同時間，海豚兒公司內有位同事M揾工跳槽成功，同事M按手續在離職前提早兩星期交辭職信，但行內規矩，因為同事M是跳槽到同類型公司，所以舊公司還是會實施即捕即解，換句話說，這兩星期糧照出，但同事M就要馬上離職。走得衝忙，海豚兒和其他同事也沒有機會跟同事M好好說再見。
就在早兩星期前，海豚兒和其他同事包括同事M一行七人，終於有機會一起來個午飯聚，算是遲來的送別午餐。七個女人傾下講下，很快便消磨了一個快樂的下午。
放工後趕著和Mr. Dolphin會合，在沒有任何計劃下，我倆又幫襯了跟海豚兒午餐時吃的同種類的西式餐廳，但由於海豚兒真的不太餓，只簡單點了一個卷物配甜品當晚餐。
週末時我倆試了一間未幫襯過的日本餐廳，味道算「還可以吧！」
某日在商場內看到小狗定小熊(?)乖乖坐在花盤中，應該是小孩不小心掉了，然後有心人把牠放在盤內。<3
另一天放工後，Mr. Dolphin估計到海豚兒應該會很餓，所以就給海豚兒買了韓式炸雞加餸，哈哈，這亦是海豚家斬料之首選啦！
依家加餸唔再係叉燒架喇，炸雞仲正呀
回覆刪除其實無論係燒味定炸雞，都係得我一個人有興趣食，哈哈!
刪除7個人的午餐，一定好熱鬧
回覆刪除真係好熱鬧亦無冷場，但其實我有啲衰，唔係好想出去。^^”
刪除糧照出最重要！😆👍
回覆刪除這個當然啦！阿Q啲諗，仲多咗兩個禮拜假期添。:)
刪除韓式炸雞<3 <3 <3 !
回覆刪除絕對比“Finger lickin' good”好味好多！話時話，就算平時嘅炸雞，我都會㨂Popeyes而非KFC。
刪除Texas Chicken is so so also.
刪除係呀，呢間(Church's)我都麻麻，high school時會食佢都只係貪佢有蜜糖packet可以用黎點雞食咋，哈哈！
刪除我覺得布公仔是小狗, 幾好呀! 放在花盤令植物增添一點生氣.
回覆刪除妳都覺得係小狗(笑)。而我覺得，將隻公仔放喺花盤上都算係呢度人嘅幽默表現呢。
刪除個炸雞個樣好得呀！香港啲韓式炸雞非常之唔得，令我好想去韓國啊！
回覆刪除呢間炸雞雖然不及橋村，但都真係算幾好食，喺多倫多亦有唔少分店。
刪除呢排真係無計，免得過都唔好外遊，我老爺奶奶都終於返咗溫哥華，總算鬆口氣，妳都要好好保重呀！
係HK, notice 最少一個月, 賠錢另計
回覆刪除以前有D公司寧願要人返來面壁, 無上網, 無電話, 而家呢招就行唔通啦
如果係高層，我呢度都要提早更多通知，話時話，我都唔知有冇人真係試過要賠錢呢，因為只聞樓梯響但無法求正，嘻嘻！
刪除呢招依家的確唔通，但小聲說，主子公司都繼續要員工返工返到最尾一刻，不過佢公司呢方面係絕啲嘅。
等我話你知
刪除我就試過啦, 早左兩個星期走, 可想而知當時幾想唔撈
噢。。。完全明白，仲可以想象到能劈炮唔撈嗰種暢快，當下嘅主題曲應該係「好心分手放開我」~~~
刪除韓式炸雞斬料正喎！
回覆刪除堅正，我基本上將斬料當主食，大滿足呀，哈哈！
刪除好掛住之前隨時出街同人飯聚的時光！
回覆刪除依家在HK真係唔太敢隨便出街，唉，真係唔知疫情幾時好轉.....
希望疫情早日過去，大家可以輕鬆過日子，但在退疫之前，還是要好好注意健康，千萬不要鬆懈。
刪除香港都算不錯，至少大家防疫意識較高，相對我地呢度。。。近期有個感染個案，確診前幾日搭咗n種交通工具，聽到我儍了眼。^^”