一星期擇要

各位觀眾，歡迎收看「一星期擇要」：

<<星期二 ~ Miku>>

襯喺市中心開完會，就喺附近嘅Miku餐廳食壽司午餐，貪佢清清地又幾好食 ... ... 仲好食到個腦記得要「手機先食」但隻手竟然失控地夾咗一舊壽司入口嘆至影相，哈哈!



而另一個令海豚兒重訪嘅原因係因為發現甜品餐牌上有pavlova食。這份甜品齋睇賣相都已值回票價，何況，這是有內涵之作，中間的果肉清新可口。



<<星期三 ~ The Fry>>

是日做例行身體檢查，完成後先去食份shawrama做午餐，不過因為拎住份shawrama時有點呢咁hea所以都無影相。來到晚餐，當然要襯做完身體檢查又未睇報告前食下啲好味又無益嘅食物啦，仲要難得Mr. Dolphin肯陪食，咁就去食心癮咗一排嘅韓式炸雞啦。無骨的韓式醬汁雞件，好味呀！



<<星期六 ~ 蟹逅>>

早兩篇都提過嘛，主子上個月做咗個牙齒小手術，經過接近一個月護理已差不多康復，決定襯星期六去食餐好嘅。又難得小學同學一家肯嘗面，齊來幫拖(x1)消滅呢個六至七位用嘅龍蝦皇帝蟹套餐，順道補慶農曆新年。。。如果沒有他們的協助，海豚兒和主子應該連一半食物都食唔哂呀！^^"



雖然餐牌上寫龍蝦、皇帝蟹各五磅，實情是店內基本上沒有體積這麼少的皇帝蟹，要吃龍蝦刺身亦必須挑隻大龍蝦，最終，我們就加錢要下7.5磅龍蝦和6.9磅皇帝蟹來吃。有圖有真相，大大隻龍蝦鉗係咪好誘人呢。:)



首先來的是一碟半打的燒豬頸肉串燒，海豚兒忘了拍照，只拍下自己碟上的一串，小學同學笑說，如果他們沒來，Mr. Dolphin又不好豬肉，海豚兒豈不是要一個人隊哂半打串燒，哈哈！坦白講，真係好在有小學同學一家幫拖(x2)呀！



蒸海鮮這吃法早在香港大行其道，但這可是我們這班加燦第一次品嚐呢。對海豚兒和Mr. Dolphin來說，第一道蒸蟹爪給我倆的印象最深。平常食蟹爪一般是開邊蒸，要食到啖啖肉嘅蟹都要十磅以上才行，但原來原條蒸的話，七磅貨仔已非常好肉，加上原條連殼蒸，水份得以鎖住和保留，蟹肉的鮮味和質感比開邊蒸優勝得多多多聲。



然後到嘆龍蝦時間啦，特別感謝不大吃生龍蝦肉的Mr. Dolphin專登為海豚兒而要求龍蝦加碼，等海豚兒可以嘆鮮味加啖啖肉的龍蝦刺身，難得小學同學夫婦亦極級欣賞這味，亦引得他們的大兒子也想一嚐，可惜小孩年紀還少不能吃，我們仨只好繼續自私食咯！




吃罷蒸龍蝦及皇帝蟹，各人已飽到儍。



這個餐還包括得到我們一至好評的龍蝦膏炆麵和一般般的蟹蓋焗飯。



最後還有蔬菜拚盤... ...又是吃了大半才記得拍照^^”，和深受三位小孩喜歡的冬瓜粒湯底。



很飽足的一頓午餐，三小時一下子就過，海豚兒和Mr. Dolphin更飽到連晚飯都跳過，最後都忍唔住講多次，好在有小學同學一家幫拖(x3)咋！

「一星期擇要」報導完畢，多謝各位收看! :D