最近天氣開始冷,人就開始懶,所以,請原諒借口王海豚兒,幾個星期沒有更新網誌,哈哈。
講返早前想食無核青提,於是就貪得意,入手韓國產晴王啦,諗住當自己味遊首爾。。。點知,伏到無朋友,最誇張試過一粒提子內有五粒核,而海豚兒就係唔想食到有核嘛,還好,提子皮完全沒有苦澀味,只是肉質有點太軟淋淋。
某個週末,很想很想食快餐,自去年三月中封城以來,海豚兒和Mr. Dolphin碰也沒有碰過快餐,這天決定要食Popeyes Chicken,一來覺得比KFC出品好味,二來海豚兒一向喜歡這店的鬆餅,不過可能太耐無食過快餐,預錯份量,買了一個四人餐,花了兩天才吃完呢!
另一個週末,就在家附近的小店買了焗駌鴦飯和茄汁焗雞扒意粉作晚餐。買焗飯、焗意粉的好處是,日頭買定,晩上放入焗爐翻熱來吃,也很方便,尤其星期五晚上,有時已攰到不願煮食,預先準備地外賣,啱哂海豚兒這個懶人。
難得外出,就順便多買一些水餃,之後一晚,加入蕃茄和菇等,一煲過煮來吃,又慳返啲功夫。
懶人報告到此為止,下次再續。。。
後記:
其中一個懶於更新的原因,因為實在沒甚麽高興的事值得記錄啊,12月26號起,安省全省封城,1月14號起,安省第二度實施緊急狀態兼劉嘉玲,對不起,是留家令才對,可是,新增染疫個案依舊很多、很多。。。還是同一句,各位:stay safe and take care!
take care !!!
回覆刪除Thank you!! 妳都係呀,好好保重!
刪除我幾乎日日煮,不過我成日買熟餸,咁又可以煮少一樣,嘻嘻
回覆刪除好鍾意買熟餸呢個idea,我以前都成日食,只可惜近年我同主子口味變咗,好難夾得到有野大家都啱食。
刪除no way, 提子有核真係好煩。KFC唔係好食,不過我哋無選擇,佢哋比起其他好。寫post 唔一定要share 開心事嘅。我當自己寫日記咋。難得見你煮野食呀!
回覆刪除提子有核我真係唔想食,同KFC比,感覺上Popeyes嘅雞熟啲同埋啲骨乾淨啲,同埋最緊要係黑肉白肉份量各一半,唔洗爭。成日坐喺屋企,有時真係諗唔到寫乜呢。哈哈,的確係,雖然一星期煮五至六日,但我啲只係學前班,唔敢post上黎嚇人啦。😅
刪除你兩個人買四人餐又有啲誇張啊!😆
回覆刪除係啦,太耐無買,眼闊肚窄,失咗手,啲biscuits都食咗我幾餐至食得哂呀!^^”
刪除一粒提子有五粒核,好少喎,晴王及香印,有時會有一粒核!🙂
回覆刪除之前喺日本未試過咁好彩中咁多粒核架,我以後唔敢買韓國產提子啦。👉🏻👈🏻
刪除劉嘉玲 XD
回覆刪除take care, keep calm and carry on :)
呢個劉嘉玲絕對無另一個咁popular呀,哈哈!
刪除你地都係,希望你們一家快啲可以接踵疫苗!:)
唔知點解,我一直對最迎一兩年流行嘅綠色提子無興趣,而近年又太多"假"巨峰,就算2-300蚊一小盒都唔係嗰隻味道,攪到我都無癮買。
回覆刪除我同妳應該唔會爭食,綠色以外嘅提子,我只會associate到有核,所以我連巨峰都唔食。最慘就係妳講個情況,貴三三買返黎,唔啱味但仲要隊哂佢。
刪除Sorry阿毛,錯手deleted妳嘅留言。。。😣
回覆刪除出劉嘉玲唔緊要,最重要係大家肯聽,唔好陽奉陰違啦!
又唔多覺喎,可能Alberta嗰邊,尤其原住民民參予度會高啲。
響香港較少買到韓國晴王
回覆刪除Umm...有過這次經驗,我下次見到韓國產嘅水果都應該唔會再試,怕怕啦!
刪除韓國晴王聽講都係麻麻, 都係食番日本好D~
回覆刪除不過肥人發現其實波子提都不錯吃, 平均都是40-60蚊磅, 海豚兒下次見到都試下呀~
可惜呢度暫時未見到有日本晴王呢,下次我都係安份守紀,食返北美青提算啦。😅
刪除好,謝謝妳,等我留意下呢度有冇波子提子先!
韓國生果好睇但唔好食!
回覆刪除甜魔媽媽都係咁講呢,我以後都唔敢啦,唉,其實都只係想食無核青提啫。^^”
刪除