在家煮了一個多月啦，還好，海豚兒和Mr. Dolphin在家一向吃得較清淡，
包括早前因韓國電影「寄生上流」大熱的Ramdon (Chapaguri = Chapagetti + Neoguri)，電影就沒有看咯，但海豚兒就貪新鮮覺得這個兩溝撈麵吃法幾過癮，不過Mr. Dolphin就興趣不大。我倆吃時只每包味精粉下一半，賣相當然不及人家的好，因為上色不夠嘛，但味道方面對我倆來說就剛好，至少不會吃完後要不斷追水喝。
講開韓式麵食，我倆最常入貨的是下面這種韓式刀削麵，貪其麵質煙韌而且又非油炸，海豚兒不嗜辣就沒有下辣粉，味道相對清淡，而Mr. Dolphin就從不會放過加辣後的滋味。
另外最近還試了辛辣麵的輕型版，又是被“非油炸”而吸引了(汗)。至於食後感嘛，如果當其為辛辣麵的替代品就會大失所望，但如果只是當其為另一種麵食選擇就還可以啦！
還有，就是海豚家長期有貨的韓式泡菜素辣餃，這牌子的味道和質感可算是我倆暫時最喜歡的。
最後，繼上次買了半打菠蘿包，海豚兒又去入了新鮮出爐半打杏仁味牛角酥，好吃！
Good morning. I LUVVVVV those Korean noodles, kekekek, the spicy ones !
回覆刪除早晨～～食得辣嘅就更加鍾意韓式拉麵呢！上次去韓超入貨咁啱撞到韓國人同事，佢都好努力推介佢嘅心水俾我呀。
刪除我屋企都有 Neoguri, 只有我食, 無計, 另一個人怕左陣海鮮除呀
回覆刪除我第一次食咋，所以仲未試過單獨食neoguri，咁妳度有買得賣chapagetti，可以試下兩溝後，專員仲覺唔覺得有海鮮味，嘻嘻！
刪除我又係只鍾意食Neoguri，近排睇韓劇，見劇中啲人成日食即食麵，搞到成日都想食
回覆刪除原來妳都係捧場客！:)其實我都會架，電視節目嘅人食乜，我就會恨食架啦！
刪除那個 chapagetti 曾經係我至愛，半夜宵夜都要食一個。 我一箱箱的買架。後來肥到豬咁先戒左。
回覆刪除呢款我都係第一次試，而我又幾鍾意隻味，我懷疑主子就係唔慣呢種味所以麻麻地兩溝食法。我好耐未試過成箱麵咁買啦，因為驚食到過期都未清貨。
刪除韓國即食麵好多都辣得好過癮！
回覆刪除係喎，不如揾日早餐用韓式即食麵配Isaac Toast嗰啲甜甜三文治吖。:)
刪除至愛Neoguri, 一定加旦和午餐肉, 有時仲落埋粟米粒和一片芝士. 正呀!
回覆刪除原來妳都鍾意食呢款麵，我呢，由細到大都唔食午餐肉，最記得屋企將煎完嘅午餐肉再加豉油，我只覺得鹹到飛起，不過食麵加片芝士呢招，我都要學下至得。
刪除韓國即食麵我仍然只食Jin的辣味，麵嘅質感同辣度都係最啱我口味，不過我無開火好耐喇，啲麵擺咗成年都有。
回覆刪除呢隻未聽(試)過喎，啱啱Google完原來呢度中超都有，下次去開八下先，不過睇黎似油炸，主子應該唔會幫襯，如果買，我要一個人食哂，又未必會。香港食野咁方便，我sil返咗去廿幾年都好似妳咁，唔開爐架。
刪除睇完呢篇, 肥人覺得牛角包最吸引..哈哈!!!
回覆刪除小聲說，我呢幾日都心癮起好想再食牛角酥呀。
刪除