三月初的週五晚上，海豚兒和Mr. Dolphin去食好西，海豚兒點的豬肋骨一貫的好吃，不過相隔太耐，已經忘了Mr. Dolphin的粉粉味道如何，嘻嘻！
星期六我倆去了唐人商場剪頭髮，順便在美食廣場食了個簡單午餐，之後海豚兒掛住食，所以沒有影低主子的午餐。^^”
午餐吃得太飽關系，海豚兒晚飯只吃了一份西多士，主子就點了不錯吃的粉粉。
之後，海豚兒又順便買了芝麻糊(沒拍照)和合桃糊回家慢慢嘆。
一星期後的星期六，我倆就去食壽司當晚餐。當下，海豚兒和Mr. Dolphin也沒想過這將會是近期？短期？定長期？內最後一頓壽司晚飯兼外食，所以一定要記低呢！
原因嘛，往後的一星期就是加拿大政府分別宣布封城封關的日子，而餐廳亦因應政府要求，只能做外賣生意，不許做堂食了。
而一向對入廚小根筋的海豚兒亦已乖乖的在家中吃足兩星期，平常空空如也的冰箱亦打爆倉，當然大都是可即時翻熱食物以備不時之需，日常晚飯依舊是吃素菜為主。
還有，幸運地在一向幫襯開的麵包舖決定“休息”前去了一趟，買了半打菠蘿包返來慢慢嘆，瘋狂的海豚兒還買定磚牛油準備吃厚切菠蘿油，哈哈！
這就是海豚兒近期的日常咯。各位的日常又是怎樣過呢？
無得出去食好西, 會唔會好掛住?
回覆刪除過咗三個星期，暫時都仲可以，未試過話非要外出買外賣不可，好在嘅係我地閒日一向食得簡單，主子亦無投訴。;P
刪除我都五日無出過街
回覆刪除妳度咁方便，連續幾日唔出去其實真係唔容易。不過聽blog友講紐約最近啲唐人商店都陸續休息，依家可能出去都無野買。
刪除你好彩中剪左頭髮，食左幾餐好野先封城！哈哈！
回覆刪除早知前面啲流海再剪短啲，哈哈！不過妳講得啱，該做嘅都做咗又食咗幾餐好嘅先封城，真係算好彩！
刪除好彩妳都叫做有準備，哈哈哈。
回覆刪除真係最緊要剪咗髮，因為之前一直拖，已經有半年無剪過，依家又可以頂多幾個月，嘻嘻！
刪除日常當然是煮、煮、煮吧！
回覆刪除車媽媽嘅煮煮煮高班好多多多呢，大廚級水準，我嗰啲只係整熟啲野就食啦。。。好彩嘅話咪熟哂囉，哈哈！
刪除我都好耐冇去飲茶了
回覆刪除我都係呀，呢度食肆依家只準外賣，我估做飲茶嘅食肆都幾大打擊。
刪除好懷念出街去食野的日子呀! 現在除煮、煮、煮外, 只好叫外賣來滿足食慾.
回覆刪除我呢。。。又估唔到地暫時都無乜野，而且可能久經訓練，我地嘅mindset係喺屋企都以食得清淡唯主，所以都慣咗家中餐桌係無啖好食，哈哈！
刪除你個冰箱好多嘢食呀！
回覆刪除真係唔知要閉關幾耐呢⋯⋯Take care!
冰箱好多都係翻熱就食得嘅野，啱哂我呢啲懶人，最緊要唔好停電或者壞雪櫃，嘻嘻！
刪除呢刻真係最緊要人無事，謝謝，妳和家人都係，好好保重！
好勁呀, 打爆左個雪櫃...哈哈!
回覆刪除肥人有時都會外賣壽司返屋企食, 要KEEP住掃黃啊~
打爆咗冰箱嘅同時，我個心亦相對踏實啲。。。唉！自己講(寫)完出黎都覺得有啲荒謬，今時今日竟然因為咁而心安!
刪除多謝妳身體力行支持黃店<3，但出街飲食都要小心啊，保重！