可惜今年天公不做美，由一開始毛毛細雨然後越下越兇，所以我倆亦只意思、意思地吃一下每年的must eat item - 臭豆腐，不過可能脷苔厚了，鼻也塞了，近年總覺得臭豆腐不夠臭就是了，今年再加多隻味道普通的燒龍蝦便收工了！
來到七月一日 ~ 加拿大國慶日，這天是公眾假期，躱懶的Mr. Dolphin 和海豚兒沒有安排任何節目，只隨意步行到我們家附近的商場逛個圈，然後再去旁邊的公園廣場看看表演和"視察"有什麽好吃的食物檔攤車(food trucks)，買了一"瓶"青檸批來吃就是了。
上篇也提過Summerlicious(prix fixe menu)已經開始啦，海豚兒就襯星期六和Mr. Dolphin找個借口出城去食個晚飯。
這次我倆挑了日本餐來吃，雖然份量很少，但賣相極為精緻，味道也非常出色。
而甜品其實是吃完加點的菜式之後才上的。:)
亦因為頭盤和主菜也好好吃，我倆再多點了三款菜色，最令海豚兒驚訝的是平常不喜歡吃鯖魚(saba/mackerel)壽司和雞翼的Mr. Dolphin 也激讚這兩款菜色，唯獨是halibut tempura 炸得真的太油，我倆都無法完成。^^"
總括來説，這個晚餐也算很好的選擇。噢！忘了告訴你，我倆是早吃晚飯之人，是日晚餐由四時開始，到我倆吃完離開之時，餐廳還未有其他客人，感覺就像包場啦，wakaka! XD
我weekend都好早食晚飯，通常5/6點就食，但因為我中午先起身又成日唔食lunch，所以到4/5點已好餓。
回覆刪除可以瞓到中午我好羨慕呀，不過印象中妳唔係瞓得好好。不過我就算瞓得晏，都好少會跳過唔食午餐，因為週末食午餐喺我心目中好似係個“節目”咁。;)
刪除halibut 就好食啦， 就是老DAD鍾意食的魚，肉質好滑，又唔係成日有得賣。
回覆刪除我都鍾意食halibut,不過好似都係食雪藏嘅多。妳下次試下叫賣魚勝有貨留定比妳吖，話哂妳都係熟客仔嘛！
刪除Mr. Dolphin 都會食臭豆腐?
回覆刪除D鬼佬聞到會唔會走夾唔頭呀?
真係好羨慕妳地日日都可以咁早食飯
Mr. Dolphin 先係中堅份子呀，由細食到大，返香港就算唔食街邊檔嘅佢都會整番兩件嘆下架！XD
刪除有鬼佬會話臭但同時都有鬼佬排隊買嚟食，嘻嘻！
我琴日仲誇，同D同事食飯都可以約5點。
早食飯好好呀, 冇咁肥之餘又可以包場 :)
回覆刪除早食飯真係好啱我，太夜食完，好多時都好難消化，然後又攪到好夜都瞓唔到，而且包場感覺真係非常好，因為呢間話哂係居酒屋，晏D多人就會好嘈，想講句嘢都難呀！
刪除我都好耐冇食過臭豆腐, 不過都覺得香港少人賣咗, 定係我咁啱少行過呢?
回覆刪除日本餐看來很精緻, 唔錯~~
嘻嘻！依家就算想食，妳都可能要忍下口啦！;) 我返親香港淨係識得喺旺角有得食，其他地方我都唔識呢！^^"
刪除係呀，雖然係好細份，但賣相同味道都一樣咁有驚喜，好好味架！
I don't like 臭豆腐 (or the smell of it)...
回覆刪除我細個時喺街邊聞到都覺得好臭架，記得有一次同埋個同學放學一齊行返屋企途中，佢停低買嚟食，我喺旁邊係咁話臭，唔知點樣情況下，我試咗少少，之後就鍾意咗食啦！:D
刪除