不經不覺，海豚兒已留家工作四個月，一於做個備忘錄留待將來重溫先。
3月16日
下午在辦公室執拾好細軟後，就正式回家實施work from home。
3月23日
Mr. Dolphin的公司在下班後，也隨著政府禁令而開始了在家工作模式。臨睡前，主子還跟海豚兒說了句「同事，聽朝見！」^^"
4月
每星期去一至兩間超市，西超一早去就不用排隊，中超不管多早還是要排隊，這個四月，多倫多早上溫度有時只有幾度，甚至負幾度，排隊時凍到海豚兒儍呀，好在後來醒起帶定個暖包去保暖咋！
5月
大部分時間我倆也繼續留守在家，遇上長週末假期更會刻意提前到超市入貨，盡量避免人流。其實海豚兒也試過超市的送貨上門服務，可惜不太合適，所以情願自己去買。
同月19日，多倫多開始了重啟經濟第一階段，超市以外的好些商店，例如大型建築材料、傢俬、商務文具店，都可以容許客人入內購物，不用再預訂貨品然後在店外指定位置取貨，另外，商店門口如有直接出入口供客人進入或離開(以地舖居多)，也可以重開。
6月
繼續留家工作，海豚兒和主子首次一起在週末入貨，目的地是韓超、糕點店、和餐廳外賣。
同月24日，多倫多市成為安省其中一個最後進入重啟經濟第二階段的城市，商場、美甲店、剪髮舖、牙醫診所等正式重開，餐廳室外用餐區開放給客人堂食，至於室內用餐區則依然未能重開，依舊只可以做外賣生意。
。。。。。 。。。。。 。。。。。
自封城後，除了看醫生、配藥，偶爾買外賣食，海豚兒平均每星期只會外出1.5至2 5小時去超市購物，過了幾個月這樣的生活，出奇地，海豚兒一點也不覺悶，反而過得很舒適。因為葯力影響，海豚兒這半年多已習慣“柄”喺屋企，能夠在家工作不用外出，對海豚兒來說，絕對是「利多於弊」，當然，這單純是個人喜好，海豚兒也希望疫苗早日出現，各人生活能重回正軌。
各位保重！繼續Stay home. Stay safe.
咁日日對住Mr. Dolphin 呢位同事，覺唔覺悶，哈哈
回覆刪除有個人喺度反而無咁悶，仲做埋我嘅lunch buddy呢，嘻嘻！
刪除多保重，希望確診數字早日回落！
多倫多疫情不算嚴重吧？ 英國已經80 店舖開門，餐廳就仲未有堂食。local 的市道很好，D人無去旅行，會有大把錢使，似乎忘記左過去的幾個月點過。
回覆刪除安省5x幾個城市中，多倫多人口較多，疫情亦算較嚴重，超過一半城市已進入第三階段，但多倫多同鄰近人口密集嘅城市就仲未得。我自己太少出街感覺不大，但知道同事、朋友就過咗個不一樣嘅春夏，包括婚禮、畢業等人生大事。
刪除保重身體！
而家呢度D人已經鬆懈左
回覆刪除呢度都有啲咁嘅情況，近兩日加拿大好幾個省嘅確診數字都升咗唔少，希望大家保重，二波不要來。
刪除如果香港日常生活計，我疫情前後生活無乜大分別，一直都有照出街食飯，買嘢，係無咗修甲做facial之類。我個人最大分別係無得離開香港...
回覆刪除其實我覺得喺香港/亞洲要完全唔出街係比歐美難，生活模式太唔同，不過依家能夠減少出街都係好嘅。如果唔係因為疫情，我估淨係去BTS演唱會妳都已經出門不下4次啦！
刪除點都好啦，要好好保重呀！
Take care and stay safe. Now a lot of cities have 2nd and 3rd wave, really hope it wont happen . Just do our part and protect ourselves and others. God bless
回覆刪除大家咁話！要繼續百毒不侵，同埋學妳話事解，做好自己本份，希望下一波永遠不要來，你地一家上下都好好保重，stay home and keep cooking。:)
刪除Mr. Dolphin那句同事聽朝見好Sweet！
回覆刪除小聲說，我都覺得佢呢句幾可愛，哈哈！
刪除香港發生第三波，車媽媽同車爸爸要好好保重啊!
Hello 海豚兒，好耐冇“見”。可以留家工作其實幾好呀。
回覆刪除每次收到妳嘅留言都好開心，因為知道妳平安！呢個時勢能夠留家工作，我真係無投訴，之前老細都有問過我對於重返辦公室工作點睇，暫時真係唔太想，因為我工作地點人流多，每日都至少有幾廿個陌生人出入。
刪除妳和家人在LA要好好保重啊！
咁其實香港真係幾好, 起碼即刻出左好多外送服務, 連買餸都可以有人代購呢~
回覆刪除肥人一向都係HKTVMALL買肉放係冰格, 差不多食晒就會再ORDER~
之前一星期返一日OFFICE, 肥人會買一大埋菜搬返屋企慢慢煮..哈哈!!
其實香港真係幾好>>>100%認同，疫情初，各大超市外送時段都被秒殺，到後來疫情無咁嚴重，多咗人自己出去買餸，我終於可以一試送貨服務，但是買$200加紙貨，最終只有$75貨能成功送上門，外加$10送貨費用，結果，我要即時去一轉超市入貨補倉，明明店裡有貨，也不曉得為何送貨會變成缺/漏貨，試過一次就怕怕啦！
刪除