我們仨也是從香港移民來的，在公司裡難得遇上又啱嘴型，在行政姐姐離職前，當然要好好吃一頓啦！
同事提議去從西岸開過來的Cactus Club食好西，海豚兒當然舉腳贊成啦！
食物質素和服務同樣好，我們仨也很滿意，最緊要當然是主角也吃得滿足啦！
來到週末，海豚兒和Mr. Dolphin去了室內商場行街街，發現Colette Grand Café餐廳剛推出了下午茶，難得Mr. Dolphin肯嘗面，海豚兒定不會錯過這機會啦!
大家先看看menu。
再看看下面張照片，有覺得怪怪地嗎？
說好的鬆餅呢？一問之下原來侍應漏了呀。還有，Mr. Dolphin非常可愛地把茶包放在杯內而非茶壺裡，估計他是因為茶包跟茶杯是如下圖這樣地呈獻出來，因而被誤導，哈哈！
不過嘛，這下午茶味道很不錯，還有小禮物附上，才$35加元/位(另加稅和小費)，也算抵食非常啦！
來到10月尾，海豚兒和三位舊同事相約吃晚飯，其實呢，海豚兒在公司內人緣不算好，亦不太愛交際應酬，和這三位本地人同事當年亦只共事過兩年多的時間，難得大家夾得來又啱嘴型，海豚兒很怕雙面人，非常喜歡這三位也是有話直説的人，所以這晚共聚真的非常開心，可惜來到最後，海豚兒還是忘了跟大家合照，下次一定要記得！
哈哈，我都等緊我退休果日呀。真係好，食下午茶有香水送？ 好大手筆喎。
回覆刪除哈哈，咁橋嘅，我見到同事光榮退休心裡不知幾羨慕呀！
刪除無錯，雖然係香水嘅sample size份量亦唔少，可惜唔啱我！XD
下午茶個茶壺咁似酒樓果D, 好搞笑呀!
回覆刪除其實人緣唔使好好, 岩傾就得啦!
多仲煩呢~
我當時都係咁諗呀，英式下午茶用呢個茶壺真係幾樣衰，即時變到好似飲中茶咁。XD
刪除我覺得有時候文化同語言唔同，要啱傾又會難多少少，所以無論中、英文同事(中文同事唔多、英文同事又未必答到口)，啱key嘅我都覺得難得。
我都係, 好怕放左工仲要應酬人, 放左工想真心抖下
回覆刪除我都係咁話，尤其我呢啲唔望升職，只係想安安穩穩做到退休嘅大懶人，對於公餘嘅“課外活動”盡量都希望可以避之則吉，反正我又唔飲得亦唔吹得，俾面派對真係多我一個唔多，少我一個唔少。;P
刪除退休後會唔會回流返港?
回覆刪除到呢刻為止，我嘅答案都係唔會，因為離開太耐亦無太多親人喺香港生活，但女人嘛，五時花六時變，唔知將來會唔會改變啦！;P
刪除食tea送Jo Malone好豪氣喎，話時話我上次買香港送兩個samples我都唔知放咗去邊。
回覆刪除在海外生活，好似都係覺得本地人比較直腸直肚啲，海外移民好多都太自我保護。
我都覺得好揼本呀，話哂個tea又唔係收得貴而香水sample份量又好慷慨，可惜唔啱我吖！如果係喺屋企，我估啲samples終有一日會浮面嘅，嘻嘻！
刪除我只打過呢份西人工無太多比較，但有時會覺本地人同事職位級數會直接影響佢地有幾直腸直肚，但無可否認，佢地喺公事上表達意見會比較敢言又不失圓滑。
妳地個邊的下午茶賣相真係同香港差好遠！
回覆刪除但好食唔貴仲有豐富贈品，都好OK呢～～～
海豚兒，我中左New York酒店呀... 可能真係要來北美一轉了！
哈哈，所以呢。。。我返黎香港咁鍾意去嘆靚靚tea同食甜品囉，但以呢個價錢，味道又唔差，仲有禮物送，真係無投訴啦！
刪除我喺Facebook見到呀:)，仲好鬼“鄧”妳興奮添！如果妳成行又夾到時間就好啦，我地一齊去揾Mrs. Wu！真係諗下都開心呀～～～
係囉係囉，但我要搞Visa，除非同老公暑期來，否則一個女人仔都擔心唔批呀....
刪除無錯，同另一半一齊攞美國嘅簽証係會好啲，其實夏天黎北美陽光好天氣又好呀，不過飛咁遠，我都有啲替你地辛苦，尤其記得龍唔like坐長途機。
刪除好勁呀....三十年......
回覆刪除咁咪只做過呢份工，好勁啊....
佢未移民前已經做緊野啦，所以呢份唔係第一份工，最勁嘅係佢都仲好後生，個仔仲成個韓星咁靚仔!
刪除$35位下午茶仲有jo Malone送太爽了吧！
回覆刪除真係值回票價架，可惜我已好少搽香水，不過我C9心態，有份小禮物點都開心嘅。:)
刪除