出發日，我倆乘搭加航夜機由多倫多直飛米蘭，早上睡到自然醒，外出吃個早午餐再去超級市場買定一些存貨，便回家做點家務，梳洗、作最後收拾便前往機場。
晚餐就在機場的lounge解決。
在lounge填飽肚，海豚兒在機上就安心發呆，而Mr. Dolphin就繼續例牌：飛機餐x2吖，唔該。:D
八個多小時後，我倆就來到米蘭機場，在等候行李發現乘機場巴士前往市區的指示牌，認領行李後便乖乖的去一樓指定地點等車，但結果原來指示是錯的(！)，慶幸我倆得到好心人指示，帶領我倆及一眾等車乘客上二樓坐機場巴士去米蘭中央車站。
是次住宿，我倆選擇了距離米蘭中央車站約五分鐘步程的Best Western Hotel Madison，地點對自由行的我倆很合適之餘，酒店職員亦非常友善，而且酒店幾年前才翻新過，所以感覺也很新淨，但同時海豚兒又不算很推介這酒店，因為入住的頭兩天天氣很冷，但酒店房內卻只有冷氣，而且雖然酒店裝修很好，但可能這酒店始終是較舊的建築物，隔音設施不太好，清晨已能清楚聽到街外的人聲、車聲等等等等。
在酒店辦妥登記手續後，海豚兒和Mr. Dolphin就坐地鐵去Duomo附近醫肚。
是日午餐選了一份意粉和一份魚魚漢堡，主子滿喜歡意粉用上開心果做醬汁很有驚喜，但海豚兒就略嫌意粉醬汁有丁點糊口，至於魚魚漢堡外層炸得滿香脆，只是配料中有橄欖，海豚兒就不大受得了。^^”
吃飽飽就先去米蘭的大教堂拍照留念，大教堂真的很美！不過可能是週末關系，遊客特別多，亦有本地小販進行各式各樣的販賣，當中包括把一些飼料放到遊人手上吸引白鴿「群」前來跟遊客合照，每次有一大班雀雀在海豚兒面前飛過時，都嚇得海豚兒瓜瓜大叫。@_@!
之後就到旁邊的古老商場Galleria Vittorio Emanuele II打卡，這商場雖然少少的，但內裡全都是名店。
一場來到，當然要為「牛牛最痛」拍照留念啦，哈哈！相傳踩住牛波子一面轉圈一面許願，願望就會成真，圖中隱若可見，那個位置已經凹陷兼甩色了。若傳説是真的，相信第一個許願應該就是阿牛生本人(牛)，期望所有人的願望都不會成真，那麽阿牛生便不用再被世人踐踏「牛牛最痛」嘛。
逛完商場，我倆就到旁邊的雪糕店嘆番杯雪糕，味道也不錯啦！
嘆完雪糕，我倆就到附近的百貨公司行下。
跟住再行街街，估唔到這兒的Zara裝修得這麼漂亮，十足名店一樣啊！
行到黃昏我倆已經超倦，就提早返酒店梳洗休息，連晚飯也跳過，未到晚上九點，我倆已經和周公捉棋啦。
俾我搭夜機, 個日一定返工, 唔好放假, 假好珍貴架 😆
回覆刪除記得係米蘭下畫食左杯雪糕, 之後飽到晚飯都唔想食
我都係咁諗，不過因為多倫多直飛米蘭班次唔係日日有，而且雖然係夜機，但又未夜到主子可以趕得切放工後飛，好在我地㨂喺長週末出發，都叫做慳咗日假。
刪除意大利雪糕唔會水汪汪，我都覺得真係幾飽肚下，而且重點係好味嘛！
你的行程跟我的差不多。我成日以為你今次會來多一次倫敦呢！
回覆刪除小聲説，米蘭景點不多，來來去去都係喺Duomo嗰頭出入最多。
刪除因為有直航飛米蘭，所以今次無經過倫敦呢，但坦白講，倫敦我時時都想再去，有機會一定會再黎。
杯雪糕好吸引
回覆刪除杯雪糕真係幾好味，不過我蠢咗呀，因為懶，就咁叫佢嘅signature cone,而其實我係想食杯裝雪糕多啲架。
刪除係咪因為有jet lag?
回覆刪除係呀，因為喺飛機合共瞓咗唔夠3粒鐘，所以都幾攰，嗰晚真係一撻落床就瞓到不醒人事啦。
刪除Welcome back !!
回覆刪除Mr Dolphin 真係好好嘅食友，哈哈哈。
Thank you thank you!
刪除哈哈，佢個心態係飛機餐少少一份食唔飽之餘，反正坐喺度無野做，食下野叫做等時間快過啲咁。
話哂都6小時時差，比著我都一早去左捉棋 zzz
回覆刪除好掛住意大利的Gelato同名店呀！好想出年再去一次，但想去羅馬同五漁村多D
係呀，不過由北美東岸飛歐洲好處係就算夜機瞓唔著，最多最一日去到行程安排得簡單啲，咁夜晚都可以早啲瞓補眠。
刪除去啦去啦，不過Milan唔洗留太耐，情願花多啲時間喺Rome Florence Venice等城市，五漁村都真係值得一去。:)
意粉用開心果做醬汁真係好特別喎！
回覆刪除真係幾有特式，我本來都有諗過喺超市買一小瓶醬返黎，但近年已甚少喺屋企煮意粉，所以都係無謂扲/嘥啦！
刪除是日只有一個甜點, 好忍得口呀~
回覆刪除間酒店都係好舊WOR~
嗰日返酒店前，其實我都想再買多份甜品架，不過揾唔到所以無得食咋。T_T
刪除間酒店都算歷史悠久但早幾年重新裝修過後，其實房內設施都算新淨，主要係隔音麻麻地就真。