同行 4 ～ 成被恥笑對象

上回提要，5月份電話診症後，專科醫生開了新藥給情況不太理想的海豚兒服用。

由於藥性副作用「唔係人咁品」，這藥本來每日早晚各服兩粒，開始時，首三星期要慢慢加藥，程序為：

第一星期：早上一粒
第二星期：早晚各一粒
第三星期：早上兩粒、晚上一粒
第四星期：早晚各兩粒

第一星期試藥頭兩三天，的確有點困難習慣新藥，氣喘、發冷、胃痛、失眠等朋友又來探訪，但之後也慢慢克服了。

來到第二星期，情況就有點轉差啦，除了上述提到的不適，海豚兒午後就好似暈浪咁，頭暈、作嘔、甚至連説話也不想，海豚兒差點以為自己患上抑鬱症呀，哈哈！

Mr. Dolphin提議海豚兒馬上停藥，但海豚兒心想，這個藥的週期由星期五起，而剛好那個星期五就是每月的驗血日，不如捱多幾日，看看驗血報告如何。結果嘛，跟之前沒分別，真把鬼！

跟專科醫生於6月底進行面對面診症，按醫生建議，把其中一種「補品」(supplement)份量減少，再觀察3個月才決定下一步啦。

其實寫了一大堆，現在才是戲玉。

話說上星期五到家庭醫生處驗血，這星期二早上，突然收到姑娘又稱醫生太來電，叫海豚兒盡快再去驗血。

星期三早上見醫生時，平常十分十二吋嘴的醫生，劈頭一句“唔好意思”，然後解釋大意是，上次其中一筒血驗唔到，所以要驗過。 經醫生這樣解說，海豚兒即時放下心頭大石，然後同醫生講“嚇得我吖，仲以為中毒*添呀。” 點知，這句真心話，竟然換來醫生一陣恥笑，係嗰種，佢戴咗口罩、再載埋面罩，都見到嘅恥笑表情。明明係醫生失誤，漏咗啲步驟未做，所以驗唔到，白白浪費了海豚兒嘅血呀，仲好意思笑人。。。容許海豚兒套網友粗皮啲嘅一句：“整你個制吖！”

*註：長期服藥的正常風儉