昨天七月一日是加拿大國慶日,請容海豚兒懶一懶,來一篇短一點的。。。實情是大部份例子也是來自Mr. Dolphin, 海豚兒覺得還是應該尊重這位喜歡保持低調的主子比較好些。;)
不曉得大家洗澡時有否一些特别習慣呢?記得n年前的今日,海豚兒從香港去到三藩市和海豚家姐生活了一個暑假,有天晩上海豚家姐問海豚兒。。。
姊: 妳頭先沖涼時係咪唱過xxx 同 yyy 嗰兩首歌呀?
妹: 下!咁妳都聽到^^"
姊: 妳唱到咁大聲,隔離屋都聽到啦!XD
妹: ×_×///
自此之後,海豚兒學懂了"請將音量收細"的重要性。
自從和Mr. Dolphin一起生活後,海豚兒發現Mr. Dolphin 很喜歡在沖涼時自言自語,有時候"陰濕的"海豚兒偷聽完,會襯Mr. Dolphin 在防不勝防時候問他。。。
海豚兒: 點解你話乜乜乜嘅?
Mr. Dolphin: 無呀,幾時有講D咁嘅嘢呀!
海豚兒: 有呀!你早兩日沖涼時講嘅!
Mr. Dolphin: err 。。。(然後尷尷尬唔知講咩好)
不過君子報仇十年未晚。話説有次海豚兒和同事吃lunch, 當天在家附近的辦公室上班,所以放工獨自步行回家後就先沖涼,可能因為當日lunch太好味,海豚兒一路沖涼一路講"fit 薯" tacos (fish tacos)也不以為然,直至沖完涼打開門才發現Mr. Dolphin 竟然比平時早放工,笑笑口問海豚兒“fish tacos 係咪好好食呀?”
唉!居然比Mr. Dolphin 反偷聽成功添!>_<
沒錯,我倆的生活就是如此無聊。;P
哈哈,你兩個好sweet呀! 我好耐無唱歌lu....費事嘈親人,哈哈
回覆刪除嘻嘻!我哋大細路嘛!我平時都唔會唱歌架。。。除咗沖涼嗰陣,不過依家都少咗,因為好多歌連歌詞都唔鬼記得。;P
刪除我從來都唔會一個人嘅時候講嘢出聲架。
回覆刪除哈哈!如果以前我係妳鄰居,妳一定覺得我煩爆,由早嘈到妳晚。XD
刪除咁妳一個人嘅時候又唔會出聲咪諗好多嘢囉!
咁又唔係喎,我平時喺屋企又懶又呆,都係睇吓電視上吓網,邊得咁多嘢諗!
刪除妳成日都話自己懶,但妳嗰條懶嘅底線其實真係好鬼高囉!XD
刪除我沖涼時會聽收音機,聽商台或者 DBS。
回覆刪除妳聽新聞?如果聽廣播劇,分分鐘沖到巢皮都未沖完呢!;P
刪除反而我又未試過沖涼聽收音機,感覺好似比人嘈住咁。
妳地兩個咁搞笑既,有咁特別嚐好,咁妳依家仲有冇沖涼唱歌呀?
回覆刪除我哋大唔透嘛,成日鍾意玩D無無聊聊嘅遊戲。:D
刪除唔知係咪依家年紀大咗,好多歌詞都唔記得,想唱都無得唱lu,hehe 。
妳地真係兩公婆, 絕對冇搞錯, hahaha
回覆刪除哈哈!因為兩個都咁低B嘛!XD
刪除其實我哋好多年前初相識時,都發現大家有好多共同嘅(無聊)嗜好。
原夾這樣子是偷聽的, haha...(是我來的 >_<)
回覆刪除無問題!;)
刪除係呀!有時仲會聽到D好攪笑嘅小秘密,好過癮架,哈哈!
hi there, i don't write blog anymore but i update my fb quite often. So, if you like, you can add me on fb (Annie Eng -- annieatpv@yahoo.com). If your fb is only for family, i understand :) See you next year in Toronto!
回覆刪除多謝妳呀!我揾到妳啦!好期待下年喺多倫多見面呢!;)
刪除You two are just too cute!
回覆刪除哈哈!兩個人無聊呀嘛,靜靜雞講妳知,我琴晚又偷聽成功啦! XD
刪除我老公沖涼有時都會唱歌, 通常我都拍門叫佢..收聲...
回覆刪除哈哈!!!
肥人無呢個習慣架...我沖涼時會當清埋個腦, 諗下野咁~
哈哈!好攪笑呀!咁佢有無比妳嚇親架?可能我老公太專注,我好多時打擾佢雅興都會嚇親佢或者令佢好尷尬架。XD尬
刪除其實我哋有時都會好似妳咁諗下嘢,問題係諗到走火入魔之際就會忍唔住講咗出口囉。^^"