一整個聖誕、新年假期,海豚兒和Mr. Dolphin也很滋陰地懶著、hea著過。
怎麼說呢,例如24、25號外出了,26、27號就留守在家中。
28號一早就走訪西超,然後就去幫襯日式拉麵店買外賣。這間無双心是從日本京都來的過江龍,麵質及湯底都不是我倆鍾情的札榥口味,但海豚兒覺得還不錯,而且原味湯底一喝下去,感覺很日本,就是跟在日本旅行時,吃到的味道很像,不過不管湯底如何,就是得不到主子青睞。
題外話,據說這裡的麵包很好吃,我倆也買了一個芝麻生吐司,味道真的很不錯,不過索價$7,是有點貴。
之後在家抖一日,30號才再外出,包括翻兜了食上癮的banana tart。當天晚餐,分別是主子的牛尾湯和黑椒汁牛柳配飯,和海豚兒的牛尾湯及薄荷燒汁羊架配意粉。
另外,也買了些包點和卷蛋做早餐,目測,這些咸蛋黃、奶茶、泰式奶茶、越式咖啡~~~流心牛角酥,份量上比從前的「迷你」了,真是百物騰貴貴貴呀!
既然外出,當然要買多一點食物看門口,於是我倆就幫襯了早前因「見報」而認識的餐廳買外賣,作為除夕晚餐,味道也不錯啦!
主子除了會陪海豚兒來這兒買外賣,較早前更主動買了些澳洲葡萄酒,大部分已在聖誕節前送贈出去,剩下一枝白酒看門口。大家估下這枝白酒的用途是甚麼呢?答案在最下面。。。
來到一月一日,主子提議買餸後,順便買久違了的茶餐回家吃,作為新一年第一餐,包括沙嗲牛米、蛋治、菠蘿油及熱奶茶,從賣相應該估到端危。。。吃罷,換來主子的一句「唉!好又一餐、唔好又一餐啦!」大家知道海豚兒聽到這句有多大壓力嗎?因為是日晚餐是由海豚兒暗黑厨房主理,還好,幸不辱命,主子對晚餐沒有這樣的評價,否則,可能當晩有人會提早被開年呀,哈哈!
白酒就是在一月一號晚上,煮食用啦!因為呢,海豚兒不能喝酒嘛,哈哈!
個茶餐睇落又好似麻麻咁
回覆刪除我都係一樣唔飲酒, 最多飲 Shandy, 呢度叫 panaché
個茶餐真係幾麻麻,可能外賣拎到返家,水準受影響啦!
刪除我只懂飲cocktail 如strawberry daiquiri or pina colada,因為甜味重過酒味咋,嘻嘻!
枝白酒攞嚟煮青口﹖
回覆刪除真係要俾個like妳,咁叻估到,呢個容易嘛,將啱食嘅隊哂落去,一鑊熟!
刪除外賣食物都唔錯。 你哋聖誕新年都有很多餐廳開喎。我哋過完年先正常咋。
回覆刪除我盡量幫襯返唐人開嘅餐廳、餅店、同小店,佢哋多數年中無休嘛!妳住嘅附近可能無咁多唐人同唐人餐廳。
刪除其實喺西方國家生活或留學嘅富二代/小粉紅係咪傻架?佢哋唔知過份得滯或者俾人哋國家拉咗判罪,什麼留學簽證甚至移民入籍資格會被取消嘅咩?美加英澳雖然唔係想放棄哂大陸轉過去啲錢,但要搵幾個出嚟殺一警百嘅話,佢哋政府眼都唔眨一下就會郁你。
回覆刪除如果佢地以為有錢大哂,真係太天真太儍啦,正如妳所講,拉到嘅話,留學/移民簽證,不了。我估無乜國家嘅執法機關會想插手呢啲情況,但同時,加拿大係一個非常著重政治正確嘅國家,只要有能力將件事推上新聞,警察一定會處理。
刪除好豐富呀,點會投訴呀。
回覆刪除我有投訴呀,煮飯企到我腳軟,嗰晚食完就喺梳化攤咗成晚!;P
刪除好豐富,應該是不錯啦! o(^▽^)o
回覆刪除食外食就當然豐富啦,可惜煮飯真係唔係我強項,煮完、食完,我驚咗自己煮過嘅食物。^^”
刪除香港也開了日本過江龍SAKlomoto Bakery也要賣$45-$50/斤的麵包!仲要晨早去取籌所以我還未試!
回覆刪除嘩,原來我袋包都唔算太貴啦!又,有個小小笑話同妳分享,話說我買餸時順便買咗一袋包,單據上寫住“金枕頭麵包”,於是主子就好好奇不嗜榴蓮嘅我,何以會買金枕頭麵包,實情係佢諗多咗啦,金枕頭指嘅係金黃色同質地軟熟咋,哈哈!
刪除金枕頭麵包玩食字咁抵死haha~
刪除好在只係玩食字,如果我真係買錯咗,實有排比佢笑呀!^^”
刪除你們買完奶茶返來轉返屋企的靚靚杯,好細緻啊👍🏻 (如果比我可能唔想洗多樣野🤷🏻♀️)
回覆刪除好細心呀愚太妳!其實這只是「期間限定」的做法,這些杯是上次坐遊輪,船公司送的聖誕禮物,所以襯聖誕期間拿來用,自製一點節日氣氛。
刪除肥人去茶記唯一要求只係杯奶茶, 其他野只要唔係太差, 我都會接受呢~
回覆刪除其實都係,杯奶茶絕對係全餐飯嘅靈魂,不過呢,呢度嘅奶茶始終不及香港嘅好味!
刪除