今年是很特別的一年,絕對是不一樣的一年,感恩我倆、家人和友好也算過得不錯。為了紀念這一年,海豚兒特意買了個本地藝術家的手繪聖誕吊飾回來,縱使家裡沒有聖誕樹,每天看到它,也很滿意就是了!
十二月初,海豚兒和Mr. Dolphin繼續自製長週末。
出門的重中之重,當然是要買外賣啦!包括不錯吃又很「月巴」美的咖哩雞飯及咖哩汁配薄餅。
還有抵食夾大件,吃了兩餐才完成的薑蔥龍蝦伊麵($16.99加稅)。
而其實這天外出也不是沒原因的,為的就是男人的浪漫囉!不過難得是,今次海豚兒也懂得欣賞!
Gundam x Hello Kitty。。。到底應該稱呼作Hello Gundam還是Gundam Kitty更為合襯呢?XD
主子平常不喜歡cast iron物料做的Le Creuset砂煲罌罉,卻對用cast iron做的小玩意愛不惜手,這矛盾,你懂的!😏
又到另一個自製長週末,今次就只有海豚兒一人獨享。
午餐就買回家和主子一起吃,包括爆多cream cheese(blueberry口味) smoked salmon bagel和ruben bagel,兩款味道也不錯!
晚餐就買日式牛肉飯和日式雞肉炒麵外賣,兩者都好吃,只是燈光問題,照片拍得有點樣衰。^^”
當然不少得海豚兒至愛,甜品週末啦!
差點忘記了,還有來自舊金山的包裹,海豚兒家姐寄來的聖誕禮物及鬼馬聖誕卡。:)
食左好多好西
回覆刪除證明你唔係港女, 因為你主子唔鐘意港女煲 😄
好味之餘又唔洗我煮,very骨呀!
刪除實不相暪,主子唔like 港女煲咪就係因為老婆平常都係用港女煲煮食,而佢就要堅負起洗抹兼保養範圍囉!;P
話時話,靜雞雞講句,今年因為疫情完全見唔到你老爺奶奶,係咪爽啲?
回覆刪除說。得。太。對。啦!自遊輪之旅後,已經兩年無見,超爽皮呀!當然除咗間中比人問候係咪肥咗好多^^”,(封城後)咁耐無剪頭髮係咪乜乜物物咗之餘此類... ...唉,好多女人,就是天生愛比較的動物,但對象錯誤囉,年紀背份都不同,又有乜好比。
刪除做個長輩講啲咁嘅嘢係咪有病?真係癡鬼線,唔係做人長輩就乜都可以噏得就噏,咁無基本做人禮貌/文化嘅?你真係忍得,俾我一早串爆佢。
刪除呢啲已屬小兒科... ...爆多樣妳聽,搬家時我堅持房門一定要有得鎖,以防明明晚上已關好門瞓,但半夜房門被「訪客」打開,而我又見光醒時,都唔知繼續扮瞓好定起身打招呼好。;P
刪除咁我同你講,如果你開始唔忍佢,每次都串翻佢或者唔答佢,可能佢會減少煩你潤你次數,你會唔會信?當然,佢對你睇法都係會一樣或者更差,但係起碼佢對你表面無家教行為可能會收歛啲。人係會得寸進尺嘅,你可能一直都太乖忍佢縱佢,所以佢毫無顧忌,有時呢啲咁誇張無廉恥嘅人要當面落佢面至得,你以正常人咁對佢唔會有反應。你倆都結婚多年,都唔怕串佢會影響夫妻關係。
刪除佢啲咁風趣嘅問題,係同主子傾計時,「順便」打聽我消息,喺佢(地)心目中,我一直係外人,咁當然,我都會pick my battles,但我講十句都不及主子講半句。而我,尊重同對佢地好,主要因為主子平常對任何人都不賣賬,只會對我、佢家人同我嘅家人好,所以我會禮尚往來,但我把口快過我個腦,都踩過佢屋企唔少地雷^^”,好在嘅係,主子多數都會代我出聲、解圍,所以,無癮嗰個好少係我 ;P,可能因為咁,對方更喜歡比較。
刪除唉,真係聽到都怕,果然唔係任何人都有資格做人父母。
刪除咁佢地算正常典型父母,都錫同掛住仔女,只係永遠有兩把尺,同一句説話,自家人講(做)無問題,外人就不了。
刪除薑蔥龍蝦伊麵好抵呀。
回覆刪除冬至快樂
刪除對,堅抵食,所以我地聖誕都再翻兜幫襯!
刪除冬至、聖誕、boxing day 快樂!:)
刪除我諗妳最期待都係甜品週末,嘻嘻
回覆刪除對對對,每餐幾好食都好,都需要有甜品來劃上完滿句號,就好似有人食完正餐要嘆咖啡、奶茶咁!:D
刪除總之佢就係kitty 啦。家姐很會照顧妹妹啊!
回覆刪除係呀,總之就係著咗戰衣嘅吉蒂貓,哈哈!
刪除謝謝,坦白說,真係幾窩心!:)
I like to call it - Gundam Kitty : )
回覆刪除好,一於採納呢個叫法,從此叫佢做gundam kitty!;D
刪除蔥龍蝦伊麵真係好大兜抵食呀!祝海豚家冬至快樂!
回覆刪除真係抵呀,隻龍蝦仲唔係太細隻添,啖啖肉!謝謝車媽媽,冬至、聖誕、boxing day 快樂!
刪除嘩,好靚呀Kitty,唔知香港有冇呢,搵下先😆
回覆刪除如果我話妳知... ... 呢個系列,其實有多於一款,會唔會更開心呢!:)
刪除疫情下,個個都變廚神,無法啦,要留在家多!(^з^)
回覆刪除我就係做唔成廚神又唔想有太大挫敗感,所以就買多幾餐外賣,煮少啲!:)
刪除疫情下,大家都多保重!
你啲外賣好吸引!
回覆刪除謝謝妳!因為有自知之明煮唔叻,所以就會肯花多啲心機去搵食!:)
刪除個Gundam Kitty小朋友見到應該會驚驚……🤣
回覆刪除係? 有機會等我揾小學同學嗰3個小朋友做下實驗先,不過,我幾肯定佢地唔會驚得過主子...驚gundam kitty體無完膚呀,哈哈!
刪除