之餘亦好適合和小朋友同來，小朋友玩得好開心架。
原因嘛，小孩會很努力把已完成碟子放入指定位置(看下圖)。
每儲夠15 隻碟就會得到一隻扭蛋形式的玩具(看下圖)。
看著兩個小朋友努力清理枱上空碟，真的感到他們食+玩得好起勁呀，哈哈！
吃加玩完一輪後，海豚兒家姐就車我們去Milkcow吃雪糕咯！這間韓式雪糕店的牛奶味雪糕真心好吃，honeycomb配上勁奶味的軟雪糕，吃得海豚兒超滿足，每次看照片，海豚兒也很懷念那味道。至於加追的honey latte就略為過甜了一點點。
在回SF的路上，海豚兒家姐就停多一站，特意和我們去買些甜品回家分享，謝謝家姐請客啊。這兒的蛋糕和包點也好好味，只可惜蛋糕在回程時出現了下冚的狀況，嘻嘻，但依然無損他們的美味！
經過這麼多餐後，大家估下是日晚餐我們又吃了些甚麽呢？無錯啦，壽司是也！
至於宵夜，我們除了分享了以上提到的蛋糕，海豚兒還吃了三份一個菠蘿油，咬了一小口榴槤月餅，和之前一晚一樣，這晚也是飽到不行。到這晚為止，海豚兒合共重了五磅呀呀呀～～～ ^^”
還幸，這五磅肥肉在回多倫多後也續漸跟海豚兒分手了...唉！好險好險(汗)！;P
我的 extra 5磅肉，幾年都扔唔甩，還有上升的危機呢！
回覆刪除其實減唔返最驚就係因為有上升危機然後影響身體健康，我以前就試過一個冬天重咗十磅，之後就一發不可收拾，所以都係小心d好。:)
刪除嘩，妳咁犀利o既，fing得甩啲肥肉
回覆刪除我企上個不磅嗰陣，成日都係“徘徊傍徨路前”架，但為咗可以嚐更多，有時都要忍下口。
刪除壽司船好震撼呀~~~~
回覆刪除分到手咪好囉, 我D肥肉已經長駐下來啦! > <
d細路見到隻船就最開心。
刪除其實甜魔媽媽真係無咩需要減，但要減都唔難，我哋下次再飛奔地鐵站。XD
好彩佢係放開你呀!! XD
回覆刪除我希望同佢緣盡於此，一世不復見啦！；P
刪除每儲夠15 隻碟就會得到一隻扭蛋形式的玩具 <---嘩，好好玩呀，如果香港都咁就好啦 ^0^
回覆刪除呢個設計真係有d計，我哋張枱d細路除咗好努力清理枱上嘅空碟外，仲好比心機sell我哋食多幾碟添呀，哈哈！
刪除呀，你食咁多諶日本嘢，難得去SF又多啲人，點解唔食韓國菜或韓燒呀？你成日話你老公唔食韓燒得你一個食唔到。
回覆刪除是咁的，家姐姐夫一家都係日本餐嘅狂熱份子，佢哋鍾意食鐵板燒、燒肉多於韓燒，而我哋又麻麻地，所以都係食壽司清清地好啦。
刪除扭蛋好有意思，教人不浪費！
回覆刪除嘻嘻，何止呀，d小朋友仲想挑戰我哋極限，想我哋食多幾碟添呀！；P
刪除吓?日夜都係壽司?咁夜晚個餐好好多
回覆刪除係呀，食壽司豈碼可以各自揀啱食嘅呼嚟食，都幾好吖。夜晚嗰餐係好d，但咁多日之中，我都係鍾意之前一晚嘅壽司，最正！
刪除Were you eating salad every night in Toronto? hehe
回覆刪除You're very close! We have Chinese style salad every weeknight without dressing, aka白烚瓜菜，lol!
刪除Milkcow --> 香港都有呢類牛奶雪糕呀, 下次返黎HK 都可以去食呢~
回覆刪除美國都有醉榴香???咁勁????
咩香港品牌月餅都有得賣
刪除Milkcow真係勁重牛奶味，啱哂我呢d咁重口味嘅人，只可惜多倫多唔多覺有牛奶味雪糕而又唔知幾時會再返香港，唯有等下次旅行再食啦啦啦!
刪除美加都有醉榴香而且最出奇嘅地方係據姐夫講，三藩市仲賣得平過香港，但多倫多就貴好多啦! ^^"
刪除