抗疫日常85 + 同行7～一人前假期

這星期，海豚兒放了一星期大假。

星期一先去辦好正經事，就嘆返頓美味茶記早餐。

星期二上午有三個醫生約會，包括專科醫生⋯⋯跟四個月前比較，情況沒好轉，醫生提議海豚兒再食返之前停了的1號藥，但海豚兒決定繼續拖，因1號藥的副作用真的超惡頂！或者你會問，沒有其他藥可代替嗎？

這科有四款基本藥物，1號藥就是海豚兒已停了半年的藥，2號藥一直在服，3號藥的副作用，海豚兒捱了三星期就撐不下去，再食落去，還來得及的話，應該可以睇埋心理醫生，食埋抗抑鬱藥咁囉😅，4號藥打正旗號會傷肝，副作用亦不比3號藥低，所以醫生亦不太贊成試此藥。再之後嘅藥，因為海豚兒情況又未嚴重到可以有保險資助，自費的話要幾皮野加幣一年又太貴，一食就一世喎，真係食唔起呀！

第二個約會就是驗眼，一切如常，近視散光未有加深，老花亦未嚴重到要配眼鏡，亦未有白內障或青光眼。

第三個約會就是年度身體檢查。跟往年一樣，所有指數仍是靚仔到不得知了。人就係咁，點會估到身體狀況好成咁，竟然係長期病患吖！或者就好似主子咁講，就係身體太好，所以自己的基因在體內會自己打自己卦🤷🏻‍♀️。

下午就約了朋友吃午飯，談天說地，暢所欲言！

星期三就去嘆西式早餐，然後去行街街。

星期四又食茶記做早餐，之後又去行街街。

中午食美味魚生飯。

晚餐就和主子撐枱腳，試了一間不錯吃的意大利餐廳。食得太飽，海豚兒仲連甜品都跳過呢！就這樣，簡簡單單渡過了四天假期，然後主子就一起放長週末假期咯！

雖說是長週末，我倆也只是吃了個簡單甜品早餐，包包很好吃，但外帶的古古力花甜品就普普通通。

晚飯就吃了不錯吃壽司，最適合熱辣辣的天氣呀！