星期二去了市中心一趟。空肚食早餐之好味抹茶canele配打得又睇得抹茶牛奶。
然後就在n年前工作的地區四圍逛,尋找當年在市中心上班,一點一滴的記憶。
包括以下這間藥房,。。某年冬天,海豚兒戴著母親生前喜歡的戒指上班,早上先到藥房買點東西,然後才回去辦公室。不久,發現手上的戒指不見了,嚇得半死😰,心想該是在藥房買東西時,在收銀處除下手套,而不小心掉了本已有點鬆的戒指。馬上跑回去藥房,藥房員工當下沒有找到,海豚兒告訴員工,這戒指是母親遺物,如果找到,希望能夠告訴海豚兒。真的好好彩,大概幾小時後,真的收到員工電話,在收銀處旁的員工辦公室地上,拾到了海豚兒的戒指,真的萬分感激🙏🏻🙏🏻🙏🏻。自此以後,海豚兒就好好把戒指收藏,不敢再戴啦,因為這戒指的款式關系,是不能把戒指改細的。
接著,海豚兒在Path(多倫多市中心地下街)逛了好久,尋找從前經常和舊同事吃飯,抵食夾大件的中式小店。找了好久好久,才找得到,開心得把照片傳給其中一位舊同事,一起懷念一番。
下午隨便在一間法式麵包店,打算吃件三文治,價錢約十至十二元一份,看到心儀的忌廉芝士煙三文魚牛角包,雖然沒有標價,但發夢也沒想到,稅前竟然要加元二十個大洋😱😱!套主子一句「今時今日,真係揾少個錢都唔掂呀!」
星期三,海豚兒去了茶記食豐富又好食早午餐,差點兒飽到連晚飯也吃不下,一個人吃了沙嗲牛公仔麵配魚肉春卷,肉鬆咸蛋黃流心西多和熱奶茶,盡了全力大概吃了四份三的食物,而這餐稅前約$21,比昨天的三文治較抵食。
然後就在附近的甜品舖,買了兩件撻,預備過兩日和主子開心些牙。
星期四早餐就去了麥當當,嘆久違了的McGriddles 。還記得很多年前,這款甜班戟夾芝士蛋+煙肉/豬柳剛推出時,海豚兒稱呼他做「咸咸甜」,主子半帶疑惑的問海豚兒,“(個名)係咪真架?”海豚兒當然不會錯過這整蠱主子的機會,權威地說,這可是官方譯名啊,而明明老家是沒有這種包的,哈哈!🤣🤣
這天跳過沒吃午餐,但就去附近的小店,吃了一件黑芝麻巴斯克芝士蛋糕當下午茶,估唔到黑芝麻和芝士蛋糕兩者做到朋友喎,而且仲好鬼夾添。😋😋
星期五就吃了份遲來的美味燒牛肉三文治做午餐,然後海豚兒就去看專科醫生。
之後和下班的主子會合,一起去看家庭醫生,他找醫生配藥之餘,我倆亦承機打了預防流感疫苗。然後就一起去晚餐,簡單吃了中餐,包括主子的雞肉炒麵和海豚兒的魚湯米線。
就這樣,海豚兒簡簡單單放了一星期假,雖然主子要上班,但海豚兒的咳嗽當時仍未完全清,也不好意思約友人飯聚。而其實,一個人安安靜靜的過,也滿不錯。
🐰 哈囉! 海豚兒 💙💚💛💜❤️
回覆刪除Good for you 👍。👏🏻 Sure you have enjoyed this staycation to the fullest ❣️
By the way, McGriddles.. 𝕐𝕦𝕞! 𝕐𝕦𝕞! 𝕐𝕦𝕞!
youtube.com/watch?v=L6mPG1idnC4
Making The McDonald's McGriddle Meal At Home | But Better 🤣
Yes, I had a relaxing time off and it’s good to take a break from work once in a while 😉
刪除I like McGriddles better because I don’t like English muffins at all 😂
呢個星期竟然唔見您哋日本嘢
回覆刪除又係喎,原來呢個星期無機會食到日本野添!
刪除悠閒自在的staycation👍甜品最吸引😍😋
回覆刪除可以抖下的確唔錯!對呀,甜品真係好正,尤其係有raspberry嗰款,中間有荔枝肉,好refreshing!
刪除而家好番D未呀?
回覆刪除百物騰貴, 睇黎有排都唔會回落 (阿毛)
謝謝你喔!好返啦,雖然間中仍然會咳一兩聲。
刪除真係呀,通漲咁犀利,加上商家都要搵返早幾年賺少咗嘅錢。。。
Niceeeee
回覆刪除放假就係爽!😎🥳
刪除「咸咸甜」肥人特登去日本食, 覺得沒特別...哈哈!!
回覆刪除咁岩既, 肥人都病左呀呢個星期....而家仲聲沙中....唉~
我都留意到,近來多咗人去日本食McGriddles呀,而之前我一直以為只係得北美有咋。因為我唔鍾意食English muffins, 所以McGriddles相對地會啱食啲!
刪除唉呀,希望妳都早啲好返啦,尤其如果有咳嘅話,有時真係好難清。
我仲以為你staycation係去搵間酒店住吓,原來真係"stay".... 喺屋企放假。我就由暑假忙到依家都未停過.....
回覆刪除哈哈,最近要省吃儉用儲錢嘛⋯⋯更重要係要減下肥!而且主子無假放,我都走唔開。
刪除妳幾時可以放假抖下呀?希望唔駛等到聖誕啦!
竟然冇壽司?個m記包精緻過香港嗰啲咁多嘅。🤣
回覆刪除係吖,竟然無機會食喎!不過,呢個星期都算食咗唔少心水野。
刪除精緻係指賣相定份量小巧呀?我有覺得個包比以前細呀!
肉鬆咸蛋黃流心西多? 想試試呀!
回覆刪除我估你度都有咸蛋黃流心西多嘅,肉鬆就可能要自備,哈哈!不過我覺得肉鬆落得唔夠多,所以味道都唔算出。
刪除勁想食McGriddles!
回覆刪除我近來至知日本都有得食,係時候去一轉啦!:)
刪除