這天睡到自然醒就坐巴士去錦市場行下。睇下。食下。兼買下。
乾果和帆立扇貝也好吃!
還記得在名古屋第一天海豚兒吃了吉列豬早餐嗎?實不相瞞,海豚兒是真的食過番尋味,明知Mr. Dolphin不太吃豬還要他陪吃吉列豬午餐,嘻嘻!(以笑遮醜x1)
好在這店(忘了影店面或餐牌相)的食物不貴、味道也不錯,Mr. Dolphin也表示“頂得順”,哈哈!(以笑遮醜x2)
食飽後就先安頓好主子在商場內找個有利位置休息休息下,海豚兒就四圍去行街。
行完街就會合Mr. Dolphin一起往祗園出發。
首先行下先斗町。
然後順路行去祇園。
下面看到的雀雀是真的,不是裝飾來啦,引得遊人都不停拍照。
行下行下又落起大雨,我倆行到八坂神社門前影張相就搭巴士回京都站啦。
寫到這裡,大家有覺海豚兒這天下午特別乖,沒吃太多嗎?
是咁的,因為海豚兒和Mr. Dolphin要留肚食酒店自助晚餐呀。
開始時,我倆也有盡力拍照,但人太多,影了幾張也只得放棄。
以下是我倆吃過的食物相。
食飽飽就捧住個大肚腩四圍行下街,然後至回酒店休息。
食後感:服務很好,味道不錯而且可以吃到平常未必會接觸的食物,但不要期待有驚為天人的食味亦不要盤算甚麼回本位,因為沒有甚麽名貴食材啦!
總結,如果在網上訂位時遇上優惠,海豚兒當時優惠是星期日晚食第二輪即7:30pm開始,價錢由4900円/位減至3500円/位,這也是不錯吃的一餐。
靜靜話你知, 我都好鐘意食吉列豬排
回覆刪除Yeah!原來妳都好呢味!:)
刪除因為主子唔多食豬加上我除咗雞翼都較少食炸物,所以平時好少會食吉列豬,無諗過今次會一試就上癮!
估唔到日本都會有buffet 食。
回覆刪除我發現日本啲大型酒店都幾多有供應buffet架,而且仲會有埋主題下午茶或甜品buffet,唔趕行程又唔貴(注意重點係要唔貴XD)嘅話,都食得幾開心架。
刪除我都好愛食日本的吉列野,一齊去旅行的話可以成日一齊開餐!
回覆刪除9格碟在buffet中真係好好用,不過香港只有一間見過,唔知係咪特別難洗~
原來又一位吉列愛好者:)!如果以「食」行先嘅旅行真係越多人越好,當然都要同口味合得來嘅人啦,嘻嘻!
刪除我都係睇blog友去日本玩嘅旅行網誌至留意到9格碟,擺日式食物特別精緻,但西式食物就頗有難度。
點解京都街上冇咩人嘅?
回覆刪除Buffet 㗎9格碟好好用喎,啱晒食 buffet 每樣試少少。
因為呢...我有專登避開人群黎影相XD,其實嗰日都簡中落大雨加上幾日前颱風關系,可能都因為咁所以少咗遊客。
刪除Buffet嘅9格碟用來放日式食物真係一流,但西式就有啲唔方便,尤其對我呢個有OCD嘅人,無法將同一款食物質落同一格內,我有啲想爪牆呀,嘻嘻!
如果味道唔差都OK嘅,因為我正想話個自助餐的賣相唔太得,隻九宮格膠碟亦令我胃口減少。
回覆刪除見到你去旅行成日落雨.....
自助餐食物味道可以架,係我地兩兜友毫無美感,啲擺盤搞到樣衰衰咁啫^^”,後來發現有正常圓形大碟,我地都無再用9格碟黎裝食物lu。
刪除無法啦,落大雨係有啲掃興,但已經好好彩,京都遇上強烈颱風嗰幾日,我地仲喺福岡曬緊太陽,喺京都站內都有見到因颱風而造成嘅爛玻璃、漏水情況。
至愛吉豬Yeah!!
回覆刪除哈哈,我其實無諗過既熱氣又啖啖肉嘅吉列豬都有咁多blog友同我一樣都like喎,睇黎我地要將吉列豬加入我地個list度啦,堂島卷、吉列豬...
刪除雖然我唔係特別中意食吉豬, 但去到日本都會食番餐...hahaaaa
回覆刪除做乜咁特別去左食自助餐呀~?
睇黎我以後都會咁做呀,將吉列豬加落日本旅行嘅食程內,唯有辛苦下唔多食豬嘅Mr. Dolphin啦,哈哈!
刪除原意係...同Mr. Dolphin一家五口高高興興一齊去食自助餐嘅,可惜佢地去唔成...
很喜歡有蒼鷺的相片, 好日本 FEEL, 可惜天氣不太好.
回覆刪除係呀,初時主子仲以為係擺設添咋,因為成個構圖太配合啦,有水有樹又有和式嘅建築物。
刪除無法啦,選擇嗰段時間去日本玩,我地能避過typhoon jebi都算好彩。