另一天和一班同事吃了一場午餐，同事們吃的薄餅附上大鉸剪神器，好玩又方便，而近來五行欠草的海豚兒就食沙律，清下腸胃。其實同事們還點了其他食物和甜品，不過，始終和同事吃飯，不好影太多相。
既然講起同事，也跟大家分享一張相相，是其中一位意大利人同事去年和家人在家中後園建造的薄餅爐，很利害呀！
來到星期六，海豚兒和Mr. Dolphin跟朋友吃午餐，食物好吃。不過和這位朋友見面，吃從來也不是重點，而是她的日常往往帶給我們許多會轉化成歡樂的黑人問號。
例如，自從她數年前退休後，一直馬不停蹄去旅行，令到海豚兒和Mr. Dolphin非常羨慕，但對她來説，旅行去多了，對於明媚風光已不再有感覺^^”。
又例如，一位她幫襯過幾次的旅行社職員不段犯錯，而且所犯的錯誤亦一次比一次嚴重，朋友竟然説要給這位旅行社職員三次機會(!)，到最後一次亦是最過份一次，事情拖到旅行完結後大半年，在朋友不段跟進下，才終於糾正過來，然而，朋友又會覺得好像欠了這位職員，打算將來再給她機會^^”。
再例如，朋友人品太好，有時候某些旅行伴也會隨之而恃熟賣熟恰她，害得她旅行時出錢出力又做埋妹仔，但因為她記性不好，有時候她去完這些旅行也會跟海豚兒說，叫海豚兒提她「無下次」，但問題係朋友記性唔好到唔記得之前不愉快事，又唔記得同海豚兒講打算去旅行，咁又點提呀^^”。
認識朋友這麽多年，都知道她是怎樣的人，如果沒有她的善忘本領，日子其實也不會好過啦。
可能間旅行社職員就係知佢唔會唔幫親, 幫佢做野唔上心, 所以成日整錯
回覆刪除有時唔記仇都係一種福氣
朋友有幾個相熟travel agents,呢個係專幫佢訂大陸旅行，我同佢講笑唔返大陸玩咪得囉，哈哈！
刪除所以我朋友真係好難得，係難得糊塗，呢個堅係佢嘅座右銘。
我和同事食飯，佢哋會影，又叫我影，真係咁都玩得一大餐。 英國應該唔會比大鉸剪喇，health and safety 呀。
回覆刪除周圍都有很多人以熟賣熟，例如很多幫我剪頭髮的。整車的。 賣魚的。賣生果的。真係當我係金礦。機會比左，一次？兩次？但肯定無第三次。
我有啲同事後生過我好多但都唔會影，我就更唔敢影^^”。我估大鉸剪都係想有啲wow factor因為把鉸剪可以企定放，唔洗打橫放，聽同事講，又幾好用同方便。
刪除呢啲恃熟賣熟甚至唔熟唔食情況我都zero tolerance。喺呢邊工作，我好多時覺得惡人(客)比較要風得風，好似我呢個咁好人嘅朋友反而比人蝦得最多，唉！
把大鉸剪好誇張
回覆刪除成個presentation好有趣,一上枱，我地個個都嘩嘩聲，有同事仲想揾下喺邊度有得賣，買返屋企宴客時用。
刪除善忘，或者容易原諒別人，係一種可遇不好求嘅福氣。
回覆刪除我有啲覺得朋友嘅善忘情況係逼出黎，有好多野都抑壓咗好多年，查實佢自己都知，不過點都好，佢真係我朋友之中最有善心、不計較嘅人，我都想佢過得好。
刪除妳嘅朋友真係好人事. <3
回覆刪除對對對，佢真係一個大好人，所以見佢成日俾人恰，都替佢唔抵。我同佢初相識時，佢已經對我同主子非常好，仲幫咗我地人生一個超級大大大忙。
刪除活得善忘、放過自己、放過他人，都未嘗唔係幸福丫
回覆刪除大鉸剪帶出街咪好麻煩？？？^_^"
所以朋友嘅座右銘係難得糊塗都幾適合佢，不計較又好人品。有時佢會講笑話我都做得佢個女，我會笑佢好在佢無呢份褔氣，否則實俾我激C呀。
刪除大鉸剪就算收藏都麻煩，所以我都奇怪有同事想買返屋企用。
旅行腳都好講求人夾人緣呢....
回覆刪除絕對同意呀，夾唔黎，去完旅行真係反面都似呀！
刪除一巢生十二蛋，好生養呀！
刪除歡迎你呀~~~ :)
刪除真係勁生得，同埋我都唔明點可以一氣呵成孵一打鴨仔，嘻嘻！
仲以為邊個咁好生養添..hahhaa
回覆刪除肥人細個住水上屋架...黃昏時會見到鴨媽媽帶住幾隻小鴨係度游水..好搞笑架~
比左三次機會仲比? 肥人最多比2次架咋...第二次都唔ok 就直接out!
一定唔係我呢啲不善生產嘅人囉！;P
刪除妳講嘅唔知點解令我諗起伊麵個陽光檸檬茶廣告呀...邊度都有陽光。
如果係travel agent，錯一次已經唔會再俾機會啦，因為如果係我同屋企人去嘅旅行，出錯可以好大鑊，我真係唔想貼錢買難受。
大鉸剪神器好頂癮！btw妳朋友這樣子其實是福氣！
回覆刪除係呀，第一次見到唔洗打平放，可以“企”嘅大鉸剪，同埋真係好大把呀!
刪除朋友本身係一個樂天外向嘅人，最記得第一日識佢，佢就喺我面前唱咗幾句舊時古裝片嘅歌^^”，一啲都唔怕醜，好易識到朋友。