是日安排: 先坐不足四小時新幹線到新大阪站再轉車去京都站，從新大阪坐新幹線，大約十五分鐘車程就去到京都站，到酒店放低行李，然後再回京都車站坐新幹線，不足三小時車程便去到東京站。
在前往京都的途上，我倆首次吃便當，海豚兒挑了一份份量很少但很好吃的豚肉三文治(大概是兩件茶點時吃三文治的份量)，而Mr. Dolphin就吃了一般般的雞肉丼。
在京都的酒店因為語言不通，員工沒法明白我倆意思就一直跟我們說不，難得遇上另一位同時懂英語及日語的遊客代我們翻譯，員工才明白我倆八晚的酒店費用由當天起計早已全數支付，但是我倆第一晚會留宿於東京，當晚不打算回來，只想把行李寄存，員工可能是誤會了我倆的住房是由下一天才開始，堅持我倆要把行李拎走，雞同鴨講到呢。。。好在有這位遊客幫忙咋，更有趣的是，這位遊客是白人來的，也夠戲劇性吧！
然後我倆就再搭新幹線向東京出發啦！
到達東京站差不多下午三時，即刻去六厘舍食沾麵做午餐。
食飽就在東京一番街行下，之後途經日本橋影下相，再去酒店check in。
再然後就去是次速“游”東京的主題景點，就是再度和主子去台場朝聖高達啦！據主子解說，今次是甚麼甚麼unicorn喎，即頭頂嗰枝呢。。。男人的浪漫呀~~~
指定動作當然是怒影高達然後再上樓上參觀高達場館商店啦!
跟住就輪到海豚兒嘆返杯美味的Nana's Green Tea焙茶軟雪糕。
再和主子去睇高達
看完表演，晚飯就在台場的美食廣場解決啦！Mr. Dolphin繼續食六厘舍(久臨)沾麵而海豚兒就食牛肉丼，兩者也不錯吃！
食飽飽在商場內外再逛下、影下相就搭車返酒店休息啦。
途經酒店附近便利店看見以下兩款期間限定甜品，海豚兒就㨂了較適合自己口味的款色，又果然幾好味喎！
後記：還記得我倆的JR Pass是在Day 4去橫濱時才啓用嗎？這其實都是Mr. Dolphin的細心安排，因為原定Day 10我倆會坐JR去大阪關西機場接Mr. Dolphin爸爸媽媽、家姐機，而由Day 4才開始用pass，Day 10就剛好是第七天(這pass的限期是7天)，夠我倆坐多程車去關西機場接機。既然如今行程有變，倒不如善用這額外的一天吧！
今日發白日夢，想去東京呢。咁啱你就到左東京。
回覆刪除又會咁橋嘅，哈哈!下年返香港可以諗諗佢喎。；P
刪除日本真係一個頗有趣嘅地方，去極都唔悶。
男人的浪漫, 唔係豆腐火腩飯咩? XXD
回覆刪除我想起係 Osaka 遇到個酒店職員, 竟然係去左加拿大嘅香港人, 佢係個度做野
仲有句「男人愛高達，女人唔明白」，哈哈!XD
刪除Osaka個酒店職員嘅經歷都幾有趣喎，由香港移居加拿大再去日本工作，感覺上去日本玩可以好開心，但工作嘅話，壓力應該唔少於香港。
其實你哋點解要同佢雞同鴨講放行李，唔直接就話要check-in，然後自己將啲行李放入房由得佢擺，因為都俾咗房錢喇，嗰晚返唔返去瞓唔關酒店事？！我有啲唔明。
回覆刪除Oh,其實係我無寫清楚，因當時時間尚早(未夠11am)，只可以將行李寄存喺酒店reception area，未有得攞房，我地唔想為咗放行李入房再多等4個鐘至出發，但同時又想確定酒店職員唔會因為我地當晚唔認領返啲行李而將行李隨處放喺大堂之類，同埋呢間酒店係唔會幫客人將行李運上房，所以我地由本來唔打算交待到最後講咗一大堆出黎，可惜員工都係唔明。XD
刪除好同意男人的浪漫係高達
回覆刪除睇文時Matthew入左黎，馬上大叫：機械人呀！ XD
又係Nana's Green Tea，佢幾時可以開來HK呀？
哈哈，連Matthew細細個都對高達有反應，果然係男人的浪漫...又，好在我個blog除咗啲相唔多有美感都唔驚嚇親小朋友(Matthew)啫，嘻嘻!
刪除Nana's Green Tea今年中喺Vancouver開咗，我都諗過同一個問題，幾時開到黎Toronto呢，好在呢度都有質素唔錯嘅焙茶雪糕比我止下癮。
弱弱的燈光表演形容得非常貼切！
回覆刪除無錯，全個過程就係弱弱燈光配上後面大營幕播住首卡通歌，再加上個機械人只係頭頂兩條天線(就係呀unicorn囉)分開同合埋過，然後就「完」，哈哈！
刪除男人的浪漫, 肥人明白~
回覆刪除點解肥人上次見唔到KITTY既..唔制呀~
Yeah, give me 5! 即係妳屋企都有個愛“浪漫”之人啦，嘻嘻！
刪除唔知個Hello Kitty機械人係咪新嘅呢，上次2015年去行台場Hello Kitty店時都無印象見過。
我估真係新啦, 肥人係舊年去之ma..hahaha
刪除咁妳不如又去“浪漫”下吖！
刪除