同日,工作夥伴兩個月前已安排請海豚兒工作的部門同事到市中心午膳。長話短說,海豚兒已跟經理在之前一天確認不出席,所以亦沒有預先準備定口罩。午餐當日,海豚兒最終無奈亦要出席。食呢餐免費午餐,海豚兒真心覺得揾命搏,首先要喺無罩情況下搭成粒鐘巴士,好在非繁忙時間人流不多,然後又要對住六個人一起午飯,兩小時的口水多過浪花,之後仲要搭地鐵回程,對於長期病患初級生的海豚兒來說,真係淆底淆爆呀!
或者你會問,為何不馬上買口罩?因為根本買不到。家裡頭有,但當天上班時沒打算去聚會,所以沒有準備。現在嘛,已經準備了一些口罩在背包內,但海豚兒已轉成在家工作模式,又已經用不著了,哈哈。
或者你又會問,經理、同事們的反應呢?海豚兒只能說,直至上星期五為止(3月13日),大部分洋人同事們都相信勤洗手(濕洗和乾洗)就足夠。在老細眼中,7人聚會屬小組聚會,沒有不妥,她家中人貓狗雀加起來早已遠超這數目。海豚兒覺得,對於抗疫想法,就像宗教信仰,一位天主教徒遇上另一位佛教徒,大家的看法及立場自然不同。
是日下班後,海豚兒和Mr. Dolphin吃過簡單晚餐便前往韓超(雖然人多,但要買的濕及乾貨都有、補給亦快)及西超(蔬果肉類八成都空空的)入貨,等到星期六再去中超(貨源不及韓超但比西超好好多)買餘下所需。
3月16日,加拿大總理終於宣布封關但美國居民除外。這做法令海豚兒想起電視劇<<壹號皇庭>>經典對白「掟煲唔掟蓋,得閒打返場友誼賽」。是日下班後,Mr. Dolphin再去中超入乾貨,據說,中超非常多人。

3月17日,海豚兒居住的安大略省正式宣布進入緊急狀態。Mr. Dolphin在下班後,又再去西超補乾貨,據說,人不算多。

3月18日,加拿大、美國正式全面封關。

至於口罩及搓手液。。。這兒都已缺貨,除非好彩、有窿路、或硬食網上炒價,否則也不易買得到。感恩地,這方面海豚兒和Mr. Dolphin也有足夠儲備。:)
暫時想到的只有這些,把零碎的都寫下來,留作記念。
見呢幾日都好多唐人去中超入貨,見中超貨源充足,但啲菜就比平時貴咗少少
回覆刪除其實唔減價對我黎講都已經等如貴咗,哈哈!不過無法啦,都要提自己學習呢個新生活模式,減價與否,需要時就買,但不囤貨,減少出外次數更重要。:)
刪除保重!
不妨長期擺个口罩用密實袋包好放在手袋
回覆刪除萬一出街忙記都有後備頂一頂!
去超市比较人多複雜就盡量交比海豚生代勞吧^^
又或者揀晨早或夜間少人時段会穩阵D
已經即時有咁做但又無需要返公司上班,哈哈!其實呢,我幾個月以來只要係預先知道,我未試過忘記帶個口罩喺身架。
刪除對,我地都盡量想揀啲無咁多人嘅時間去超市,上個週末去完都覺得幾多人。
非常時期,我最怕一班朋友見面傾計,食飯。 一開口,就口水多。
回覆刪除尤其依家,更加係避得就避。最好笑係開始work from home後,主子日頭係咁叫我做同事,呢次係佢人生第一次在家工作,我估佢非常唔慣,哈哈!
刪除一定要準備口罩在身呀,有乜須要找我啦保重喔!
回覆刪除謝謝妳先,車媽媽!:)
刪除已經放定埋口罩喺車添啦,不過依家除咗一星期一次去超市外基本上都唔會外出。
如果已買夠,就唔好再出街入喇。
回覆刪除除咗上星期五、六要去睇醫生同去超市入貨外,我都宅在家中。:)
刪除其實平時都有陣時需要work from home,所以對我黎講都算習慣,亦只係如常工作。
我地只有搓手液, 口罩唔會買到
回覆刪除有搓手液都已經好唔錯呢,上週末我見到西超嘅告示係口罩、手套、搓手液、酒精、wipes都無。^^”
刪除take care !!!
回覆刪除謝謝!妳都係呀,同家人都要好好保重呢!
刪除這段時間大家要好好保護身體, 千祈唔好病呀! Take Care!
回覆刪除謝謝妳!呢兩個星期加拿大情況越來越嚴重,大家都要乖乖留喺屋企,唔好四圍走,希望疫情早日離我們而去,保重!
刪除大家都要安全至上呀!
回覆刪除肥人由新年後到而家都無聚會過啦, 西人諗野真係唔同D~~
妳好乖呀!唔去聚會係好負責任嘅做法,而且亦唔想加重醫護負擔,至於西人,可能呢個多星期變化太大,大家都唔敢再輕視武漢肺炎嘅威力。保重呀!
刪除唉,都唔知爆到幾時先完,只可以盡量小心再小心再小心......
回覆刪除對,真係唔知幾時完,呢個亦係最惱人嘅地方,大家都要好好保重,呢刻無野比身體健康更可貴。:)
刪除疫難當前,真係唔希望有任何一個人出事。
回覆刪除歡迎你!:)
刪除對呀,此時此刻,最重要大家都做好自己份內事,盡量留喺屋企,減少感染機會,好好保重!
海豚兒,好耐冇“見”,你小心啊,冇咩就唔好出街。我美國呢邊都好大濟,呢兩個星期都係宅在家中,希望疫情快過!
回覆刪除好開心見到妳嘅留言呀,真係好耐無妳消息啦,有時都諗妳會唔會已經回流咗呢。。。北美近期情況急轉直下,大家都要好好保重,希望妳一家上下平平安安,努力留家齊抗疫。:)
刪除