不過呢，上面這張相相其實有點不誠實，角度問題把丼飯影到好大碗，實情是這碗丼飯份量只是小孩飯碗的容量，三片海膽加一小撮三文魚子和少少白飯收費$18.50加元加13%稅呀！
另一日，海豚兒心血來潮想飲珍珠奶茶，就去幫襯台式飯店順便食午飯，竟然在餐牌上看見了咕嚕肉，哈哈，一年多沒有吃過這味餸，一於就揀咕嚕肉啦！這個飯連飲品才$14加元連稅，而且份量多到海豚兒出盡九牛二虎之力也吃不完，好抵食呀！
來到星期六，可憐Mr. Dolphin要加半日班，海豚兒就善用這半天時間走訪中西超市買餸、買日常用品，一個人搬貨咁搬啲重物返屋企，攰到隻屐咁。做完所有家務事，當然要預留一點時間給自己嘆番份久違了的甜品早餐啦，雖然食物味道一般般，但有個地方靜靜地坐下、抖下、上下網，坐完真係人都醒神啲。
轉眼又過了一週，Mr. Dolphin在星期六繼續超時工作，這天下班後，我倆就夾啱時間去嘆happy hour平價餐。呢間嘅平價餐的確抵食又好食，沒有將貨就價，讚！
寫完一大堆，其實抵唔抵都唔係最緊要，海豚兒覺得食得開心、享受就夠啦！
抵食又好食既，一定會再幫襯，搵人笨實的，梗係唔會有下次
回覆刪除仲有仲有，最怕受氣，有時遇著啲巴巴閉餐廳或員工，真係食咗都背脊骨落呀!
刪除我反而愛港式奶茶, 珍珠奶茶我麻麻呢
回覆刪除咁多樣我最鐘意個 burger, 個包好難得無謝哂皮
2選1嘅話我都係鍾意港式奶茶多好多。
刪除好細心呢！係呀，個包咬落去仲熱同脆面，我覺得喺多倫多好多時食burger都有咁上下水準，所以我都幾經常會食架。
魚生丼飯係DD嘅最愛。
回覆刪除出街食真係好大筆數，尤其我們一家大細，現在個個都大，如果孩子冇回家食飯，我同DD都會出外食當拍拖(my version)，哈哈哈。如妳講，唔係抵唔抵,係一個開心同享受, hahahaha。
我見到妳地都去咗食日本餐呀，原來魚生飯係DD最愛！
刪除完全明白呀，身邊好多一家4口嘅朋友都係隨著仔女長大由食2人餐>>3人餐>>4人餐>>甚至5人餐進發，，尤其呢邊食要加13%稅同tips，真係幾重皮架！有時我cheap cheap地會叫主子化身做外賣仔，買返屋企食，喺屋企坐得C服啲仲慳埋10%-20%tips。 ^^"
真係啲貼士重大數目過啲稅，好肉痛下，哈哈哈。
刪除係呀，而且一般習慣係稅後再計tips，條數越滾越大！
刪除懂得享受生活閒情好重要^^
回覆刪除靜靜雞話你知吖，我同Mr. Dolphin份人滋陰又懶底，所以唔洗自己洗煮抹就已經覺得好爽啦!:)
刪除海膽望落都唔錯呀..肥人見到都吞左啖口水...hahaaa
回覆刪除台式飯店d 飯好好好好多wor...根本食唔晒啦!
海膽真係唔錯亦算係大塊，如果可以多幾片會更滿足。:D
刪除真係勁多，我估分兩餐食都仲有剩。。。尤其係啲白飯會剩最多。
好味比大份緊要D，不過又好味又抵食當然最好啦！
回覆刪除妳個邊咁多Happy hour特價餐真係好，又抵食又可以早食dinner，感覺無咁肥膩呀
2選1我都會揀前者，好味又抵食就係bonus!
刪除可能呢度餐廳知我地cheap所以要推出多啲優惠吸納我呢啲cheap客，哈哈！話時話，呢度連cheesecake factory午餐都供應到5pm，又係好抵食，不過唔知香港有冇呢。
台式飯店那頓一定好滋味！
回覆刪除仲一路食一路諗起妳地，因為對上一次食咕嚕肉就係同妳地一齊食啦。:)
刪除So Sweet！
刪除下次又一齊食過！
刪除我唔太喜歡珍珠奶茶，應該一杯都未買過嚟飲，但係最近有啲迷上老虎堂嘅黑糖波霸厚鮮奶，超肥超唔健康，但好好味。
回覆刪除珍珠奶茶我讀書年代貪平同大杯成日飲架($2usd)但又唔算話好鍾意。
刪除妳講呢款聽落個名我都有興趣試，因為厚鮮奶同黑糖都幾吸引。係咁架啦，好味嘅多數都唔多健康，但有時返工辛苦都想飲/食啲好味野黎獎勵下自己，等回暖再一齊努力踢走脂肪吖！
見到魚生很新鮮。反而香港一般的日本餐廳的貨色麻麻。
回覆刪除都算新鮮雖然未及日本。
刪除竟然！同多倫多比，我覺得香港嘅質素同款式已比較好，不過講真魚生壽司更好食都唔及妳之前自家製嘅乳鴿吸引！:)
係,開心好重要.
回覆刪除仲有千其唔好同枱食飯各自修行，主子同我食飯，除非影相或聽電話，我地都唔會用手機撈飯。
刪除out of curiosity, what field is Mr. Dolphin in? Accounting?
回覆刪除歡迎光臨同留言！
刪除Mr. Dolphin係理科人，而佢嘅工作係project based所以要趕死線。^^”