出動摩打腿在展覽場地極速巡了一圈後，我倆決定開心些牙巨型燒帶子海膽丼。
巨型帶子和海膽也好好吃，係海膽份量少咗啲啲啫，飯就雪櫃飯質素麻麻地。
再來一杯冰感較重的北海道牛奶軟雪糕，有丁點兒浪費了配額呀。
然後就往大阪難波出發去啦！
去到難波，先在0101門口買一份法式薄餅吃，難得連Mr. Dolphin都記得海豚兒喜歡吃這店的薄餅。然後當然是要安頓好Mr. Dolphin坐個有利位置，好讓海豚兒在0101逛個痛快啦！
行完0101，海豚兒就“接返”Mr. Dolphin去三田製麵所食個late lunch。
這兒的沾麵依然好吃，這趟日本行幫襯過三間沾麵店包括博多一幸舍、東京的六厘舍、大阪的三田製麵所，這間店是三間中最重口味亦最得到Mr. Dolphin喜愛。
食飽就沿著心齋橋方向行街街。
行到邊、影到邊。
下午茶就去宇治園解決。這兒的焙茶味軟雪糕滿好吃，但其他甜品就普普通通啦！不過光顧這店的最大原因就是買手信啦！跟據兩次到訪京都、大阪的焙茶、綠茶甜點手信食後感，宇治園的外帶手信味道上較可靠，海豚兒覺得比中村藤吉、辻利、伊藤久右衞門都好，當然堂食甜品的話，中村藤吉總店就定必是海豚兒首選啦!
唔覺唔覺喺心齋橋附近都已經行到天黑啦，海豚兒呢日衣食行各方面都叫做有少少收獲咁啦！
橫豎都未餓，我倆索性搭車返到京都站再光顧又平又好食嘅迴轉壽司做晚餐！
海膽係我至愛，加埋超級大帶子。呢 1 set 好正喎。
回覆刪除我都勁like海膽，不過呢個組合嘅海膽唔多夠喉，但巨型帶子就食得某人非常滿足。
刪除一見固力果跑跑人, 就知係大阪
回覆刪除係呀，就好似紐約時代廣場咁，一見到啲燈箱就知係邊度，好iconic！
刪除宇治園既焙茶味軟雪糕太誘人啦！睇樣都feel到好滑
回覆刪除見到妳間三田馬上search返當年大阪遊記，果然係去同一間，真係好好味，好想再去呀～～～
係咪好似香港都開咗宇治園亦都有三田呀。雖然如此，我都會話飛日本食一轉更可滿足生理同心理需要，哈哈!
刪除我記得妳當年係冬天去大阪，凍冰冰食沾麵，感覺更幸福滿足呀！
香港三田唔好食啦... 宇治園要搵次試試！
刪除好不容易等到香港有分店但水準不似預期，真係好失望呀！希望香港嘅宇治園會令人滿意啦！
刪除最怕吃雪櫃飯！
回覆刪除對對對，所以啲飯我都係試過就算，無謂嘥配額嘛!
刪除海膽啊...肥人口水流緊啦~
回覆刪除海豚兒係0101應該收獲唔少..HAHAHA
睇返相，我其實好後悔當時唔買多盒黎食，但印象中，嗰陣晨早流流又唔食得落太多生冷野。
刪除0101...大飽眼福但零收獲(爆)，我太cheap啦，哈哈！
我記得上次住大阪都係住0101附近,有去逛商場^^
回覆刪除住0101附近，食買玩都好方便喎:)，仲有由難波坐車去機場又係勁方便！
刪除